Filipi 1:18 - Buk Niu In Hida Balu nol Dehet deng Apan-kloma ki in Dadi ka

¹⁸ Mo nang tuun tia! Atuli tui nol dalen lolo, tamlom lo ko, auk toe mudin lo. Sadi, eta oen tui deng Kristus sam, na man tao auk daleng ngi kolo. Nol auk daleng ngi kolo baktetebes,

Filipi 1:18 Iomraidhean Croise

Matius 23:13

Hidi na kon, Yesus aa napiut noan, “Hoe, guru-guru agama nol atuil Farisi me! Meman mi niam atuil in hlak daat! Mam mi haup in susa-daat, undeng mi dai parsai Au, Atuling man Ama Lamtua Allah hid son le tunang maa ka lo. In daat dudui pait ta, mi palan kele atuil in le maa parsai se Au ngas.

Markus 12:40

Mo doha-doha lo! Ta oen nole-lilung bebalu kas tutungus, le naok nal oen uma las. Mo se atuil hut mamo sila kam, oen buni oen in daat na, nini in dil le nodan nesang-nesang. Oen kom le atuli noken oen noan, atuil dael niu. Mo mam Ama Lamtua Allah hukung oen ngele dui.”

Lukas 9:45

Mo Un ima-ii las nangan hapun lo tetetas. Oen nangan taan Un in aa na nahin na lo. Oen kon lii in ketan un nahin na.

Lukas 9:50

Mo Yesus situn noan, “Ela deken! Ta atuil man labang nol kit lo ka, nahin na noan, un nam mo kit tapans.”

Roma 3:9

Tiata elola? Mi nangan noan kit atuil Yahudi li banan dui deng atuil Yahudi lo ngas se? Ela lo! Ta auk tulu bel mi son noan, atuil Yahudi tam atuil Yahudi lo kon, totoang atuli li kula.

Roma 6:15

Tiata elola? Bet mi nangan noan, “Undeng kit nuil le daek muid upung Musa atorang ngas pait lo, le daid in babanan nol Ama Lamtua, tiata nang le kit daek kula napiut tuun tia. Ta Ama Lamtua kom nabael le tulu Un dalen banan na bel kita!” Mi nangan ela, ta lo? Auk tek mia le! Na kula!

Korintus mesa la 10:19

Mi bali le auk nangan noan, oras atuil in taan Ama Lamtua lo ngas kil in todan bel oen sa-saa in hui-langus sas sa, muik nahin saa lo undeng sa-saa in hui-langus nas, suma patung hmate tuun ne? Lo! Ta auk in nangan na elia: dedeng atuli li keo hmukit le daid in tunu-dadung bel oen sa-saa in hui-langus sas sa, oen todan-lahing se uikjale kas na. Molam oen todan-lahing se Ama Lamtua Allah man in toma ka lo. Tiata, auk kom mi in butu-kil nol uikjale kas ela ka lo.

Korintus mesa la 14:15

Tiata in banan na, auk tao elola la? Auk pakes duas toang, mo mesa-mesam nol un oras. Auk kom le kohe-kanas nini auk daleng ngia, nol nini dais man auk in tana. Nol auk kon, kom le tao dain in naka Ama Lamtua, nini auk daleng ngia, nol nini dais man auk in tana.

Korintus mesa la 15:11

Tiata auk man in tui tamlom atuil didang ngas man in tui kon, na man muun lo. Undeng kaim totoang tui dasi mes sii. Kaim tek atuli li deng Ama Lamtua Dehet Dais Banan na tutungus. Undeng na le, mi totoang parsai se Dehet Dais Banan mes sii.

Filipi 1:19

undeng auk tana noan, mi kohe-kanas bel au, nol Yesus Kristus Koo Niu ka tulung au. Tiata mam auk musu las tao dudus nal auk lo.