Filipi 1:8 - Buk Niu In Hida Balu nol Dehet deng Apan-kloma ki in Dadi ka

⁸ Ama Lamtua Allah esa tana noan, auk daleng ngi kom isi le tutnaal nol mia. Ta auk in namnau mia ka, banansila el Yesus Kristus in namnau mia ka.

Filipi 1:8 Iomraidhean Croise

Lukas 1:78

Ama Lamtua dalen na duda nol namnau kita, tiata Un bel kit dola balu, banansila el leol balu, man kil langa balu. Kit laok ne mitang dalen, nol lii in mate, undeng kit daem nol Ama Lamtua lo bii, mo mam Un bel kit langa le pel nol kit lakong se lalan in dame ka.”

Roma 1:9

Auk kohe-kanas bel mi baktetebes hidi nutus taan lo. Ama Lamtua esa tana noan, asa man auk in aa ni, toma. Un kon tana noan, auk in dake ki inu nol in makoe, le tek atuli li deng Un Ana ka Dehet Banan na.

Roma 9:1

Kit in butu-kil nol Kristus sias, aa kam toma. Tiata auk nole mi lo. Ne auk daleng ngi kon tek noan, Ama Lamtua Koo la man mana-koet auk daleng ngia.

Korintus dua la 13:9

Eta mi daid kuat, le kaim daid bloen kon, kaim dalen kolo. Ta kaim kohe-kanas le nodan Ama Lamtua tao mi halin daid titu-tema tapnaeng.

Korintus dua la 6:12

Kaim tulu kaim in namnau mia ki son, nol muik in tuk-tai lo. Mo mi tuk-tai nol in namnau kami.

Korintus dua la 7:15

Tiata, taom eta un nangan net mi in dake ngas, nol mi in aa ngas sam, un in namnau mia ka tapnaeng. Nol un kon nangan net oras un in tia se la, hidim mi sium un nol babanan, molota mi kon nangan muun isi deng auk surat ta.

Galatia 1:20

Asa man auk in dula ni, meman daid baktetebes ela! Auk nole-lilung lo! Ama Lamtua tana!

Galatia 3:26

Halas ni mi daid Ama Lamtua Allah anan son, undeng mi parsai se Yesus Kristus.

Galatia 4:19

Aan in namnau me! Halas ni auk daek mumuun dui pait bel mia, didiin auk banansila el bihaat in tain iil le hua ka. Ta auk teen in dake lo, didiin mi dalen nas banansila el Kristus dalen na son.

Filipi 2:1

Kaka-pail in namnau man daid Yesus Kristus atulin! Un bel mi dais banan mamo son. Tiata, mi musti tao teken apa dalen mes nol mesa. Mi tui-tek nal deng peke in namnau ka. Mi in nuli ka kon kumis-mina nol apa, undeng Ama Lamtua Koo Niu ka daek ne mi hlala ka. Nol tulu mi in boa-iil apa ka nini dalen in kumis-mina.

Filipi 2:26

Ta un dalen ni kom isi son le net mia. Nol un kon nangan mi isi, undeng un tana noan, mi ming un in heda-heda ka son.

Filipi 4:1

Kaka-pail in namnau me! Undeng nas totoang, tiata auk nodan le mi nuil lolo tutungus. Auk kom isi le net mia. Ta mi niam daid isin deng auk in dake ka. Mi tao auk daleng kolo. Nol auk nikit nal bong ngi undeng mia.

Kolose 2:1

Mi man daad se kota Kolose, oen man daad se kota Laodikia, nol oen man in tutnaal auk lo bii ngas! Auk in koma ka le mi totoang taan auk in daek mumuun bel mia kia.

Kolose 3:12

Ama Lamtua Allah huil nal mi son, undeng Un namnau mia. Un in koma ka le mi daid Un atulin in niu man kisa nol atuil tenga las. Tiata mi musti daid atuil man in dalen kumis-mina, dael banan, dalen deng dadale, dalen mahes, nol keeh nala.

Tesalonika mesa la 2:5

Mi kon tana, noan kaim dehet le neleng mi lo, salolen le nuting duit deng mia la. Ama Lamtua Allah taan kaim dalen nias.

Tesalonika mesa la 2:8

Kaim maa le suma tek mi Dehet Dais Banan na sii lo, molam kaim sao kaim aap-inan ni tetema, undeng kaim namnau mi isi.

Timutius dua la 1:4

Auk nangan net hmunan nu kit in bakisan apa ka, ku matam uin baa. Undeng na, le auk kom isi in tutnaal nol ku, le halin nam auk daleng kolo.

Filemon 1:12

Auk namnau un isi, mo nang tuun tia, auk tunang pait un tia se ku la.

Filemon 1:20

Toma kaka! Nang le kaka tulung auk se dais ni dalen, undeng kit niam pali-kaak se Ama Lamtua dalen. Tao auk daleng ngi tetesa ela, undeng kit leo-leo daid Kristus nenan son.

Yuhanis mesa la 3:17

Eta muik atuli mes in nuli ka nola, hidim un ngat net pail-kakan mes in nuli ka susa, mo un namnaun le tulung lo kam, taon elol le atuling na aa nal noan, “Auk namnau Ama Lamtua Allah la!” Bisa lo!