Lukas 1:59 - Buk Niu In Hida Balu nol Dehet deng Apan-kloma ki in Dadi ka

⁵⁹ Nikit tana-ana na umur lelo paul kon, oen sunat un muid atuil Yahudi las atorang nga. Hidim oen le ngali tana-ana na, Sakarias muid un ama ka ngala ka.

Lukas 1:59 Iomraidhean Croise

Lukas 2:21

Hua hidi Tana-ana na lelo palu lam, oen sunat muid upung Musa atorang nga. Kon Un ina-aman nas ngali, ‘Yesus’. Ngaal na ka, ngaal man ima-ii in deng sorga ka in tek oen son, se oras Un ina ka in beeh Un lo bii ka.

Dehet deng Aan in Nutus sas 7:8

Aa hidi ela kon, Ama Lamtua but in hida na nini in tadu Abraham le sunat, halin daid tada noan, Abraham nol un in hua-koet tas, daid Ama Lamtua Allah atulin son. Tiata, dedeng un ana Isak halas-sam umur lelo palu, kon Abraham sunat una. Hidim Isak sunat un ana Yakob. Hidi kon Yakob sunat un anan bikloeb at hngul duas kas, dedeng oen kon halas-sam umur lelo palu. Oen totoang niam, kit atuil Yahudi li upu kia-kaons.

Filipi 3:5

Muid atorang agama la, auk ina-amang ngas sunat au, dedeng auk umur lelo palu. Auk niam, atuil Yahudi esa, lole auk daid deng ngaal Benyamin, man in hua-koet deng upung Israel. Auk makoe dui in muid parsis totoang atorang deng partei agama Farisi la, didiin muik atuli in bel kula nal au lo. Dudui pait ta, auk makoe isi in tao susa-daat atuil in muid Kristus sas, undeng auk nangan noan atuil nias, soleng kit atorang agama la son.