Lukas 1:48 - Buk Niu In Hida Balu nol Dehet deng Apan-kloma ki in Dadi ka

⁴⁸ Un tinang auk babanan son, molota auk niam Un atulin in loka-loka man muik nahin lo. Ninin deng oras nia, mam totoang atuli li nangan noan auk niam, bihaat man ulat banan dudui,

Lukas 1:48 Iomraidhean Croise

Dehet deng Apan-kloma ki in Dadi ka 30:13

Ti Lea aa pait noan, “Haah! Halas-sam auk daleng ngi kolo. Ngat ta mam totoang bihata li tek apa noan, auk haup ulat dui hihidi.” Undeng na le, un ngali tana-ana na ngala Aser (man nahin na noan ‘dael kolo’).

Lukas 1:28

Un tulu apa ka bel tana-bihatang na, le tekan noan, “Boa-blingin baat-ana! Ama Lamtua Allah huil nal ku son, le tao dais banan mes bel ku. Ama Lamtua Allah kon leo-leo nol ku, Maria.”

Lukas 1:42

Tiata un aa mumuun le tek noan, “Maria! Mam atuli las nikit sakeng ku ngalam ma lapa dui deng totoang bihaat in ne apan-kloma ki ngias! Mam atuli las kon nikit sakeng tana-ana in ne ku taim ma dalen na ka!

Lukas 1:45

Ama Lamtua Allah tulu Un dalen banan na bel ku son, undeng ku parsai noan, Un daek muid Un in hida ka.”

Lukas 1:49

undeng Ama Lamtua tao bel auk dasi-dais in herang. Un nam Kuasa Dui Hihidi nol Niu Dui.

Lukas 11:27

Oras Yesus dehet nabael nol atuil hut mamo kas sam, bihata mes se na aa mumuun noan, “Ku inam ma ulat isi, undeng un man hua Ku, nol nusu Ku!”