Lukas 1:36 - Buk Niu In Hida Balu nol Dehet deng Apan-kloma ki in Dadi ka

³⁶ Herang deken! Ta ku nenan mes ngala Elisabet kon behe son. Un blalan son ta atuli tek noan un hua lo ka. Mo halas ni un behe laok bulan eneng son.

Lukas 1:36 Iomraidhean Croise

Dehet deng Apan-kloma ki in Dadi ka 11:30

Mo Sarai hua aan lo, undeng un maan in hua ka tema.

Dehet deng Apan-kloma ki in Dadi ka 16:1

Dedeng na, Abram pait deng Mesir, le daad taun hngul son se Kana'an. Un sapa Sarai haup aan lo bii. Lam Sarai muik ata bihata mesa, atuil Mesir, ngala Hagar. Oe mesan na, Sarai aa nol Abram noan, “Papa! AMA LAMTUA hepat auk maan in haup ana ki son. Tiata banan dui ka, paap laok niin nol auk ata kia, le halin nam un hua bel auk ana.” Kon Abram tao muid un sapa ka in teka ka. Hidim Sarai bel Hagar le daid Abram sapa hmudin.

Dehet deng Apan-kloma ki in Dadi ka 18:11

Dedeng na, Abraham nol Sara meman blalan isi son, nol Sara kon haup bulan lo son.

Lukas 1:35

Kon ima-ii na situn noan, “Elia! Mam Ama Lamtua Allah Koo Niu ka maa se ku. Nol Ama Lamtua Allah in Lapa Dudui ka nini Un kuasa la, le buba-kabut ku. Nini ela lam, tana-ana man ku in hua na, niu baktetebes, lole mam Ama Lamtua Allah noken noan, Un nam Auk Anang esa.

Lukas 1:37

Ta taung Ama Lamtua Allah lam, totoang bisa dadi!”

Lukas 1:5

Dehet ni un peke ka elia: dedeng laih Herodes kil bandu se propinsi Yudea ka, muik atuling mes ngala Sakarias. Un na mo, at mes deng tulu agama Yahudi las. Nol un kon at mes deng tulu agama man in se upung Abia buan na ngas. Sakarias sapa ka, ngala Elisabet. Elisabet nam kon upu-aan deng tulu agama las, lole un nam mo upung Musa kaka Harun in hua-koet.

Ibrani 11:11

Upung Abraham sapa Sara, kon parsai se Ama Lamtua Allah. Un hua net lo, nol un blalan isi son, mo Ama Lamtua belen hangun le un daid upu kia-kaons deng bangsa tene mesa. Ta lole un parsai noan, taon elola ko Ama Lamtua Allah daek muid asa man Un in hid son na.