Filipi 2:13 - Buk Niu In Hida Balu nol Dehet deng Apan-kloma ki in Dadi ka

¹³ Undeng Ama Lamtua Allah esa man daek ne mi dalen nas. Un man sai lalan le mi hii-ming se Una. Nol Un man bel kuasa le mi tade in dake, halin tao Un dalen kolo.

Filipi 2:13 Iomraidhean Croise

Lukas 12:32

Hidim Yesus tupang pait noan, “Mi tuladang el lae-blai buan ana mesa, man muik in muun-tes lo. Mo lii deken! Ta mi Aman in ne sorga ku na mo, Laih Tene. Asa man Un nena, kam, Un dalen kolo in bel Un anan man Un in namnau ngas.

Lukas 2:14

“Kaim nikit sakeng Ama Lamtua Allah ngala ka lapa-lapa! Un man daad le kil bandu se apan man lapa dui hihidi kua. Ama Lamtua Allah le tao daem atuli-atuil in se dale-dapang nias, man tao Un dalen kolo ngas!”

Yuhanis 3:27

Yuhanis situs noan, “Elia! Etan Ama Lamtua Allah in ne sorga ku sai lalan bel atuli li lo kam, atuli li tao nal saa lo.

Yuhanis 6:45

Ama Lamtua mee-baah hmunan nuas dul son elia, ‘Ama Lamtua Allah le tui atuli li totoang.’ Tiata totoang atuil in hii-ming se Ama in ne sorga kua, nol tui deng Una ngas, maas se Au lia, le daid Auk atulin.

Yuhanis 6:65

Hidim Un aa tapnaeng pait elia, “Undeng na le Auk tek mi son noan, Auk Amang in ne sorga ku musti sai lalan bel atuli li le, halas-sam oen haup in tamas le daid Auk atulin.”

Dehet deng Aan in Nutus sas 11:21

Ama Lamtua bel Un in kuasa ka se one, didiin atuli hut mamo daid in parsai se Lamtua Yesus.

Roma 12:3

Undeng Ama Lamtua nutus auk son, nol tulu Un dalen banan na bel auk son, tiata auk tek mi elia: sukat mi apan nas nini lalan in toma! Nikit-nikit apan nas dui deng in toma ka deken. Sukat nini in muik peke lo ka deken. Atuli li mesa-mesam musti nukleka, le nangan taan karunya man Ama Lamtua belen son, undeng un in parsai se Kristus sa.

Roma 9:11

Dedeng Ribka hua oen lo bii ka, oen taan in daek dais banan tamlom dais daat ta lo bii. Ela kon no, Ama Lamtua tek Ribka meman son deng aan hduan man in puti muna ka, noan, “Mam kaka la daek bel un palin na.” Ama Lamtua tek ela, le tulu bel noan, eta Un huil nal atuli mes son nam, Un taan in pake atuling na le tao elola ka. Hidim, Ama Lamtua huil nal pali la le daid Un atulin. Ama Lamtua natang le ngat pali la in dake-mana ka lo, undeng Ama Lamtua tanan meman son.

Roma 9:16

Tiata, atuling na nataka taan Ama Lamtua in namnau ka, undeng un in koma esa tamlom un in tao ka esa lo. Molam undeng Ama Lamtua esa man kom le tulu Un dalen in namnau ka bel atuling na.

Korintus mesa la 12:6

Atuli li haup osa bili-ngala, le lako-daek Ama Lamtua osa la, mo suma Ama Lamtua Allah sii man tulung one, le lako-daek nal totoang os nas.

Korintus mesa la 15:10

Mo Ama Lamtua Allah tulu Un dalen banan na bel au. Hidim Un man tao auk le halas ni auk daid banansila eli nia. Dedeng Un tao dais banan bel au ka, Un soleng oras parsum tuun lo. Lole auk man nuklek le daek mumuun dui deng atuil tenga las totoang! Molota na auk in dake lo, molam Ama Lamtua dalen banan na, man daek ne auk in nuli kia.

Korintus dua la 3:5

Eta suma deng kaim apan ni esa kam, kaim muik kuasa le daek nal saa lo. Ta kuasa nol hak man in muik ne kami li kia, maa deng Ama Lamtua Allah.

Efesus 1:11

Undeng kit butu-kil nol Kristus, tiata kit kon sium nal pusaka in deng Ama Lamtua Allah ka. Ta deng lolo hmunan nu, Un huil kaim atuil Yahudi li son, le daid Un atulin. Un in tao ka le nini kaim halin sai lalan bel bangsa didang ngas, le halin totoang atuli li haup in parsai se Kristus. Totoang nias dadi, muid asa man Un nutus meman son na. Nini ela lam, kit totoang naka-nahalit nal Ama Lamtua Allah ngala man in muun isi ka.

Efesus 1:5

Un nutus meman son deng hmunan nua, nini Yesus Kristus le tao kit daid Un anan. Ni man tao Un dalen kolo.

Efesus 1:9

Hmunan nu, Ama Lamtua Allah tek atuli li Un in koma ka totoang lo bii. Mo halas ni, Un tao kit taan son noan, lolo hmunan nu Un nutus son, le nini Yesus Kristus halin tao atuli li daem nol Ama Lamtua Allah.

Efesus 2:8

Dedeng mi parsai se Kristus sa, Ama Lamtua Allah bel boa-blingin mia, undeng Un dalen banan na. Un bel boa-blingin mi ela, undeng Un le bel seda asa man mi in tao son nas lo, molam na daid in bele man Un bel mian nol mosa. Tiata mi muik peke le bahan tuan nol asa man mi in tao son nas deken.

Tesalonika dua la 1:11

Tiata kaim kohe-kanas bel mi lelo-duman, le halin Ama Lamtua Allah ngat mia lam, meman tatai in daid Un atulin. Kaim kon nodan le Un bel mi Un in kuasa ka, halin nam mi daek nal sa-saa banan nas, muding mi in parsai ka, nol asa man mi in nutus son le dake ngas.

Timutius dua la 1:9

Undeng Ama Lamtua man bel boa-blingin kit deng kit in kula-sala ngas. Nol Un huil nal kit son, le daid Un atulin man niu'. Un tulu Un dalen banan na bel kita, undeng Un namnau kita. Molota kit tao sa-saa mes lo kon, man tatai le kit sium Un in banan na. Ama Lamtua koet apan-kloma ki lo bii kam, Un nutus son le bel Yesus Kristus maa, le tulu Un dalen banan na, nol bel boa-blingin kita. Hidim Yesus Kristus maa son, le tek puting bel kit Un in nangan nas, nol Un kon tao dudus hmate ka in kuasa ka son! Ni man daid Dehet Dais Banan! Tiata, asii parsai se Yesus Kristus sam, un mate napiut lo ka. Molam nuli napiut nol Ama Lamtua Allah.

Petrus mesa la 1:3

Totoang in naka-nahalit ti taung Ama Lamtua Allah sii! Un nam, kit Lamtuan Yesus Kristus Ama ka. Undeng Ama Lamtua dalen banan na, tiata Un namnau kit isi. Un nang Yesus Kristus le mate, hidim nuli pait, halin bel kit in nuli balu, banansila el in hua kit pait ta. Tiata, kit parsai napiut nol nahlae se Yesus Kristus undeng kit tana noan, mam Ama Lamtua papa-paiduil kit babanan.