Lukas 1:30 - Buk Niu In Hida Balu nol Dehet deng Apan-kloma ki in Dadi ka

³⁰ Kon nam ima-ii na tek napiut noan, “Maria! Lii deken! Ta Ama Lamtua Allah kom le tulu bel ku Un dalen banan na.

Lukas 1:30 Iomraidhean Croise

Dehet deng Apan-kloma ki in Dadi ka 6:8

Mo suma Noh sii, man tao AMA LAMTUA dalen kolo'.

Matius 14:27

Mo Yesus tekas noan, “Lii deken! Ta ni Au, Yesus!”

Matius 28:5

Kon ima-ii in deng sorga na tek bihata las noan, “Mi lii deken! Auk tana le mi maa nuting Yesus, Atuling man oen in pauk tele son, se kai sangsuli lu dapa ka.

Lukas 1:13

Mo ima-ii in deng sorga ka tekan noan, “Sakarias! Lii deken ne! Ta Ama Lamtua Allah ming ku in kohe-kanas sa son. Ta mam ku sapam ma hua bel ku tana-ana biklobe mesa. Ku musti ngali un ngala ka, Yuhanis.

Lukas 12:32

Hidim Yesus tupang pait noan, “Mi tuladang el lae-blai buan ana mesa, man muik in muun-tes lo. Mo lii deken! Ta mi Aman in ne sorga ku na mo, Laih Tene. Asa man Un nena, kam, Un dalen kolo in bel Un anan man Un in namnau ngas.

Dehet deng Aan in Nutus sas 27:24

‘Paulus! Lii deken. Mam ku lako saol lahing tuan Kaiser ra se Roma, le halin un nehan ku dasi la. Undeng Ama Lamtua dalen na banan nol ku, tiata Un kon bel slamat totoang atuil in mo lui ni dapa ngias.’

Roma 8:31

Tiata kit le aa elol pait nol dais nias sa? Ama Lamtua Allah doh tele kita. Eta ela son nam, asii man labang nal kit lolen na? Muik lo, ta lo?

Ibrani 13:6

Tiata tao teken mi dalen nas, banansila el atuli dul net son noan, “Undeng auk Tuang nga le tulung au, tiata auk lii lo. Ta muik atuli mes lo kon, man tao sus auk nol baktetebes.”