Aa hidi ela kon, Yesus kohe-kanas noan, “Papa! Paap man daid Tuang Tene ne apan-dapa kua nol apan-kloma kia. Auk nodan mamo-mamo, undeng Paap buni dais nias nahin na, deng atuil in koaok daat tas nol atuil in nataka apa ka noan, oen nam atuil in tana ngas. Molam Paap sai dais nas totoang bel atuil ana ngas, nol atuil in tao apa ka deng dadale ngas.
Dehet deng Apan-kloma ki in Dadi ka 1:1 - Buk Niu In Hida Balu nol Dehet deng Apan-kloma ki in Dadi ka1 Hmunan hesa ku Ama Lamtua Allah koet apan-dapa kua nol apan-kloma kia. Faic an caibideil |
Dehet deng Apan-kloma ki in Dadi ka 1:1
67 Iomraidhean Croise
“Idaa! Tasao le mi tao eli lia? Nangan noan kaim niam mo dewa deken. Ta kaim niam, atuil biasa banansila el mi kon. Kaim maam se nia, le halin tek mi deng dehet banan mesa. Mi musti bali kudi le nang soleng mi dewa man muik ambak long nas. Hidim mi musti pait le muid se Ama Lamtua Allah man in nuli baktetebes sa. Ta Un man koet apan-dapa kua nol apan-kloma kia, nol un isin nas totoang.
Mo taung kita lam, Ama Lamtua Allah suma mes sii. Un nam mo, kit Aman. Totoang putis deng Una. Kit lako-daek totoang nas bel Una. Nol kit Lamtuan na, suma mes sii. Un na mo, Yesus Kristus. Ama Lamtua Allah pake Yesus, se dedeng Un koet totoang sa-saa lias sa. Nol kit haup in nuli, undeng Yesus man bel kit in nuli.
Mo muik dasi mesa, man atuil in nole-lilung ngas dai nangan lo. Na ka, deng laih hmunan hesa kua, Ama Lamtua suma aa tuun, mo apan-dapa ku dadi, nol ui la muik meman. Hidi kon Un soel bating ui la, tiata tuu ka puit maa. Ama Lamtua aa elol son nam, nas dadi. Mo nesang lo kon, Ama Lamtua nini ui in baa muun na, le tao dudus totoang atuil in nuil se apan-kloma kia ngas, se dedeng Noh sa. Mo halas nia lam, Ama Lamtua tek meman son, deng asa man Un le daek taung apan-dapa kua nol apan-kloma kia ka. Maa lius halas ni Un keeh nabale, mo mam tom nol oras sa lam, Un loe nuli one. Ta mam Ama Lamtua niung hukung le tao dudus atuil man toe muid Un lo ngas. Ela kon no, atuil in nole-lilung ngas dai taan lo noan, mam Ama Lamtua Allah daek muid asa man Un in aa son nas.
Auk dul surat ni deng Ama Lamtua Allah in Teka-teka man Kil in Nuli ka. In Teka-teka man Kil in Nuli nia, muik meman son lolo apan-kloma ki in dadi kua. Halas ni au, nol auk tapang ngias, net Un nini kaim matan esan son. Kaim ming Un nini kaim hngilan esan son. Nol kaim kon huud Una, nini kaim iman nias esan son. Kaim net Un ela,
Un haman mumuun le tek noan, “Mi musti todan se Ama Lamtua Allah! Mi musti nikit Un ngala man muun isi ka lapa-lapa! Undeng un oras sa maa lius son, le Ama Lamtua keket-ketan totoang atuli li in dake-mana ngas. Naka Una! Nikit Un ngala ka lapa-lapa! Undeng Un man daek apan-dapa ku nol apan-kloma kia. Nol Un man prenta le tasi ka nol ui matang ngas totoang dadis.”
Hidim Un tek auk pait noan, “Totoang man Auk hida lolo hmunan nua ngas, daid son. Ta Auk niam, Alfa lako pes Omega, Nol Auk niam, A lako pes Z, Totoang daid deng Au, ninin deng hmunan na lako pes puis. Totoang atuil man meen tuu ka, mam Auk beles le niun mosa-mosa, deng ui mata man tao atuli li le nuil tom tutungus sa.
Kon nam Atuling Baktetebes sa tupang Un dasi la noan, “Yuhanis, ku musti dul surat puis si tia. Un isin na elia: ‘Taung jemaat se kota Laodikia: Surat ni deng Au, Yesus, man atuli li noken noan ‘in Toma’. Auk man nahdeh deng Ama Lamtua Allah in Teka-teka ngas tutungus nol baktetebes. Totoang man Ama Lamtua in daek son nas, daid deng Au.
“Ee Lamtua Allah! Kaim naka-naka Lamtua! Kaim nikit sakeng Ama Lamtua ngala ka lapa-lapa. Lamtua nia mo, kaim Tuang! Lamtua nia mo, kaim Lamtuan Allah! Lamtua haup in naka deng kami lam, toma. Meman Lamtua man musti sium in todan-lahing deng kami. Undeng Lamtua in kuasa ka tene isi. Nol Lamtua in muun-tes sa muun dui hihidi. Lamtua man koet totoang sa-saa lias. Lamtua man beles totoang in nuli. Totoang nias dadis, undeng Lamtua man koet. Totoang nias nulis, muik hngasan, undeng Lamtua man beles.”
Sanasan