Dehet deng Apan-kloma ki in Dadi ka 21:1 - Buk Niu In Hida Balu nol Dehet deng Apan-kloma ki in Dadi ka

^1-7 Hidi na kon, AMA LAMTUA niung hangun bel Sara, muid Un in hida ka. Abraham blalan son, mo Sara kon behe. Dedeng un mana le hua ana ka ka, Abraham umur taon ngatus. Ti tom nol oras sa kon, Sara hua ana biklobe mesa. Ta Abraham ngali ngala, Isak (man nahin na noan ‘un mali’). Hidim Sara kon tek noan, “Ama Lamtua Allah bel auk le mali, undeng halas-sam auk daleng kolo. Atuli las nangan noan taon elola ko auk haup aan se leol blalan eli lo ka. Molota, auk sapa-biklobeng ngi blalan isi son, mo auk hua nal belen nabale. Tiata asii tuun ming dehet nia lam, oen mail leo-leo nol auk kon.” Dedeng Isak umur lelo palu la, Abraham sunat una, muid Ama Lamtua Allah in leka ka.

Dehet deng Apan-kloma ki in Dadi ka 21:1 Iomraidhean Croise

Dehet deng Apan-kloma ki in Dadi ka 17:16

Mam Auk bel hangun mamo-mamo se Sara, le hua bel ku tana-ana biklobe mesa. Baktetebes ela! Mam Sara daid upu kia-kaons deng bangsa mamo. Nol mam Auk nikit lahi mamo deng un in hua-koet tas.”

Dehet deng Apan-kloma ki in Dadi ka 17:19

Mo Ama Lamtua Allah siut noan, “Loo! Mam ku sapam Sara hua ana biklobe mesa. Ku ngali un ngala ka Isak. Auk in hida ki nahi lako se una, nol un in hua-koet tas lako lius didiin hidi nutus taan lo.

Dehet deng Apan-kloma ki in Dadi ka 17:21

Ela kon no, Auk in hida ki butu-kil didi nol ku anam Isak ka sii. Suklisu nataka le oras nia, lam Sara hua una.”

Dehet deng Apan-kloma ki in Dadi ka 18:10

Kon at mes deng atuil at tiul nas tek noan, “Nataka le taun in maa kua lam, Auk pait maang. Dedeng na lam, ku sapam Sara hua ana biklobe mes son.” Oras oen in aa ela ka, Sara ming deng hnita klupu ka.

Dehet deng Apan-kloma ki in Dadi ka 18:14

Auk niam AMA LAMTUA! Muik tahan saa mes lo kon man Auk daek nalan lo ka lo! Nangan babanan ne! Mam eta Auk pait maang se iang taun in maa kua lam, Sara hua nal tana-ana biklobeng mes son.”

Dehet deng Apan-kloma ki in Dadi ka 24:36

Oras auk tuang ngas duas blalan son kon, maam Sara hua bel tuang Abraham tana-ana biklobe mesa. Mam un man sium tuang Abraham pusaka las totoang.

Dehet deng Apan-kloma ki in Dadi ka 50:24

Yusuf tek un kakan nas noan, “Kakas totoang! Auk nataka kam auk lelon in mate ki maa dadani son. Mo auk parsai, le Ama Lamtua Allah papa-paiduil mia. Mam Un man nol puting mi deng dale nia. Mam Un kon nol puting mi pait lakom se dale, man Un sumpa hidi son, le belen laok se upung Abraham, upung Isak nol kit aman Yakob.”

Matius 24:35

Apan-dapa ku nol apan-kloma ki ilang kon no, Auk in teka-teka nias tahang napiut didiin son na.

Lukas 1:68

“Naka Ama Lamtua Allah, atuil Israel las, Lamtuan na! Ta Un maa son, le sui Un atulin nas, halin nam oen banansila el ata ka pait lo.

Lukas 19:44

Oen tao lean mi kota la lako tatai nol dale ka, hidim keo mi totoang leo-leo nol mi anan nas. Oen nang batu mes le dil lo kon, undeng Ama Lamtua maa le bel boa-blingin mi son, mo mi dai taan Un lo!”

Galatia 4:23

Ata na hua un ana ka, undeng muid atuli li in koma-koma. Mo un sapa ka hua ana ka, undeng Ama Lamtua Allah hid ela meman son bel Abraham.

Galatia 4:28

Tiata kaka-pali me! Hmunan nu Ama Lamtua Allah hid le bel Abraham ana. Mo nenesang halas-sam Ama Lamtua tao muid Un in hida ka, le halin Sara hua Isak bel Abraham. Kit kon banansila el Isak, undeng Ama Lamtua Allah hid kon le bel in hua-koet didang bel Abraham.