Filipi 2:11 - Buk Niu In Hida Balu nol Dehet deng Apan-kloma ki in Dadi ka

¹¹ Nol mam totoang atuli li hao noan, “Yesus Kristus nam, Lamtua baktetebes!” Nini ela lam, oen kon naka-naka Ama Lamtua Allah.

Filipi 2:11 Iomraidhean Croise

Matius 10:32

Hidim Yesus aa pait elia, “Atuil in lii lo, le hao Auk se atuil hut mamo in ne apan-kloma ki ngias silan na, mam Auk kon hao un se Auk Amang in ne sorga ku sila, noan, ‘Un nam, Auk atulin.’

Lukas 2:11

Dais banan ni isin na elia: Leol ni bihatang mes hua Kristus son, ne Betlehem, laih Daud kota la! Kristus na mo, Atuling man Ama Lamtua Allah in hid meman son, deng lolo hmunan nua ka. Ama Lamtua tunang Un maa le bel boa-blingin atuli li deng oen in kula-sala ngas! Una, man mam atuli li haman noan, ‘Lamtua!’

Yuhanis 12:42

Nol muik atuli mamo parsai se Yesus. Atuil biasa li sii tuun lo, ta muik tene-tene deng atuil Yahudi las tenga ka kon parsai se Yesus. Mo oen hao Yesus se atuil hut mamo kas silan lo, lole oen lii, ta tamlom atuil Farisi las nulut puting oen deng um in kohe-kanas sas sa.

Yuhanis 13:13

Mi kom in noken Auk noan, ‘Paap Guru’, nol ‘Lamtua’. Na toma, lole meman Auk ela.

Yuhanis 13:14

Mo eta mi Gurun na, nol mi Lamtuan na boe bel mi iin nas banansila el ata in loka-loka mesa lam, muid mia lam elola la? Mi kon musti lii-lau apa mes nol mesa; tuladang el: mi musti boe apa iin mes nol mesa.

Yuhanis 14:13

Mi in butu-kil nol Au ngias, muik hak le kil Auk ngala ngia. Tiata mi kohe-kanas le nodan asa tuun nini Auk ngala ngia lam, mam Auk tao bel mias. Nini ela, Auk nikit sakeng Auk Amang ngu ngala ka lapa-lapa, le halin totoang atuli li tana.

Yuhanis 14:23

Yesus siut noan, “Elia: atuil in namnau Au ka, mam un lako-daek muid Auk in Teka-teka ngas. Auk Amang ngu kon neka-namnau una. Hidim Auk nol Auk Amang ngu, nuling dalen mes nol una.

Yuhanis 17:1

Yesus aa hidi ela kon, Un ngada lako el apan nua, le kohe-kanas noan, “Papa namnau! Auk oras si maa lius son, le Paap nikit Auk lapa-lapa. Auk niam, Paap Ana. Paap bel Auk hak son, le mana-koet totoang atuil in se apan-kloma ki ngias. Paap bel Auk hak na, le halin Auk bel totoang atuil man Paap in sao bel Auk son, le daid Auk atulin nas in nuil toma man hidi nutus taan lo ka. Tiata halas nia, Auk nodan le Paap nikit Auk lapa-lapa, le halin Auk tulu nal Paap in muun-tes sa.

Yuhanis 20:28

Tomas siut noan, “Idaah Papa! Halas-sam auk parsai baktetebes! Paap niam mo auk Tuang, nol auk Lamtua Allahn!”

Yuhanis 5:23

Auk Amang nga in koma ka totoang atuli li todan Au, banansila el oen in todan Una ka kon. Ta atuil in dai todan Auk lo ka, un kon dai todan Auk Amang man in nutus Au ka lo.

Yuhanis 9:22

Oen aa ela, undeng oen lii atuil Yahudi las tene-tenen nas. Nol oen tana noan, tene-tene nas koo mes son, noan, “Eta muik atuli in hao noan, Yesus nam Kristus sam, kaim musti nulut soleng atuling man hao ela ka, deng kaim atuil Yahudi li um in kohe-kanas sa.”

Dehet deng Aan in Nutus sas 10:36

Ta mi taan dehet man Ama Lamtua in tek kaim bangsa Israel lia ka son. Dehet na lin na noan, Un bel Kristus maa son, na Yesus. Hidim Yesus na, man mate le mole-daem atuli li nol Ama Lamtua. Un kon daid Lamtua taung atuli li totoang.

