Lukas 1:13 - Buk Niu In Hida Balu nol Dehet deng Apan-kloma ki in Dadi ka

¹³ Mo ima-ii in deng sorga ka tekan noan, “Sakarias! Lii deken ne! Ta Ama Lamtua Allah ming ku in kohe-kanas sa son. Ta mam ku sapam ma hua bel ku tana-ana biklobe mesa. Ku musti ngali un ngala ka, Yuhanis.

Lukas 1:13 Iomraidhean Croise

Dehet deng Apan-kloma ki in Dadi ka 17:19

Mo Ama Lamtua Allah siut noan, “Loo! Mam ku sapam Sara hua ana biklobe mesa. Ku ngali un ngala ka Isak. Auk in hida ki nahi lako se una, nol un in hua-koet tas lako lius didiin hidi nutus taan lo.

Dehet deng Apan-kloma ki in Dadi ka 18:14

Auk niam AMA LAMTUA! Muik tahan saa mes lo kon man Auk daek nalan lo ka lo! Nangan babanan ne! Mam eta Auk pait maang se iang taun in maa kua lam, Sara hua nal tana-ana biklobeng mes son.”

Dehet deng Apan-kloma ki in Dadi ka 25:21

Ribka haup aan lo. Undeng na le Isak kohe-kanas se AMA LAMTUA, halin sai bel Ribka maan in hua ka. AMA LAMTUA ming un in kohe-kanas sa kon Ribka behe.

Matius 1:21

Mam Maria hua tana-ana biklobe mesa. Hidim ku musti ngali Un ngala ka, Yesus, ta mam Un man bel boa-blingin Ama Lamtua Allah atulin nas deng oen in kula-sala ngas.”

Matius 14:27

Mo Yesus tekas noan, “Lii deken! Ta ni Au, Yesus!”

Matius 28:5

Kon ima-ii in deng sorga na tek bihata las noan, “Mi lii deken! Auk tana le mi maa nuting Yesus, Atuling man oen in pauk tele son, se kai sangsuli lu dapa ka.

Markus 16:6

Atuling muda na tekas noan, “Mi lii deken! Auk tana, le mi maa nuting Yesus, Atuling Nasaret, man oen pauk tele son se kai sangsuli lua ka. Un ne ia lo son, undeng Un nuli pait son! Maa, le mi ngat esan, se maan oen in nene Yesus nitun na ka. Un ase son.

Lukas 1:14

Mam atuli hut mamo kon dalen kolo leo-leo nol mia, undeng mi haup aan son. Mam tana-ana ni tao ku dalem kolo.

Lukas 1:30

Kon nam ima-ii na tek napiut noan, “Maria! Lii deken! Ta Ama Lamtua Allah kom le tulu bel ku Un dalen banan na.

Lukas 2:21

Hua hidi Tana-ana na lelo palu lam, oen sunat muid upung Musa atorang nga. Kon Un ina-aman nas ngali, ‘Yesus’. Ngaal na ka, ngaal man ima-ii in deng sorga ka in tek oen son, se oras Un ina ka in beeh Un lo bii ka.

Dehet deng Aan in Nutus sas 10:31

Kon un tek auk noan, ‘Kornelis! Ama Lamtua ming ku in kohe-kanas sas son, nol Un kon nangan ku dalem ma in banan nol totoang atuli lia ka son.