Ibrani 8:2 - Buk Niu In Hida Balu nol Dehet deng Apan-kloma ki in Dadi ka

² Nol Un kon lako-daek Un osa la ne Ama Lamtua Allah maan in kohe-kanas esa ka. Maan na ka, Ama Lamtua Allah esa man koet, mo atuli li lo.

Ibrani 8:2 Iomraidhean Croise

Lukas 24:44

Hidim Un tekas noan, “Elola la? Mi nangan net oras Auk in leo-leo nol mi hmunan nua ka, ta lo? Lelon na, Auk tek mi son noan, totoang man Ama Lamtua Allah mee-baha las in dul son deng Au ka, musti dadis. Nas deng upung Musa, deng mee-baah tenga las, nol deng buk in Naka-nahalit tas.”

Roma 15:8

Auk tek mi elia: Kristus tao apa ka el atuil in loka-loka ka, le tulung atuil Yahudi las halin oen nangan taan noan, Ama Lamtua Allah in aa ka, toma. Nol Kristus kon tao apa ka el atuil in loka-loka ka, le tao inu totoang dais man Ama Lamtua in hid son, le dakes taung kit upu kia-kaon nas sa.

Korintus dua la 5:1

Ta kit tana noan, kit aap-inan man kit pake tahang se apan-kloma kia ni, banansila el hlepe mesa, man kit bangun-pii tahang nga. Mam kit aap-inan ni dudus-didaa kon no, kit lii-tiud deken, undeng Ama Lamtua Allah mana pesang bel kit maan banan mes son ne sorga. Maan na atuli daken lo, molam Ama Lamtua man daken, tiata maan na tahang napiut.

Kolose 2:11

Atuil Yahudi las bel oen anan nas le sunat halin daid tada noan, oen nam mo, Ama Lamtua Allah atulin. Oras mi tamam daid Kristus atulin na, mi kon tom in ‘sunat’. Un nahin na elia: sunat ti in keteng soleng bulang se atuli li apa ka lo, molam Kristus in keteng soleng dasi-dais daat in ne kit dalen nia ngas. Nas, dasi-dais daat man kit kom in dakes, undeng kit niam, atuli.

Ibrani 10:11

Lelo-lelon nam, tulu agama tuladang blaan nas lako-daek oen osa la tutungus, nol taan in keo tele hmukit in todan si-sii. Molota, hmukit in todan nas muik tahan in kuasa le kat soleng atuli li in kula-sala ngas lo.

Ibrani 10:21

In dudui pait ta, Lamtua Yesus kon daid tulu agama man in uhu dui, man lii-lau nol mana-koet Ama Lamtua Allah uma isin nas.

Ibrani 11:10

Un nangan le mam un nuli se kota mesa, man leok isi. Undeng Ama Lamtua Allah esa man gambar kota na nol bangun-pii.

Ibrani 9:1

Auk le tek nuting pait elia: dedeng Ama Lamtua Allah but in hida laih hmunan na nol kit upu kia-kaon nas sa, Un kon niung atorang le oen bangun-pii maan in kohe-kanas, halin oen todan-lahing Un muid atorang nas in koma ka.

Apan-kloma Hnika Balu 21:3

Hidim auk ming fala mes muun puit maa deng del prenta la, le tek noan, “Ngat babanan! Ninin deng leol nia, Ama Lamtua Allah Uma la muik ne atuli li hlala. Deng leol neot nia, Ama Lamtua Allah nuli leo-leo nol Un atulin nas son. Ta Un daid oen Lamtuan, Allah. Nol oen kon daid Un anan son. Mam Un leo-leo nol oen tutungus. Nol Un kon nang soleng oen lo didiin son na.