Dehet deng Apan-kloma ki in Dadi ka 13:8 - Buk Niu In Hida Balu nol Dehet deng Apan-kloma ki in Dadi ka

⁸ Hidi kon Abram tek un ana ka noan, “Hoe Lot! Kit nia mo ama-ana, mo tamlom kit banan nol apa mes nol mes lo, undeng kit atulin in dake ngias in keng apa tutungus sia.

Dehet deng Apan-kloma ki in Dadi ka 13:8 Iomraidhean Croise

Dehet deng Aan in Nutus sas 7:26

Ola ka, Musa puti lako pait le tinang un atulin Israel las. Kon un ngat net atuil at dua keng apa. Tiata un daem soba-nanas duas, hidim tekas noan, “Hoe! Mi duam niam pali-kaka. Mo taon elol isi le mi duam keng apa ela lia?”

Petrus dua la 1:7

Mo pes se na sii deken. Molam tulu mi in namnau ka bel kit kaak-palin in parsai ngas. Mo na sii kam nol lo bii. Undeng mi musti nuil neka-namnau apa tutungus.

Petrus mesa la 4:8

In banan dui ka, mi musti nuil neka-namnau apa. Ta atuil didang tao kula-sala mamo elol kon no, eta mi namnau one lam, mi boel in olet nol one nabale.

Petrus mesa la 3:8

Kaka-pail in namnau me! Auk le aa dasi mes pait elia: mi totoang kon musti nuil nol dalen mesa. Eta at mes deng mia la dalen ili lam, dalen iil leo-leo nolan, tamlom un dalen kolo kam, dalen kolo leo-leo nolan. Namnau atuil in parsai se Kristus sas. Tulu dalen in kumis-mina nol apa. Nikit apan deken, molam mi musti tao dalen deng dadale.

Roma 12:10

Mi atuil in sarani ngas musti namnau apa mes nol mesa. Dil dididi le tulu in todan apa mes nol mesa.

Dehet deng Apan-kloma ki in Dadi ka 45:24

Hidi nam, un sao oen le pait nol in hida noan, “Mi boel kaen apa se lalan deken!”

Yuhanis mesa la 4:7

Aan in namnau me! Kit musti namnau bali apa, undeng in namnau ka na mo maa deng Ama Lamtua Allah. Totoang atuil in namnau tana ngas, kon maas deng Ama Lamtua Allah nol taan Un babanan.

Petrus mesa la 2:17

Mi musti todan totoang atuli lia. Mi kon musti namnau totoang atuil in parsai se Kristus sas. Mi musti nuil toma se Ama Lamtua sila, ta mam Un man nutus hukung bel mia. Nol mi kon musti todan totoang atuil in kil prenta ngas.

Petrus mesa la 1:22

Mi tao muid asa man in toma ka. Tiata halas ni mi daek mumuun bel Ama Lamtua. Na man tao mi le namnau mi kaak-palin in parsai ngas. Mi in namnau ka musti kuat-tes tapnaeng, undeng mi dalen nas niu.

Ibrani 13:1

Kaka-pail in namnau me! Muik dasi ila lo man auk le tek nuting mias meman. Nadidingun in namnau napiut mi pail-kakan in parsai ngas deken.

Ibrani 12:14

Kaka-pail in parsai se Kristus! Mi musti nuklek mumuun le nuil daem apa, mes nol mesa. Nol nukleka le nuil niu. Ta atuil in niu lo ka, haup in net Ama Lamtua Allah lo.

Tesalonika mesa la 4:9

Auk nataka kam auk dul bel mi deng in namnau bali-bali apa ka pait deken tia, undeng Ama Lamtua Allah esa man tui son noan, mi musti namnau apa mes nol mesa.

Filipi 2:14

Hidim eta mi tao asa tukun nam, sua-sangit nol kaen apa deken.

Matius 5:9

Ulat bating atuil man mole-daem atuli ngas, undeng Ama Lamtua Allah tek noan, ‘Oen nam mo, Auk anang.’

Dehet deng Apan-kloma ki in Dadi ka 13:9

Tiata in banan dui ka, kit duat bakisan apa tuun tia. Maan ni bluang. Tiata eta ku huil dale su loten nua lam, auk haup suu blain nia. Mo eta ku huil dale suu kanan nia lam, auk kat se kliu nia.”

Dehet deng Apan-kloma ki in Dadi ka 46:34

lam mi siut un noan, mi totoang niam atuil in moang hmukit deng mi anan bii kua, banansila el mi upu kia-kaon nas kon. Nini ela lam, mam un tadu mi le daad se dale Gosen.” Yusuf tekas ela, undeng atuil Mesir ras nikis, eta oen daad nakbua nol atuil in lolo-poa hmukit tas.

Dehet deng Apan-kloma ki in Dadi ka 14:14

Dedeng Abram ming noan, atuli las daek nal un palin na ana ka, kon un haman nakbua un atuil in dake, man taan in hote-dati ngas. Oen totoang atuli at 318. Hidi kon oen laok nulut muid laih at aat tas, lakos pes se iung Dan, man katang ne halin suu blai-ahen nua.