Filipi 4:22 - Buk Niu In Hida Balu nol Dehet deng Apan-kloma ki in Dadi ka

²² Totoang atuil in parsai ne kota Roma ngias kon, tunang boa-blingin. Ela kon nol kaka-pail in daek ne lahing tuan na um lahi lua ngas. Oen tunang boa-blingin bel mia.

Filipi 4:22 Iomraidhean Croise

Matius 5:47

Tiata eta ku suma aa boa-blingin, se ku tapam mas tuun nam, in dui ki asa la? Ta atuil in parsai Ama Lamtua Allah lo ngas kon tao ela.

Dehet deng Aan in Nutus sas 9:13

Mo Ananias siut bali noan, “Elia Lamtua! Auk ming atuli dehet kliu-kanan deng atuling na son, undeng un tao sus naseke Ama Lamtua atulin in se Yerusalem mas, didiin oen haup susa-daat isi!

Roma 16:16

Eta mi nakbua lam sium apa mes nol mesa, nini in liki man tom nol atuil in parsai ngas. Kristus jemaat in se nia ngias totoang kon, tunang boa-blingin bel mia.

Korintus dua la 13:13

Auk nodan le kit Lamtuan Yesus Kristus, tulu bel mi Un dalen banan na. Auk nodan le Ama Lamtua Allah tulu Un in namnau ka bel mia. Auk kon nodan le Ama Lamtua Koo Niu ka tulu Un dalen banan na, le halin mi totoang nuil dalen mesa. Ela tuun tia, Paulus

Filipi 1:13

didiin tentara in doh se um lahi la ngas, nol totoang atuil tenga las kon tana noan, auk tamang bui undeng auk in muid Yesus Kristus sa.

Ibrani 13:24

Auk tunang boa-blingin bel atuil man daid tulu taung mia ngas, nol tunang boa-blingin bel mi totoang man in parsai se Yesus Kristus sas. Kaka-pail in deng propinsi Italia ngias kon, tunang boa-blingin bel mia.

Petrus mesa la 5:13

Atuil in parsai man nakbua ne kota Babel lias kon, tunang boa-blingin bel mia. Ama Lamtua Allah huil nal oen son, banansila el Un kon huil nal mi son na. Auk anang Markus kon, tunang boa-blingin.

Yuhanis tilu la 1:14

Ta auk in koma ka le nesang lo kam, kit tutnaal apa, le halin nam kit duat aa nol apa esan tuun.