Dehet deng Apan-kloma ki in Dadi ka 1:3 - Buk Niu In Hida Balu nol Dehet deng Apan-kloma ki in Dadi ka

³ Hidi kon Ama Lamtua Allah tek noan, “Musti muik langa.” Tek hidi ela kon langa ka muki.

Dehet deng Apan-kloma ki in Dadi ka 1:3 Iomraidhean Croise

Matius 8:3

Ming ela kon Yesus doong ima ka, le kapas atuling in iil baih-bluku na, hidim aa noan, “Auk tade! Ku banan tia!” Kon suknahkitu lam, atuling na ili la ilang meman.

Yuhanis 1:5

Langa na kaloe lako luis se mitang nga; nol mitang nga tahang nal Langa na lo. Undeng Langa na kaloe tutungus.

Yuhanis 1:9

Ta Atuling man in daid Langa baktetebes na, maa se apan-kloma kia. Langa na tulu-balang dasi-dais in toma ngas, bel atuli li totoang.

Yuhanis 11:43

Un aa hidi ela kon, Un haman nol fala mumuun le tek noan, “Lasarus! Puit maa tia!”

Yuhanis 3:19

Tuladang nga elia: Ama Lamtua tunang langa ka son le kaloe se apan-kloma kia. Mo atuli li kom in nuil se mitang nga dui. Oen dai nuil se langa ka lo, undeng oen in dake ngas banan lo. Tiata Ama Lamtua le hukung one.

Korintus dua la 4:6

Hmunan hesa kua, Ama Lamtua Allah man aa net noan, “Musti muik langa le kaloe se maan mitang.” Hidim, Un nini Un langa ka le laang kit dalen nias. Ta Un kom in bel Un langa ka se kita. Na nahin na noan, eta kit nangan deng Kristus sam, kit kon nangan net Ama Lamtua Allah in muun isi ka.

Efesus 5:14

Ela kon, eta kit laang dais daat man atuli li in tao ngas sam, un tana noan, dais un in tao na, daat. Muik dani mes elia, “Hoe! Mi in nini ngas, hangum tia! Mi in mate ngas, nulim pait tia! Ta Kristus le laang bel mi dalen nas.”

Efesus 5:8

Hmunan nu, mi banansila el atuil in nuil ne mitang dalen, undeng mi taan Ama Lamtua Allah lo. Mo halas ni, Un niung Un langa ka son, le tao mi daid Un anan. Tiata, mi musti nuil se Un langa ka dalen.

Timutius mesa la 6:16

Suma Un sii man mate net lo. Un nuli ne langa dalen, man atuli ngat tam tahang bolen lo. Muik tahan atuli mes lo kon man ngat net Una. Totoang in todan ni taung Una. Totoang in kuasa kia, muik ne Un ima ka, lako lius didiin! Ela tuun tia. Tom baktetebes!

Yuhanis mesa la 1:5

In tui man Yesus tek kamin son na, kaim le tek mian, elia: Ama Lamtua Allah na mo banan isi. Un muik in daat bubuit lo kon. Ta Un na mo banansila el langa in kaloe ka, man muik mitang bubuit lo kon.

Yuhanis mesa la 2:8

Mo ela kon no, muik dais balu pait, man auk le dul deng Ama Lamtua in prenta nia. Prenta ni se Yesus in nuli ka lam, laok nol babanan son. Nol prenta ni kon halas ni laok ne mi in nuli ka son, undeng mitang man in ne mi dalen nas sa, ilang buit-buit, le langa man in toma ka kaloe lolen.