Filipi 4:5 - Buk Niu In Hida Balu nol Dehet deng Apan-kloma ki in Dadi ka

⁵ Mi kon musti dalen kumis-mina nol atuli li totoang le halin nam oen totoang neta. Nol nadidingun deken, ta Lamtua Yesus in pait maa ka dadani son.

Filipi 4:5 Iomraidhean Croise

Matius 6:25

Tiata Auk le tek elia: kukaum nol in nangan noan, auk in nuli ki elola, tam auk le kaa-niun asa, nol pake asa ka deken! Mi bali noan in nuli ki nia mo taung in kaa tukun ne? Nol kit apan ni suma taung in pake kado tuun ne? Ela loo.

Matius 6:34

Tiata kukaum nol in nangan asa man mi in parlu se leol ola bingin dua ngas deken. Ta leol ola ka, nonool un nena. Nangan se leol neot ti sii, ta lo kam ngele isi.”

Lukas 21:34

Hidim Yesus tupang Un dehet ta pait noan, “Doha-doha, ta nahkiut tuun nam Auk maang! Tamlom mi nangan taan nol babanan pait lo son, hidim mi nulim nol in niun mahu, nol kukaum le nuting in nuli babanan tuun na! Tamlom mi les un tada las lo, undeng mi kukaum nol in daek sa-saa didang nga!

Korintus mesa la 16:22

Asii namnau kit Lamtuan na lo kam, mam Ama Lamtua Allah hukung una. Taom auk kom in aa boa-blingin nol atuli li nini, kaim atuil Yahudi li dais Aram, man noan, “Marana ta!” Nahin na noan, “Ee Lamtua! Maa tia!”

Korintus mesa la 6:7

Muik in toma lo, ta lo? Etan mi kil nol apa laok man in nutus dasi nguas sam, mi tehen son na. In banan dui ka, etan ku kaak-palim mas tao kula ku lam, nang tuun lako. Nol etan ku kaak-palim atuil in parsai ngas naok ku sa-saa mesa lam, nang le un katan tuun lako!

Korintus mesa la 8:13

Tiata eta auk kaa siis man tao auk kaak-paling in parsai ngas le oen nahis tom se kula ka lam, banan dui ka, auk kaa siis in ela ka lo. Didiin auk mateng kon no, auk kaan lo. Ta eta oen nahis se kula-sala ka lam, auk tade lo.

Korintus mesa la 9:25

Totoang atuil man muid in sukat tas, musti muid baktetebes asa man un gurun na in teka ka sii, ta lo? Oen daek muid mumuun ela, le suma haup hlotong in nala, man mam bloen le daat ta. Mo eta kita lam, kit dake le haup in bele man tahang didiin son na.

Korintus dua la 10:1

Auk esang man dul nia, Paulus. Taon elola ko muik atuli deeh deng mia la man nangan elia: eta auk leo-leo nol mia lam, auk mae in aa langa-langa. Mo eta auk katang deng mia lam, auk barain in aa nol langa-langa. Ela, ta lo? Molota, auk nodan mi le hii-ming se au, undeng Kristus dalen in kumis-mina nol kom in neka-namnau mia ka.

Tesalonika dua la 2:2

Eta ming atuli tek noan Ama Lamtua pait maa son nam, hlapat tom in nole le nangan tanan lo deken. Oen tek noan, oen tanan deng Ama Lamtua Koo la, tamlom ming hapun deng atuli, tamlom oen haup surat deng kaim kon no, parsai oen deken. Ta nas totoang nole!

Titus 3:2

Oen boel kil dehet le tao didaan atuil didang ngaal banan deken. Hidim boel simut apa baah deken. Banan dui ka, nuil babanan saol atuli li totoang.

Ibrani 10:25

Ta auk ming son noan muik atuli dehe, man dai nakbuan pait nol oen pail-kakan in parsai ngas lo son. Tao ela deken! Ta mi musti nakbua le tao teken apa dalen mes nol mesa. Dudui pait ta, undeng Ama Lamtua oras in pait maa ka dadani son. Mi musti tek nuting oen ela!

Ibrani 10:37

Ama Lamtua mee-baha las dul meman son deng Atuling in le Maa ka noan, “Nesang lo ka kam, Atuling in le Maa ka, puit maa. Teen in makoe ka deken, ta Un puit maa nol natang pait lo.

Petrus mesa la 1:11

Kristus Koo Niu ka daek ne oen dalen nas le tek meman noan, mam Kristus musti tom in susa, nol nini lalan elola, le Un haup susa-daat, hidi nas totoang halas-sam Ama Lamtua nikit Un lapa-lapa. Tiata mee-baha las nuting le taan noan, dais nias bling dadi la.

Petrus mesa la 4:7

Leol kiamat ta maa dadani son. Tiata mi musti nangan blatas, nol nangan tetesa, le kohe-kanas nal nol babanan.

Apan-kloma Hnika Balu 22:20

Yesus esa man tulu-balang dais nias totoang son. Un hid son noan, “Toman na! Nesang lo ka kam, Auk maang.” Elam, Lamtua Yesus, maa tia!

Apan-kloma Hnika Balu 22:7

Hidi nam, Yesus tek pait noan, “Nangan ne! Nesang lo ka kam, Auk maang. Ne in dula ni dul totoang son, deng asa man mam le dadi ngas. Totoang atuil man muid buk ni in teka-teka ngas, mam oen man ulat dui.”