Ibrani 13:3 - Buk Niu In Hida Balu nol Dehet deng Apan-kloma ki in Dadi ka

³ Nadidingun le laok meo atuil in taam ne bui dale ngas deken. Ta oen tom in dake, undeng oen parsai se Kristus. Mi musti tulung one, banansila el mi esan man tom in hukung. Nol nadidingun le tulung atuil man tom in diku-puang ngas deken. Tulung oen nol babanan, banansila el mi esan man tom in susa-daat na.

Ibrani 13:3 Iomraidhean Croise

Dehet deng Apan-kloma ki in Dadi ka 40:23

Mo atuling man mana-koet in ninu ka, nangan net Yusuf pait lo. Un nadidingun soleng Yusuf son.

Matius 25:36

Auk muik kai-baut lo kam, mi man bel Auk kai-baut le pake. Auk hedang ngam, mi man maa meo Au. Auk se bui daleng ngam, mi man maa tulung Au.’

Matius 25:43

Auk maang banansila el atuil balu ka, mo mi dai sium tahang Auk se mi uma las lo. Auk muik kai-baut in pake lo, mo mi bel Auk lo. Auk hedang, mo mi maa meo Auk lo. Auk se bui ku daleng, mo mi maa le tulung Auk lo.’

Dehet deng Aan in Nutus sas 24:23

Hidim un tadu tentara las at mesa, le laok tahang Paulus. Molam un prenta le bel loos Paulus buit, nol boel kaing un tapan nas in maa meo una ka lo.

Dehet deng Aan in Nutus sas 27:3

Kaim luan laa bokam deng Kaisarea, hidim ola ka, kaim lakom lius se kota Sidon. Komendan Yulius tao Paulus nol babanan, un kon tekan noan, Paulus bisa laok ngat un tapan nas se tuu kua. Un in koma ka, le halin Paulus tapan nas bel un sa-saa man in parlu se tasi dapa.

Roma 12:15

Eta muik atuli dalen kolo kam, dalen kolo leo-leo nolan. Nol eta muik atuli in lilu undeng un dalen ili lam, lilu leo-leo nolan.

Korintus mesa la 12:26

Le eta opan mes haup susa lam, totoang haup susa. Nol eta mes haup in todan nam, totoang dalen kolo leo-leo.

Efesus 4:1

Auk lako-daek auk Lamtuan na osa las son, didiin auk daid atuil bui. Tiata halas ni auk hanet mia, le nuil toma muid Ama Lamtua Allah in koma ka, undeng Un haman nal mi son le daid Un atulin.

Kolose 4:18

Nadidingun oen in tahang auk nabael ne bui ki dalen nia ki deken. Auk nodan le Ama Lamtua Allah tulu Un dalen banan na bel mia. Tinang tiam surat ni, auk dulan nini auk imang ngi esa, Boa-blingin deng au, Paulus

Ibrani 10:34

Mi dalen kasiang nol namnau atuil man tom in pasang tamang lakos se bui dalen nas. Eta atuil in nako ngas, naok lail-niin mi sa-saa las sam, mi sium nol dalen banan tuun, undeng mi taan son noan, mam mi sium seda sa-saa man in banan dui, man atuli li naok lail-niin nalan lo.

Ibrani 11:37

Muik in mate, undeng tom in pasang nini batu. Muik in mate, undeng atuli holat bating oen apan nas. Muik in mate, undeng tom in dait tele nini suli. Muik in nuil kasiang le suma pake kai-baut deng hmukit bulang, undeng atuli diku-puang nol tao sus one, didiin nulut soleng one,

Petrus mesa la 3:8

Kaka-pail in namnau me! Auk le aa dasi mes pait elia: mi totoang kon musti nuil nol dalen mesa. Eta at mes deng mia la dalen ili lam, dalen iil leo-leo nolan, tamlom un dalen kolo kam, dalen kolo leo-leo nolan. Namnau atuil in parsai se Kristus sas. Tulu dalen in kumis-mina nol apa. Nikit apan deken, molam mi musti tao dalen deng dadale.