Lukas 1:77 - Buk Niu In Hida Balu nol Dehet deng Apan-kloma ki in Dadi ka

⁷⁷ Nol ku laok tulu lalan bel Ama Lamtua atulin nas, le halin oen taan noan oen haup boa-blingin, undeng Ama Lamtua kose soleng oen in kula-sala ngas.

Lukas 1:77 Iomraidhean Croise

Lukas 3:3

Ming hidi kon, Yuhanis lako se totoang ingu-iung man in dadani nol palun Yordan nas, le tek atuli las noan, “Mi musti hao, le nang soleng mi in kula-sala ngas totoang, halin nam Ama Lamtua Allah kose soleng mi in kula-sala ngas. Hidim mi musti sarani, le halin daid tada noan, mi babanan nol Ama Lamtua son.”

Lukas 3:6

Nang le totoang atuil in deng bangsa-bangsa li ngias, taan haup noan, Ama Lamtua le bel boa-blingin atuli li deng oen in kula-sala ngas.’ ”

Yuhanis 1:29

Ola ka, Yuhanis ngat tam Yesus laok maa bus una. Kon un aa noan, “Ngat Atuling in maa nu le! Un na mo Ama Lamtua Allah Lae-blai Ana ka, man mam mate le kose soleng atuil apan-kloma ki in kula-sala ngas.

Yuhanis 1:34

Auk net dais nas nol auk matang beas si esa. Tiata auk tek mi noan, ‘Atuling in maa nu, Ama Lamtua Allah Ana ka!’ ”

Dehet deng Aan in Nutus sas 10:43

Deng hmunan hesa kua, Ama Lamtua Allah mee-baha las totoang kon nahdeh deng Yesus, le tek noan, asii man parsai se Una lam, mam Ama Lamtua Allah sium one, nol kose soleng oen in kula-sala ngas totoang.”

Dehet deng Aan in Nutus sas 19:4

Kon nam Paulus tekas noan, “Hii ke! Yuhanis sarain atuli lia, le daid tada noan, oen tenes deng oen in kula-sala ngas son. Mo mi musti nangan elia! Lelo-lelo lam Yuhanis esa man tui atuil Israel las noan, oen musti parsai se Yesus, Atuling man Ama Lamtua le tunang maa ka.”

Dehet deng Aan in Nutus sas 2:38

Kon Petrus situs noan, “Mi mesa-mesam musti nang soleng mi in kula-sala ngas totoang, le muid se Ama Lamtua. Hidi na lam, mi musti nodan le haup in sarani, halin daid tada noan, mi bali muid Yesus Kristus Lalan in Nuli ka son. In sarani na kon daid tada noan, Ama Lamtua kose soleng mi in kula-kula ngas son. Hidim mi kon haup Ama Lamtua Allah Koo Niu ka.

Dehet deng Aan in Nutus sas 3:19

Undeng na, mi musti bali kudi nang soleng mi in kula-sala ngas, le pait lakom bus el Ama Lamtua Allah tia, le halin Un kose soleng mi in kula-salang nas, nol nangan netas pait lo.

Dehet deng Aan in Nutus sas 5:31

Halas ni Ama Lamtua Allah nikit Yesus son le daid Un ima kanan. Hidim Yesus kil kuasa banansila el laih tuan na. Un sai lalan le atuli li haup in holoat deng oen in kula-sala ngas. Un le bel kit atuil Israel li lalan, le kit pesang deng kit in kula-sala ngas totoang. Nini ela lam, Ama Lamtua Allah dalen na daid blingin, didiin Un nangan kit atuil Israel li in kula-sala ngas pait lo.

Roma 3:25

Ama Lamtua Allah tulu nal Yesus son, le daid in sui-nahat nol kose soleng kit in kula-sala ngas, le tepat kit in mae ka. Mo kit musti parsai se Una noan, Un man sium kit hukung nga. Tiata, Un nang Un dala ka le baa, halin mate seda kita. Nini ela lam, Ama Lamtua Allah tulu bel noan, asa man Un in nutus son na, toma. Hmunan nu, Un keeh isi, hidim Un huil le nadidingun atuli li in tao kula-sala se hmunan nua ka. Mo eta Un hukung atuil in kula-sala ngas lo kam, Un in dake ka lolo lo. Tiata, Un sai lalan le nang Yesus Kristus halin tom in hukung undeng kit in kula-sala ngias. Halas nia, Un tulu bel atuli li totoang noan, Un lako-daek in banan na napiut. Hidim totoang atuil in kula-sala man parsai se Yesus sas, Un nutus le noken oen noan, atuil in dalen lolo.

Efesus 1:7

Hmunan nu kit nuil niu muid Ama Lamtua Allah lalan in nuli ka lo, mo Un tulu Un dalen banan na, nini in bel Un Ana ka, le dala ka baa didiin mate. Nini ela lam, Un Ana ka sui nal kit deng kit in kula-sala ngas son.