Lukas 1:70 - Buk Niu In Hida Balu nol Dehet deng Apan-kloma ki in Dadi ka

⁷⁰ Ama Lamtua hid nias meman son deng hmunan hesa kua, nini Un mee-baah in muid Un tutungus sas.

Lukas 1:70 Iomraidhean Croise

Dehet deng Apan-kloma ki in Dadi ka 12:3

Mam Auk bel hangun se atuli-atuil man in bel ku hangun nas. Mo Auk bahang atuil man in bahang ku ngas. Hii babanan ne! Mam totoang bangsa in se apan-kloma ki ngias haup hangun, undeng ku.”

Dehet deng Apan-kloma ki in Dadi ka 3:15

Auk tao ku nol bihatang ni le mi komali nol apa tutungus. Nol mi duam in hua-koet tas kon ela. Mam ku in hua-koet tas sau atuli li se oen iin baih ngungun nas. Mo mam un in hua-koet tas mes, tutu dudus ku bom ma.”

Dehet deng Apan-kloma ki in Dadi ka 49:10

Mam ku niam, kil bandu. Ku in hua-koet tas kon kil bandu mudi-muid apa, didiin mam muik At Mes kil hak lapa dui deng totoang. Un daad le kil bandu, hidim bangsa-bangsa las totoang todan Una, nol hii-ming se Una.

Markus 12:36

Lole hmunan nu, Ama Lamtua Allah Koo Niu ka pake laih Daud son le dul noan, ‘Ama Lamtua Allah tek auk Lamtuan na noan, “Maa le daad se maan in todan dui kia, se Auk halin kanan nia. Mam Auk tao Ku musu las, didiin oen suda muid se Ku.” ’

Lukas 24:44

Hidim Un tekas noan, “Elola la? Mi nangan net oras Auk in leo-leo nol mi hmunan nua ka, ta lo? Lelon na, Auk tek mi son noan, totoang man Ama Lamtua Allah mee-baha las in dul son deng Au ka, musti dadis. Nas deng upung Musa, deng mee-baah tenga las, nol deng buk in Naka-nahalit tas.”

Dehet deng Aan in Nutus sas 28:25

Oen labang apa mes nol mesa, didiin atuli deeh le pait. Mo Paulus tekas noan, “Meman mi in kaen apa nia, tom nol asa man hmunan nu Ama Lamtua Allah Koo Niu ka, in tek upung Yesaya ka,

Roma 1:2

Lolo hmunan nua, Ama Lamtua Allah mana-koet meman son, le Un mee-baha las dul deng Dehet Dais Banan na se Un Buk Niu ka. Ta se Buk Niu na lam, Ama Lamtua hida, le bel Un Ana Yesus maa daid atuli. Halas nia lam, Un in hida na dadi, undeng Yesus maa son, le daid atuli puti deng laih Daud in hua-koet.

Ibrani 3:7

Undeng na, kaim musti tidi hngilan le hii babanan asa man Ama Lamtua Allah Koo Niu ka in aa son noan, “Leol neot nia, eta mi ming Ama Lamtua Allah in teka ka son nam:

Petrus mesa la 1:12

Mo Kristus Koo Niu ka tekas noan, oen man net dais nias lo, molam mi man net dais nias. Undeng na, le halas ni mi kon ming deng dais nias, ta Ama Lamtua Koo Niu in deng sorga ka lok atuil didang son, le laok tek Ama Lamtua Dehet Dais Banan na bel mia. Molota, Ama Lamtua ima-ii in deng sorga nguas kom isi, le ngat net dais nias kon.

Petrus dua la 1:21

Undeng asa man oen dul son nas, putis deng asa man oen kom le aa tuun nas lo. Molam nas putis deng Ama Lamtua Allah, muid asa man Un Koo Niu ka in tulu bel one ka.

Petrus dua la 3:2

Nangan in teka-teka deng Ama Lamtua mee-baah niu' hmunan nua ngas. Nangan Lamtua Yesus anan in nutus sas, nol nangan babanan asa man kit Lamtuan na in prenta oen le tek mia ngas. Ta Un man bel boa-blingin mi deng mi in kula-sala ngas!

Apan-kloma Hnika Balu 19:10

Kon auk senet le noan hai bukung nga halin todan-lahing se ima-ii na, mo un kaing auk noan, “Ku todan-lahing se auk ela deken! Ta auk niam Ama Lamtua ata el ku, nol ku kaak-palim man in tek deng Yesus sas kon. Mee-baah man in tek deng Ama Lamtua Allah in hida-hida ngas totoang kon, aa deng Yesus, le halin nam atuli li todan-lahing se Una. Ta Ama Lamtua Koo la in koma ka ela. Tiata todan-lahing se auk deken, mo todan-lahing se Ama Lamtua Allah sii!”