Hidi kon, Un ima-ii las, daek muid Un in leka ka. Oen lakos se ola-ol le tek atuli las totoang deng Dehet Dais Banan na. Nol Ama Lamtua Allah beles kuasa, le oen tao nal taad herang bili-ngala, banansila el asa man Yesus in tek oen son na. Atuli mamo parsai se Yesus, undeng oen taan son noan, Dehet Dais Banan na, meman tom baktetebes. Nikit bihaat at tilu las lakos lius Petrus nol atuil in leo-leo nol una ngas kon, oen tekas totoang asa man oen in ming son deng atuling muda ka in teka se niut utu kua ka. Hidim, Lamtua Yesus esa man prenta Un ima-ii las, le laok tek Un Dehet Dais Banan na se ola-ola, se papmes apan-kloma kia. Dehet Dais Banan nia, man tulu lalan le halin Ama Lamtua Allah bel boa-blingin atuli li deng oen in kula-sala ngas, halin oen nulis tutungus nol Una. Dehet Dais Banan nia, meman tom baktetebes. Tiata un tahang napiut didiin hidi nutus taan lo.]
Lukas 1:1 - Buk Niu In Hida Balu nol Dehet deng Apan-kloma ki in Dadi ka1-3 Ama Teofilus man auk in todan. Boa-blingin. Atuli mamo dul soba-naan dehet deng dasi-dais man in daid son se kaim hlala kia ngas. Dehet oen in dulang nas muid apa lo, mo kaim taan haup dehet nas deng Lamtua Yesus nenan nas, nol atuil didang man net nol matan esan nas. Totoang oen in dehet tas le, lam muid baktetebes Ama Lamtua Allah in hid meman son lo-lolo hmunan nua ka. Tiata auk tinang dais nas totoang nol babanan, kilan deng dehet ta peke ka. Hidim auk nutus le dulas totoang nol babanan, muid un lalan. Nini ela lam, ama taan asa man in daid son na nol baktetebes. Faic an caibideil |
Lukas 1:1
13 Iomraidhean Croise
Dedeng kaim maam se Tesalonika ngia, kaim nahdeh mi deng Ama Lamtua Allah Dehet Dais Banan na. Dedeng na, mi tidi mi hngilan nas le hii babanan asa man kaim in teka ngas. Mi ming tuun lo, molam mi kon net Ama Lamtua Allah in kuasa ka esan, nini Un Koo Niu ka. Na man tao mi le mi sium Ama Lamtua Allah Dehet Dais Banan na baktetebes. Dedeng na, mi net kaim in dili-dada ka esan noan, kaim tao elola le halin nam mi taan Ama Lamtua lalan na nol baktetebes.
Hmunan nu muik dasi mes muun isi deng kit in parsai ka buni nabale, mo halas ni Ama Lamtua tek puting dais na son. Na ka: Kristus maa se apan-kloma ki son, nini atuli li hnika-tuladang. Ama Lamtua Koo la kon tulu bel noan, Yesus nam mo, Atuil in dalen lolo. Nol Ama Lamtua ima-ii in ne sorga nguas kon, ngat net Una. Ama Lamtua Allah nikit Un lako ne sorga son, hidim nikit sakeng Un ngala ka lapa-lapa. Un dehet ta holhising didiin lako papmes apan-kloma ki son. Se ola-ola, se apan-kloma kia, atuli li parsai Un son. Kit in parsai ka ela!
Undeng na daid kit hak, ta maa le kit taam laok aa esan nol Ama Lamtua Allah. Mo kit musti parsai baktetebes se Un nol dalen in lolo. Ta Yesus in mate ka tao niu kit dalen nias son, didiin kit nangan dasi-dais daat tas pait lo son. Nol kit kon musti nuil niu, banansila el tulu agama tuladang blaan nas musti dius muna le, halas-sam taam laok lii-lau Ama Lamtua.