Lukas 1:17 - Buk Niu In Hida Balu nol Dehet deng Apan-kloma ki in Dadi ka

¹⁷ Un oen-lalin na nol un in kuasa ka parsis el upung Elia, man Ama Lamtua mee-baha deng hmunan nua ka. Un maa muna deng kit Tuang nga. Un tao atuil blalan nas le namnau oen anan nas pait. Nol atuil in bali kudi Ama Lamtua ngas, un bali oen in nuli ka kon, le halin oen bali muid Ama Lamtua in koma ka. Nini ela lam, un tao atuli las le oen dalen nas sium Lamtua in maa kia.”

Lukas 1:17 Iomraidhean Croise

Matius 11:14

Ta parsai se Au, Yuhanis nam mo upung Elia, man Ama Lamtua Allah mee-baha las tek meman son, deng un in pait maa ka.

Matius 14:4

Tiata Yuhanis kaing un oe-oe noan, “Ama lahi, boel kat ku palim ma sapa ka deken. Ta na kaliut nol kit hadat Yahudi li son!”

Matius 3:3

Hmunan nu Ama Lamtua Allah mee-baha mesa, ngala Yesaya dul meman son deng Yuhanis elia, “Mam muik atuli mes haman-haman se maan atuli in ase' le tek noan, ‘Totoang atuli li mana-mana le daek babanan lalan na, halin sium Ama Lamtua Allah in maa kia! Tao titu lalan na taung Una!’ ”

Matius 3:4

Yuhanis in nuli ka banansila el Ama Lamtua mee-baah hmuna-hmunan nuas kon. Un kai-baut in pake ngas dakes nini unta bulu. Un bota la, daken nini hmukit bulang. Un in kaa ka, klamat nol uin pani.

Lukas 1:16

Mam un hanet atuil Israel mamo le bali muid oen Tuang nga, na Ama Lamtua Allah.

Lukas 1:76

Yuhanis! Ku niam, auk anang. Mam atuli li taan noan, ku niam mo, Ama Lamtua Allah man Lapa Dui Hihidi ka mee-baha. Mam ku laok tek atuli las, le oen sodo-sium Tuang in maa kia.

Yuhanis 1:13

Na banansila el in hua ulang oen pait son le daid atuil balu ka. Mo in hua oen balu pait na ka, banansila el atuli li in hua ana ka lo. Nol banansila el biklobe mes man kom le muik in hua-koet ta lo. Ta oen daid Ama Lamtua anan, undeng Ama Lamtua man beles in nuli balu na.

Yuhanis 1:34

Auk net dais nas nol auk matang beas si esa. Tiata auk tek mi noan, ‘Atuling in maa nu, Ama Lamtua Allah Ana ka!’ ”

Yuhanis 3:28

Mi esan ming son, auk tek langa-langa noan, ‘Auk niam Kristus man kit in natang-natang nga lo. Mo Ama Lamtua nutus auk maang muna le sai lalan bel Kristus!’

Dehet deng Aan in Nutus sas 10:33

Undeng na le, auk lok atuil meman le tia haman ama. Kaim nodan mamo isi, undeng ama maa meman. Tiata, kaim nakbua se nia, le hii-ming totoang asa man Ama Lamtua Allah lok ama son le tek kami ngas!”

Roma 9:23

Un tao ela, le atuil hut mamo kas ngat net noan, Un tulu Un in namnau ka bel atuli dehe. Atuil nas, man Un hulis meman son le nikit lapa-lapa. Nol Un koma, le atuli li tana noan, Un sii man uhu dudui.

Petrus mesa la 2:9

Mo mia lam ela lo. Lole mi daid atuil man Ama Lamtua Allah in huil esa son. Mi daid Un atulin. Mi banansila el tulu agama man lii-lau lahi ka. Mi kon tuladang el bangsa mesa man nuil niu taung Ama Lamtua. Mi daid ela, le halin mi bisa tek totoang atuli lia, deng Ama Lamtua Allah dalen banan, man Un tao bel mi son na. Ta Un tadu mia, le nang soleng in daek dadaat tas, halin mi daek sa-saa banan nas se mi in nuli ka. Na banansila el mi putim deng mitang nga, le nulim se Un langa man leok isi ka.

Yuhanis mesa la 2:28

Elia ana-ana me! Mi in nuli ka musti butu-kil napiut nol Kristus. Le halin eta Un pait maa kam, mi lii-tiud nol mae in dil se Un sila ka lo.

Apan-kloma Hnika Balu 20:4

Kon nam, auk ngat net del in prenta mamo isi, nol muik atuli daad se dapas. Ama Lamtua Allah nikit oen son le daid atuil in nutus dasi. Oen nam hmunan nu man laok bani-bating Yesus Dehet Dais Banan na, nol Ama Lamtua Allah in Teka-teka ngas bel atuli las, didiin atuli keo tele one. Oen man hui se hmukit in tao tele dadahut na nol un bangat ta lo. Oen kon dai sium hmukit na hmarat ta se oen hmangin nas tamlom iman nas lo. Oen tom in keo tele, mo Ama Lamtua Allah beles nulis pait, le halin oen kil bandu leo-leo nol Kristus, didiin taun lihu mesa.