ZEFANIAH 3:11 - Lai (Hakha) Common Language Bible 2006

¹¹ Khi ni ah cun ka mi hna cu, Keimah dohnak caah nan rak tuahmi thil ruangah khan nan ning a zak ti lai lo; zeicahtiah nan mi aa porhlawmi le a ruam a kaimi vialte hna kha nan lakin ka ṭhial dih hna lai i ka tlang thiang cungah hin ruamkai in nan um ti lai lo.

ZEFANIAH 3:11 Iomraidhean Croise

SALM 131:1

Maw Bawipa, kaa porhlawtnak kha ka hlawt cang, ka ruamkainak kha ka chuahtak cang. Thil lianngan kha biapi ah ka ruat ti hna lo, ka ca i a har tukmi thil kha zei ah ka rel ti hna lo.

SALM 49:5

Ka ral miṭhalo hna, an rumnak aa bochan i an chawva aa porhlawmi nih an ka dum tikah ka thin a phang lo.

SALM 59:12

An kaa chungah sualnak a um an bia cu bia sual lawngte an si; an i porhlawtnak ah cun anmah lila i foih hna seh. Annih cu chiatserhnak bia a chimmi le lihchimmi an si caah

ISAIAH 11:9

Zion Tlang, Pathian tlang thiang chungah cun thil ṭihnung le thil ṭhalo zeihmanh a um lai lo. Rili cu ti in a khah bantukin hi ram cu Bawipa hngalhnak in a khat lai.

ISAIAH 2:12

Khi ni ah cun Ralkapbu Bawipa nih a ṭhawngmi le aa porhlawmi le a ruam a kaimi vialte kha a ṭhumh dih hna lai.

ISAIAH 45:17

Sihmanhsehlaw Israel cu Bawipa nih a khamh i teinak a hmuhmi cu zungzal in a hmun lai; a mi cu ningzahnak an phan lai lo.

ISAIAH 5:15

An dihlak in ningzahnak an hmu lai i milungpuam vialte kha ṭhumh an si lai.

ISAIAH 54:4

Na thinphang hlah — ningzahnak na ing ti lai lo; serhsatnak na hmu ti lai lo. Na ngaknut lio i zumh awk tlak lo na rak si kha na philh lai i nuhmei na si lio i na umhar vialte kha na philh lai.

ISAIAH 56:7

“Ka tlang thiang Zion ah kan kalpi hna lai. Thlacamnak inn ka inn ah khan lawmhnak kan pek hna lai i biakṭheng cung i nan ka pekchanhmi raithawinak kha ka cohlan hna lai. Ka Biakinn cu miphun vialte caah thlacamnak inn ti a si lai,” a ti.

ISAIAH 61:7

Na ningzahnak le na thangchiatnak cu a dong cang. Nangmah ramte ah khan na um cang lai i na rumnak cu a let hnih in a ṭhang lai; na lawmhnak cu zungzal in a hmun lai.

JEREMIAH 13:9

Hi bantuk hin Judah aa porhlawtnak a nganmi le Jerusalem aa porhlawtnak a nganmi kha ka hrawh lai.

JEREMIAH 7:4

Nannih nih nan i thawh i, ‘Hi hmun hi Bawipa biakinn a si,’ Bawipa biakinn a si, Bawipa biakinn a si,’ tiah nan ti lengmang,’ hi bia lih a simi hi i bochan hlah u.

EZEKIEL 20:40

Sihmanhsehlaw ka tlang thiang cungah, Israel tlang sang cungah, khika ah Israel mi hna nih ram chungah an dihlak in ka rian an ṭuan lai, tiah Bawipa Pathian nih a ti. Khika ah khan ka cohlan hna lai i khika ah khan nan laksawng le nan pekchanhmi thil chung i a ṭha bikbik hna le a thiangmi nan thawhlawm vialte he khan ka pe u, tiah kan hal hna lai.

EZEKIEL 24:21

Israel mi cu va chim hna law hihi Bawipa bia a si: Nan i bochanmi nan Biakinn ṭhawnnak cu nan i porhlaw. Nannih nih zoh nan duh ngaingai i a chung i va len kha nan duh; sihmanhsehlaw Bawipa nih a thurter lai. Cun nan fale hna Jerusalem i a tangmi hna kha, ral ah an thi lai.

DANIEL 9:16

Maw Bawipa, nang cu na ding ko, cucaah Jerusalem khua cungah na thin hung ti hlah. Jerusalem cu nangmah khua a si, na tlang thiang a si. Kan sualnak le kan pupa hna nih an rak tuahmi ṭhat lonak ruangah kan pawngkammi hna nih na mi le Jerusalem cu an kan zohchuk cang.

DANIEL 9:20

Cuticun bia ka chim i thla ka cam i keimah ka sualnak le ka mi hna an sualnak cu ka phuan i Bawipa ka Pathian hmaika ah cun a tlang thiang caah cun nawlnak kha ka tuah.

MIKAH 3:11

Khua a uktu hna nih khan ziknawh ei in an uk hna. Tlangbawi hna nih khan a man hmuh awk lawngah phungbia kha an chimh hna. Profet hna nih khan tangka hmuhnak ding ca lawngah phuannak kha an chim; Cun an dihlak in Bawipa cu kan sinah a um, an ti dih. An i thawh i, “Bawipa cu kan sinah a um lo mei? Harnak zeihmanh nih a kan tlunhnawh kho lai lo,” an ti.

NAMBAR 16:3

Moses le Aaron kha an pumhhnawh hna i annih cu, “Nan luan cang! Mi zapi cu an thiang cio ko i Bawipa cu an lakah a um ve ko. A si kun ahcun zeicahdah Bawipa mibu cungah cun nan i hlorh?” tiah an ti hna.

MATTHAI 3:9

‘Abraham cu a kan hringsortu a si,’ tiin kan luat lai, tiah i ruat hlah u. Pathian nih hi lung hna hi Abraham tefa ah cun a ser khawh ko hna, ti hi kan chimh hna.

ROM 2:17

A si ah nannih Judah mi tah? Judah mi nan i ti; Nawlbia kha nan i bochan i nan Pathian kha nan i uang;

ROM 9:33

Cathiang nih, “Zohhmanh, Zion ah mi a tluktertu ding lung pakhat ka chiah, Cu lung nih cun a rilhter hna lai. Sihmanhsehlaw amah a zummi cu ningzahnak an phan lai lo,” tiah a rak chimmi bang khan a si.

1 PETER 2:6

Zeicahtiah Cathiang nih, “A sungmi lung pakhat kha ka thim cang i cu lung cu Zion khua i sakmi inn a hram lung caah ka chiah; Amah a zummi cu zeitikhmanh ah an lung a dong lai lo,” a ti.