Lukas 1:43 - Buk Niu In Hida Balu nol Dehet deng Apan-kloma ki in Dadi ka

⁴³ Auk kon haup in naka, undeng auk Lamtuan na ina ka maa tutnaal nol au.

Lukas 1:43 Iomraidhean Croise

Matius 12:46

Dedeng na, Yesus dehet mamaus nol atuil hut mamo kas sam, Un ina ka nol Un palin nas maas le noan tutnaal nol Una. Oen dil tuun se likun na, le tadu atuli laok haman Yesus.

Matius 3:14

mo Yuhanis dai tao lo. Un kaen elia, “Taon elol le auk man musti sarain Tuang ngia? Ni nahluan lo ke? In toma ka lam, tuang man musti sarain au, ta na ka man auk parlun!”

Lukas 1:42

Tiata un aa mumuun le tek noan, “Maria! Mam atuli las nikit sakeng ku ngalam ma lapa dui deng totoang bihaat in ne apan-kloma ki ngias! Mam atuli las kon nikit sakeng tana-ana in ne ku taim ma dalen na ka!

Lukas 1:44

Apin ku taam maa biu, le aa boa-blingin nol au ka, auk anang in ne auk taing ngi dalen nia ki, sapan, undeng dalen kolo.

Lukas 2:11

Dais banan ni isin na elia: Leol ni bihatang mes hua Kristus son, ne Betlehem, laih Daud kota la! Kristus na mo, Atuling man Ama Lamtua Allah in hid meman son, deng lolo hmunan nua ka. Ama Lamtua tunang Un maa le bel boa-blingin atuli li deng oen in kula-sala ngas! Una, man mam atuli li haman noan, ‘Lamtua!’

Lukas 7:7

Nol auk kon tatai in maa ngada Tuang lo. Langa son noan Tuang muik kuasa. Tiata sadi Tuang aa tuun deng ia kon, taon elola ko auk anang in dake ki banan meman. Auk taan dais nia, undeng auk tuang ngas kon muik kuasa le prenta au. Nol auk kon muik kuasa le prenta auk tentara las. Eta auk prenta auk ima-ii la noan, ‘Laok se nua!’ Taon elola ko un lako. Eta auk tadu noan, ‘Maa se nia!’ Lam taon elola ko un maa. Nol eta auk tadu auk atulin in dake ngas noan, ‘Daek nia!’ Lam taon elola ko oen daek ela. Tiata, sadi Tuang aa tuun kon taon elola ko auk anang in dake ki, banan meman.”

Yuhanis 13:13

Mi kom in noken Auk noan, ‘Paap Guru’, nol ‘Lamtua’. Na toma, lole meman Auk ela.

Yuhanis 20:28

Tomas siut noan, “Idaah Papa! Halas-sam auk parsai baktetebes! Paap niam mo auk Tuang, nol auk Lamtua Allahn!”

Filipi 2:3

Daek sa-saa man suma nuting taung apan sii tuun deken. Nol nataka apan nas le banan dui deng atuil tenga las deken. Ta ku in koaok na muik peke lo. Molam kit musti tao dalen deng dadale, le nataka atuil tenga las banan dui deng kita.