Lukas 1:46 - Buk Niu In Hida Balu nol Dehet deng Apan-kloma ki in Dadi ka

⁴⁶ Maria aa noan, “Deng auk daleng ngi esa-esa kia, auk nikit sakeng Ama Lamtua ngala ka lapa-lapa!

Lukas 1:46 Iomraidhean Croise

Roma 5:11

Ela tuun lo! Mo kit kon dalen kolo noan, “Ama Lamtua nam mo, muun isi!” undeng kit butu-kil nol Una. Kit haup in daid Un atulin, undeng kit Lamtuan Yesus Kristus mate seda kit son, le tao kit daem nol Ama Lamtua.

Korintus mesa la 1:31

Na banansila el in dul son ne Ama Lamtua Buk Niu ka noan, “Asii man kom in naka kam, banan dui ka un nikit in naka taung kit Lamtuan na in dakeng ngas tukun. Mo naka-naka oen apan nas esan deken!”

Korintus dua la 2:14

Mo auk lakong se olang tuun kon, auk nodan mamo-mamo se Ama Lamtua Allah. Ta Kristus labang nal daat tas, hidim Un nal son, nol kit kon butu-kil nol Una. Undeng na, le Ama Lamtua Allah tek tutungus noan, kit niam mo, Un atulin. Tiata, oras kit tek atuli li se ola-ol deng Kristus sa, na banansila el in bui bingis mesa, man totoang atuli li hodo netan.

Filipi 3:3

Ta oen tek noan Ama Lamtua sium atuli li undeng oen sunat. Mo na kula! Kit taan son noan, Ama Lamtua sium atuli li undeng oen parsai se Lamtua Yesus. Hidim, Ama Lamtua atulin baktetebes sas mo kit in parsai se Lamtua Yesus sias! Kit man todan-lahing Una, muid Un Koo Niu ka. Kit man nikit Yesus Kristus ngala ka lapa-lapa, undeng Un sai lalan son le kit tamang daid Ama Lamtua atulin. Ta eta kit muid atuli li in dake kam, kit haup boa-blingin lo.

Filipi 4:4

Undeng mi tamam daid Ama Lamtua atulin son, tiata mi musti dalen kolo duman-lelo. Auk tek mi pait elia: tao mi dalen nas kolo tutungus!

Tesalonika mesa la 5:23

Auk kohe-kanas le nodan Ama Lamtua Allah halin tao niu mi dalen nas, nol mi in nuli ka totoang. Undeng Un in tao ka, tiata kit nuil daem nol apa. Nini ela lam, eta kit Lamtuan Yesus Kristus pait maa son nam, mi dil nal se Un sila-mata ka nol aap-inan, dalen, nol aap-hmangin man muik in kula-salan lo. Baktebes! Ta Lamtua Yesus man in haman mia, le daid Un atulin na nam, kil didi nol Un in aa ngas. Asa man Un aa son nam, Un taon le dadi. Hidim mam Un nol mi niu-hilin lakom se Ama Lamtua Allah sila-mata.

Petrus mesa la 1:8

Mi net Yesus nol matan esan lo bii, mo mi namnau Una. Halas ni mi netan lo bii, mo mi parsai se Una. Nol muik dais in tatai le tek atuli li deng mi in dalen kolo ka lo, mo mi dalen kolo isi tutungus.