Ibrani 2:1 - Buk Niu In Hida Balu nol Dehet deng Apan-kloma ki in Dadi ka

¹ Undeng na, kit musti kil dididi asa man kit in ming son deng Ama Lamtua Allah Ana ka ka, le halin nam kit nadidingun deken.

Ibrani 2:1 Iomraidhean Croise

Matius 16:9

Mi nangan taan Auk in kuasa ki lo bii nababael tuun nia? Ta dedeng Auk bilas-bilas ruti bua lima las, le nalo atuli lihu lima ka, mi kat nakbua lisin nas fuli bakun ne?

Markus 8:18

Mi ngat net nol mi matan nas esan son, mo taan un nahin na loo kia! Hnika ka noan mi net lo! Mi ming nol mi hngilan nas esan son, mo mi nangan tanan lo nabale. Hnika ka le mi ming lo! Mi nadidingun

Lukas 8:15

Mo biin man nahi tom se dale boa-mina ka, mo atuil man dalen na lolo nol banan na. Nikit oen ming Ama Lamtua Allah in Teka-teka ka kon, oen pesang babanan se oen dalen nas. Nini ela lam, oen parsai napiut, nol daek nal dais banan mamo, banansila el biin man puting isin banan mamo ka.”

Lukas 9:44

“Mi taad Auk in aa ni babanan! Nesang lo ka kam, atuli le hee soleng Au, Atuling Baktetebes nia. Hidim oen sao Auk lakong bel atuil didang.”

Yuhanis 8:59

Kon atuli las kat baut le noan pasang Una, undeng Un nikit apa ka banansila el Ama Lamtua. Mo Un laok nol in huni-huni, le puti deng Um in Kohe-kanas Tene ka kintal la.

Ibrani 12:5

Tamlom mi nadidingun Ama Lamtua Allah in Teka-teka, man Un tek mias son, banansila el ama mes aa nol un ana ka noan, “Auk anang nge! Eta kit Tuang nga hukung le tui ku, halin ku nuil muid lalan in toma ka lam, ku nangan nam kahan tuun deken! Nol eta Un kaing le tui ku lam, ku in makoe ka boel ilang deken!

Petrus dua la 1:15

Mo mam auk mateng kon no, halas ni auk nuklek mumuun le halin mi nangan net dais nias tutungus.

Petrus dua la 3:1

Kaka-pail in namnau me! Ni auk surat lalis dua man auk in bel mia ka. Ne surat dua nas auk tek nuting mia, le halin nam mi nangan dasi-dais in toma ngas.