Filipi 4:21 - Buk Niu In Hida Balu nol Dehet deng Apan-kloma ki in Dadi ka

²¹ Auk tunang boa-blingin bel totoang atuil man in parsai Yesus Kristus se kota Filipi. Auk tapang in ne ia ngias kon, tunang bel mi boa-blingin.

Filipi 4:21 Iomraidhean Croise

Matius 5:47

Tiata eta ku suma aa boa-blingin, se ku tapam mas tuun nam, in dui ki asa la? Ta atuil in parsai Ama Lamtua Allah lo ngas kon tao ela.

Korintus mesa la 1:2

Auk dul surat ni bel mia, man daid Ama Lamtua Allah atulin in parsai se kota Korintus. Un huil nal mi son, le daid Un atulin in niu, undeng mi parsai se Yesus Kristus son. Un kon tao mi le daid niu banansila el totoang atuil in parsai tenga las. Ta oen kon nodan tulung son, se kit Lamtuan Yesus Kristus, man Ama Lamtua Allah hid meman son, lolo hmunan nua, le belen maa ka. Hidim Un daid Lamtua, taung kit nol one.

Galatia 2:3

Ming auk in aa ela ka kon, oen sium nol banan tuun. Oen kon sium Titus nol babanan. Un atuil Yahudi lo kon no, oen dising un le sunat lo.

Efesus 1:1

Boa-blingin deng au, Paulus. Auk dul surat ni bel mi totoang, man daid Yesus Kristus atulin son se kota Efesus, nol kil dididi le nuil niu muid Un in koma ka. Un esa man nutus auk le muid Ama Lamtua Allah in koma ka.

Filipi 1:1

Surat ni deng au, Paulus. Auk tapang Timutius kon tunang boa-blingin bel mia. Kaim duam niam, Yesus Kristus atulin in loka-loka. Kaim tunang surat ni bel totoang atuil man in parsai Yesus Kristus, se kota Filipi ngas. Nol kaim kon, kom le totoang tulu in kil jemaat nol atuil in hulung tulu in kil jemaat tas, nangan taan baab surat ni isin na nol babanan.

Filipi 4:7

Eta mi tao ela lam, mam Ama Lamtua tao mi dalen nas tetesa. Meman atuli li nangan taan dael tetesa, man kit hapun deng Ama Lamtua ka nol baktetebes lo. Mo undeng mi parsai se Yesus Kristus, tiata Ama Lamtua Allah tao mi dalen nas le tetesa, nol doha-tinang mia, le halin mi dalen nas nol mi nangan na bana-banan tukun.