Filipi 3:21 - Buk Niu In Hida Balu nol Dehet deng Apan-kloma ki in Dadi ka

²¹ Mam Kristus seda kit aap-sisin bloen man bisa in mate nia, le halin daid aap-sisin balu man in maet taan lo, banansila el Un apa man in muun isi ka. Un seda kit apan ni nini Un kuasa man in muun isi na. Nol Un kon nini in kuasa na, le tao totoang sa-saa lias muid se Un in prenta ka.

Filipi 3:21 Iomraidhean Croise

Matius 17:2

Lius se leten na dapas kon, oen ngat tam Yesus tuladang nga kisa son. Un sila ka kaloe, banansila el lelo ka, nol Un kai-batu las daid muti kaloe'.

Matius 22:29

Kon Yesus siut noan, “Eta mi ketan ela lam, mi kula bosor son! Undeng mi taan Ama Lamtua Allah in Dula ka isin na lo. Nol mi kon taan Un in kuasa man muun isi ka lo!

Matius 28:18

Kon Un maa dadani oen le aa nolas noan, “Ama Lamtua Allah bel Auk kuasa, le prenta totoang in ne sorga nguas, nol totoang in ne apan-kloma ki ngias.

Roma 8:29

Ta hmunan nua, Un taan oen meman son, nol huil nal oen son le taos daid hnika mes el Kristus, Un Ana ka. Ta Kristus man hmunan, le tenga las daid Un palin.

Kolose 3:4

Kristus nuli ne mi dalen, Un kon tao mi in nuli ka le toma. Eta mam Un pait maa kam, mi kon putim maam leo-leo nol Una. Totoang nas, muun isi!

Yuhanis mesa la 3:2

Aan in namnau me! Kit daid Ama Lamtua Allah anan son, mo taan le mam kit daid tuladang elola la. Kit in tana ka elia: mam eta Kristus pait maa kam, kit kon daid tuladang el Una, undeng kit ngat net Un langa-langa son.

Apan-kloma Hnika Balu 1:8

Ama Lamtua Allah tek noan, “Auk niam, Alfa lako pes Omega. (Laih hmunan lako lius in puis) Auk niam, A lako pes Z. Totoang daid deng Au, ninin deng hmunan nu lako lius in puis. Auk man muik meman son deng hmunan nua. Auk man muik hahalas ni kon. Nol Auk man muik tutungus didiin hidi nutus taan lo. Ta Auk siing man kuasa dudui!”