Dehet deng Aan in Nutus sas 2:36

Undeng na le totoang atuil Israel lias musti taan baktetebes deng Yesus, man mi pauk tele son se kai sangsuli lu dapa ka. Un na mo, Kristus, man Ama Lamtua Allah hulin meman son deng hmunan nua ka. Nol Un kon daid kit Lamtuan!”

Roma 14:11

Ta dulan son ne Ama Lamtua Buk Niu ka noan, “Kit Lamtuan na esa man tek noan, ‘Mam totoang atuli li hai bukun le suda se Au, nol tulu in todan bel Au. Mam atuli li mesa-mesam nini oen bahan nas le hao noan, Auk daid oen Lamtuan, undeng Auk niam, Lamtua Allah.’ ”

Roma 14:9

Undeng na le, Kristus mate, hidim Un nuli pait. Un tao ela le halin Un daid Lamtua taung atuil in maet son nas, nol taung atuil in nuil nabale ngas kon.

Roma 15:9

Nini ela, totoang bangsa Yahudi lo kas nikit in naka-naka bel Ama Lamtua Allah. Lole oen nangan taan noan, Un namnau kit totoang. Na banansila el hmunan nu laih Daud in dul son ne Buk Niu ka noan, “Undeng na le, auk kom in nikit sakeng Ku ngalam ma lapa-lapa, se bangsa-bangsa didang ngas. Auk le tao dain in naka-nahalit bel Ku se bangsa didang ngas silan.”

Korintus mesa la 12:3

Undeng na, auk tao ka le mi nangan taan noan, atuil in butu-kil nol Ama Lamtua Koo Niu ka son nas, taon elola ko muik atuli mes lo kon, man tek noan, “Bahang Yesus!” Nol atuil in butu-kil nol Ama Lamtua Koo Niu ka lo ngas, taon elola ko muik mes lo kon, man tek noan, “Yesus na mo auk Lamtuan!”

Korintus mesa la 15:47

Atuling hnika-tuladang laih hmunan in se apan-kloma kia ka, daken deng dale. Molam hnika-tuladang dua la, nam Kristus, man maa deng apan-dapa kua.

Korintus mesa la 8:6

Mo taung kita lam, Ama Lamtua Allah suma mes sii. Un nam mo, kit Aman. Totoang putis deng Una. Kit lako-daek totoang nas bel Una. Nol kit Lamtuan na, suma mes sii. Un na mo, Yesus Kristus. Ama Lamtua Allah pake Yesus, se dedeng Un koet totoang sa-saa lias sa. Nol kit haup in nuli, undeng Yesus man bel kit in nuli.

Petrus mesa la 1:21

Undeng Kristus in dake ngas, tiata mi haup in parsai se Ama Lamtua Allah. Ta Un bel Kristus nuli pait son, hidim nikit Un lapa-lapa. Ama Lamtua Allah tao ela le halin mi parsai nol nahlae noan, mam Ama Lamtua Allah tao muid asa man Un hidan meman son na.

Yuhanis mesa la 4:15

Totoang atuil in hao noan, Yesus na mo, Ama Lamtua Allah Ana, un in nuil nol Ama Lamtua Allah ka leko, nol Ama Lamtua kon babanan nol una.

Yuhanis mesa la 4:2

Kit taan nal in hida baktetebes man maa deng Ama Lamtua Koo Niu ka ka, elia: Ama Lamtua Allah hid meman son deng lolo hmunan nua, le bel Un Ana ka maa se apan-kloma kia. Eta atuling in kil hida na hao noan, Yesus Kristus na mo, baktetebes Ama Lamtua Allah Ana, man in daid atuli son banansila el kita ka lam, in hida na meman maa deng Ama Lamtua.

Yuhanis dua la 1:7

Atuil in nole-lilung daat tas mamo laok papmes apan-kloma ki son. Oen tui noan, meman Yesus Kristus maa se apan-kloma kia, mo Un muik aap-sisin el atuil esa ki lo. Oen kon atuil in nole-lilung man labang nol Kristus, hidim dai sium lo noan, Yesus na mo Kristus man Ama Lamtua Allah hulin meman son, deng lolo hmunan nua ka lo.

Apan-kloma Hnika Balu 3:5

Nol asii tahang dididi le muid Auk didiin mate kam, mam un pake kai-baut muti kon. Auk kose soleng un ngala ka lo, deng buk in dul totoang atuli li ngalan nas noan, mam asii man nuli napiut nol Ama Lamtua ka. Mam Auk kon hao un se Auk Amang ngua, nol Un ima-ii in ne sorga nguas silan, noan un nam mo Auk atulin.