Lukas 10:11 - Buk Niu In Hida Balu nol Dehet deng Apan-kloma ki in Dadi ka

¹¹ ‘Hii babanan! Kaim maam son le kil Ama Lamtua in Teka-teka ngas bel mia, mo mi tiu-hii bubuit lo kon. Tiata kaim sii soleng kota ni ahu las deng kaim iin nias, le daid tada noan, mam mi lepa-haal in naih tom mi ngas esan! Mo nangan bana-banan! Ta Ama Lamtua Allah in prenta ka maa dadani isi son!’ ”

Lukas 10:11 Iomraidhean Croise

Matius 10:14

Eta atuli dai hii-ming se mi lo kam, putim deng iung na, tamlom kota na, hidim sii soleng auh in se mi iin na ngas, le daid tada noan, oen dai hii-ming se mi lo, tiata oen lepa-haal oen in kula-sala ngas esan.

Matius 10:7

Molam laok le tek kit atulin Israel las noan, ‘Oras sa maa lius son, le atuli li totoang bisa tama daid Ama Lamtua Allah atulin.’

Matius 3:2

Un tekas noan, “Kaka-pail in namnau me! Mi totoang musti hao' nol nang soleng mi in kula-sala ngas, le pait muid Ama Lamtua Allah tia. Ta halas ni totoang atuli li boel in taam le daid Ama Lamtua Allah atulin son.”

Markus 6:11

Mo eta noan mi lakom lius se mana mesa, hidim atuil in se na ngas sium mi lo', nol dai hii-ming se mi lo kam, haung bokam deng maan na. Hidim sii soleng auh in se mi iin na ngas, nol tekas noan, ‘Mi dai hii-ming lo, ta eta mam Ama Lamtua hukung mia lam, mi lepa-haal esan!’ ”

Lukas 10:10

Mo muik ingu dehe man un atulin nas dai sium mi lo. Etan oen tao ela nol mia lam, laok dil se iung na lalan na, le tekas noan,

Lukas 10:9

Tao banan oen atulin in heda ngas. Nol tekas noan, ‘Ama Lamtua Allah prenta la maa dadani son!’

Lukas 9:5

Eta mi taam lakom se ingu mesa, mo atuli-atuil in se la ngas sium mi lo, nol dai hii-ming se mi lo kam, haung bokam le nang one. Eta mi putim deng na lam, tao muid hadat ta, le sii soleng auh in se mi iin na ngas. Tek oen noan, ‘Mi dai ming lo, ta nang le mi lepa-haal mi in situ-tala ka esan!’ ”

Dehet deng Aan in Nutus sas 13:26

Pali-kakang totoang man upung Abraham in hua-koet, nol atuil Yahudi lo man todan-lahing se Ama Lamtua. Mi hii napat se auk le! Ama Lamtua Allah tek puting dais ni bel kitan son, le halin kit taan haup Un lalan in nuli ka. Nol Un kon bel boa-blingin kit deng kit in kula-sala ngas son.

Dehet deng Aan in Nutus sas 13:40

Tiata, mi musti nangan babanan. Ta tamlom asa man Ama Lamtua mee-baah hmuna-hmunan nuas in teka ka, nahi tom se mia la. Undeng oen dul son noan, ‘Mi atuil in hode-lokot daat, man ngat maat halin tuun nol atuil didang ngas, doha loo! Undeng Au, Ama Lamtua Allah daek dasi-dais man tao atuli li le hera-herang; mam mi haup in hukung, didiin mi matem. Auk daek dasi mesa, se dedeng mi in nulim nabale ka, mo mi dai simun lo. Atuli tek mi son kon no, mi dai tanan lo. Banan dui ka, mi nangan dais nias babanan, le halin nam mi kon herang.’ Tiata kaka-pali me, nangan babanan asa man auk in teka apin na. Pasang soleng asa man apin mi in ming son na banansila el atuil in hode-lokot daat tas deken. Auk in dehet ta pes ela. Nodan mamo!”

Dehet deng Aan in Nutus sas 13:46

Mo Paulus nol un tapan nas hoen lo, hidim oen kon dehet buni-buni lo. Oen tek noan, “Meman baktebes Ama Lamtua Allah sai lalan muna son, bel kit atuil Yahudi lia. Nol Un bel Dehet Dais Banan na se kita. Mo mi dai sium lo. Tiata nol mi in sium lo ela ka, mi tulu bel noan mi niam tatai in nuil napiut nol Ama Lamtua Allah lo. Undeng na le, banan dui ka kaim kil Dehet Dais Banan ni laok bel bangsa-bangsa didang nguas, undeng mi hutun soleng son.

Dehet deng Aan in Nutus sas 13:51

Putis deng kota na kon, oen duas tao muid hadat mesa, le sii soleng auh in se oen iin na ngas, le daid tada noan, atuli-atuil in se kota na ngas dai hii-ming se oen duas lo. Hidim oen duas bali kudi le lakos nang soleng kota na. Kon nam oen lakos se kota mes didang pait, ngala Ikonium.

Roma 10:21

Mo deng atuil Israel las, Ama Lamtua tek son elia: “Duman-lelom, Auk tod ima ngias duas, le nata-natang atuil Israel las in maa se Au lia. Mo oen dai maa le hii-ming se Auk lo, nol oen kon labang nol Auk tutungus.”

Roma 10:8

Tao ela deken! Ta ne Ama Lamtua Buk Niu ka kon dul noan, “Ama Lamtua in hida ka ne ku sila-matam ma son! Ta in hida na muik ne ku baham ma nol ku dalem ma.” In hida man kit in tek atuli las son noan, “Eta ku nuting in nuli kam, ku musti parsai se Kristus!”

Ibrani 1:3

Ama Lamtua Ana ka tulu Un Ama ka in muun-tes sa, banansila el lelo la kaloen na in tal pait deng hdidan na ka. Ta Un nam hnika mes parsis el Un Ama ka. Nol deng Un in Teka-teka man muik uhu isi ka, Un lako-daek totoang in ne apan-dapa kua nol apan-kloma kia ngas. Un kon sai lalan, le kose soleng atuli in kula-sala ngas, le halin oen daid niu. Hidim Un pait lako sorga, le daad se Ama Lamtua Allah halin kanan na, se maan in todan-lahing dudui ka.