Filipi 2:9 - Buk Niu In Hida Balu nol Dehet deng Apan-kloma ki in Dadi ka9 Undeng Un dalen na deng dadale ela, tiata Ama Lamtua Allah nikit sakeng Un lapa-lapa. Nol bel Un ngala ka uhu dudui. Ta muik ngala mes lo kon man uhu dui deng Una. Faic an caibideil |
Filipi 2:9
46 Iomraidhean Croise
Kohe-kanas hidi ela kon, Yesus tek atuil in se la ngas noan, “Mi hii babanan ne! Auk Amang in ne sorga ku, bel Auk totoang in kuasa ngas son. In taan Auk babanan na, suma Auk Amang ngu sii. Nol in taan Auk Amang ngu babanan na, suma Un Ana ka sii, na Au. Nol Auk huil atuli tenga, le tekas halin nam oen kon taan nal Auk Amang ngu nol babanan.
Hidim Yesus tek atuil hut mamo kas noan, “Hii ke! Auk Amang in ne sorga ku bel Auk kuasa las totoang son. Man in taan baktetebes noan, Auk nia mo asii ka, suma Paap sii. Nol in taan baktetebes noan Paap na mo asii ka, suma Paap Ana ka sii, na Au. Nol Auk kon huil atuil didang le tek one, halin oen kon taan Papa.”
Mam Auk daad napiut se apan-kloma ki pait lo kang, undeng nesang lo ka kam, Auk le pait tiang se Papa la. Mo Atuil nias, oen musti daad napiut se apan-kloma kia. Ee Papa, Paap niam mo, niu baktetebes. Tiata Auk nodan Paap le doha-tinang oen nini kuasa man Paap in bel Auk son na. Auk kon nodan le oen butu-kil apa daid mesa, banansila el Auk in butu-kil le daid mes nol Papa ka.
Halas ni Ama Lamtua Allah nikit Yesus son le daid Un ima kanan. Hidim Yesus kil kuasa banansila el laih tuan na. Un sai lalan le atuli li haup in holoat deng oen in kula-sala ngas. Un le bel kit atuil Israel li lalan, le kit pesang deng kit in kula-sala ngas totoang. Nini ela lam, Ama Lamtua Allah dalen na daid blingin, didiin Un nangan kit atuil Israel li in kula-sala ngas pait lo.
Nol kit kon musti lali lam, ngat kliu-kanan deken, mo ngat se Lamtua Yesus sii. Ta Un man sai lalan le kit haup in parsai se Ama Lamtua Allah. Nol mam Un man tulung le kit parsai ka daid inu. Nangan net Yesus in susa-daat se kai sangsuli lua ka, tam lo ka? Atuli las bilu-aa Una, mo Un tahang napiut. Lole Un tana noan, eta Un in haup susa-daat ta hidi son nam, mam un dalen kolo lolen. Na toma. Ta Un mate, hidim Ama Lamtua Allah nikit Un le daad se Ama Lamtua halin kanan na, le Oen duas prenta leo-leo.
Mo muik at mes man prenta nal nas totoang. Un nam mo, Yesus. Un maa daad tahang se apan-kloma kia, daid atuli le lepa-haal in susa-daat didiin mate. Un mate ela, le tulu bel atuli li Ama Lamtua Allah dalen banan na. Hidi nam, Ama Lamtua Allah naka-naka Una nol nikit sakeng Un lapa-lapa, le halin Un prenta totoang asa man Ama Lamtua Allah in daek son nas.
Auk kon nodan le Yesus Kristus tulu-balang bel mi Un dalen banan na, halin mi nuil babanan, titu-tema nol dame. Un aa langa-langa tutungus deng asa man Ama Lamtua Allah in tek Una ngas. Hmunan nu Un mate, mo Ama Lamtua belen nuli pait, le halin Un man daid atuil hmunan, man nuli pait deng in mate. Un kon man daid Laih Tuan taung in ator totoang laih in ne apan-kloma ki ngias. Undeng Lamtua Yesus namnau kita, tiata Un nang dala ka le baa didiin mate taung kita. Nini Un in mate ka, Un sai lalan le sas-loat kit deng in kula-sala kas in kuasa ka.
Hidi nam, Ama Lamtua ima-ii deng sorga nomer itu la huu un klingu la. Nahkitu lam, auk ming fala mamo-mamo maas deng sorgas, le tek noan, “Halas ni in kil bandu se apan-kloma kia ka, suma Ama Lamtua Allah nol Kristus, Un nam Lamtua Allah Atulin man Un hulin meman son deng hmunan nua ka. Ama Lamtua Allah nam Lahi, man kil bandu napiut didiin hidi nutus lo.”
Oen totoang tao dain nol mumuun noan, “Kaim nikit sakeng Lae-blai Ana man keo net son na ngala ka lapa-lapa, Undeng Un sium kaim in naka kia lam toma! Un in kuasa ka, tene dui hihidi. Un hmukin nas mamo isi. Un in nuting lalan na, tom baktetebes. Un in muun-tes sa, muun isi. Kaim nikit sakeng Un ngala ka lapa-lapa. Kaim todan Una. Kaim naka-naka Una.”
Sanasan