Lukas 1:4 - Buk Niu In Hida Balu nol Dehet deng Apan-kloma ki in Dadi ka

⁴ Nol ama kon parsai noan, asa man atuli las in dehet son na, dehet in nole-lilung lo. Totoang nas, baktetebes ela!

Lukas 1:4 Iomraidhean Croise

Yuhanis 20:31

Mo dais man auk in dul son ne buk ni dalen nia ki, auk dulan le halin mi parsai noan, Yesus na mo, Kristus man Ama Lamtua Allah hid meman son le belen maa ka. Yesus nam kon, Ama Lamtua Allah Ana. Nol eta mi parsai Una lam, mi haup in nuil toma, man hidi nutus taan lo ka, undeng mi daid Un atulin.

Dehet deng Aan in Nutus sas 18:25

Un ming net dehet deng Lamtua Yesus son, nol taom un kom in nahdeh ulang pait bel atuil didang. Un dehet nol dael kolo', hidim asa man un in dehet tas, tom baktebes. Suma un taan totoang dais nas lo bii. Un suma taan noan, Yuhanis sarain atuli, eta atuli li tene deng un in kula-sala ngas.

Roma 2:18

Baktebes! Mi taan Ama Lamtua in koma ka son. Mi taan ol man in banan dui ka son. Mi taan dais nias totoang son, undeng atuil in tui ngas, tui mi son deng Ama Lamtua Atorang ngas.

Korintus mesa la 14:19

Mo eta atuil in parsai ngas nakbua lam, banan dui ka auk aa nini dasi teb lim siis, man dadaen mo oen nangan tanan, halin auk tui one. Mo nini dais didang man blatas isi mo oen nangan tanan lo ka lo.

Galatia 6:6

Mo atuil man sium Ama Lamtua in tui ngas, un musti bating in hapu deng un in dake ka, le hulung atuling in tui una ka.