Filemon 1:2 - Buk Niu In Hida Balu nol Dehet deng Apan-kloma ki in Dadi ka

² bel susi Apfia, man kaim nangan el kaim batan na; bel Arkipus, man daek hiti-late leo-leo nol kaim se in dake ni dalen; nol bel jemaat man taom nakbua le kohe-kanas se ku uma la ka.

Filemon 1:2 Iomraidhean Croise

Roma 16:1

Nini surat nia lam, auk tek nuting mi meman deng kit kakan bihata mesa, ngala Febe, nol auk nodan le mi sium una. Oen nikit un son le daid tulu in kil jemaat se kota Kengkrea.

Roma 16:5

Auk tunang boa-blingin bel totoang atuil in nakbua le grija se Priskila nol Akila uma la ngas kon. Auk tunang boa-blingin bel auk tapang, kaka Epenetus. Un nam, atuling man in parsai Kristus muna, se propinsi Asia.

Korintus mesa la 16:19

Jemaat in ne propinsi Asia ngias tunang bel mi boa-blingin. Kaka Akila, un sapa bata Priskila, nol atuil tenga las, man taom nakbua se oen uma lia ki kon, tunang bel mi boa-blingin, lole oen kon butu-kil napiut nol kit Lamtuan na.

Filipi 2:25

Hmunan nu auk haup susa. Hidim mi nutus kit kaak-palin Epafroditus maa meo au. Un lako-daek Ama Lamtua osa la leo-leo nol au. Kaim duam tuladang el tentara man in makoe le muid un komendan na in prenta ka. Mo halas ni, auk nataka kam, auk musti tadu un pait tia se mia la.

Kolose 4:15

Auk tunang boa-blingin bel kaak-pail in parsai man in ne kota Laodikia ngas. Nadidingun auk in tunang boa-blingin bel maam Nimfa, nol atuli-atuil in parsai man taom nakbua se un uma la ngas deken.

Kolose 4:17

Tek nuting Arkipus noan, “Ku nadidingun in lako-daek nuli os man ku in sium deng Ama Lamtua son na deken.”