ZEFANIAH 2:3 - Lai (Hakha) Common Language Bible 2006

³ Ram chungah toidor tein a phung kha a zul i khua a sami vialte hna, Bawipa cu kawl tuah u; Dinnak cu kawl u, toidornak lungthin cu kawl u; Bawipa thinhun ni ah cun dornak nan hmu kho lai lo dahkaw.

ZEFANIAH 2:3 Iomraidhean Croise

2 SAMUEL 12:22

Cun anih nih, “Ngakchia cu a nun lioah khan rawl ka ul i ka ṭap taktak; zeitintiah, ‘Ngakchia cu a nun nakhnga Bawipa nih a hei ka zaangfah ko hnga dah kaw, aho nih dah an hngalh khawh lai?’ ka ti.

SALM 105:4

Bawmhnak hmuh awkah amah cu va fuh u, a hmaika ah khan va um zungzal u.

SALM 149:4

Bawipa nih a mi cu a zaangfah hna i santlai lomi kha teinak a pek hna.

SALM 22:26

Sifakmi nih an duh zat in an ei lai, Bawipa sinah a rami nih Bawipa cu an thangṭhat lai. Zungzal in thluachuak in um ko hna seh.

SALM 31:20

Mi nih thah an timh hna caah na thlam chungah khan na thuh hna i an ral pawl nih an nihsawh khawh hna nakhnga lo na thla tangah na chiah hna.

SALM 45:4

Biatak le biading kha hmunhter awkah na tei tiang lianhngannak in hmailei ah kal tuah. Na ṭhawnnak nih teinak ngan pipi an hmuhpiak lai.

SALM 57:1

Ka zaangfah ko, Maw Pathian, ka zaangfah ko, himnak hmuh duh ah nangmah cu ka fuh. Thlichia ṭihnung a dih hlantiang, na thlazung in ka huppheng ko.

SALM 91:1

Himnak hmuh duh ah Cung Nung Bik kha a fuhmi le Lianngan Bik huhphenhnak chung ah aa dormi nih cun,

EXODUS 12:27

nannih nih, ‘Bawipa sinah pekmi lanhtak thawinak a si, zeicahtiah Izipt mi hna a rak thah hna ah khan Izipt ram i a um vemi Israel mi hna cu kan inn kha a lanhtak hna i kan inn cu a zuah hna,’ tiah nan leh hna lai,’ tiah a chimh hna. Mi zapi cu an khuk an i bil i Bawipa kha an biak.

PHUNGTHLÛKBIA 18:10

Bawipa min cu a fekmi innsang a si, miding cu khika ah khan an va tli i an him.

ISAIAH 1:17

a dingmi thil tuah tu kha cawng cang u. Dinnak tuah kha i zuam u, cucu mi nih an serhsatmi hna bawmh le ngakṭah hna chanh le nuhmei hna ṭanpi kha a si,” a ti.

ISAIAH 11:4

Sifakmi kha an bia ṭha tein a ceihpiak hna lai i nauta pawl kha a ṭanh hna lai. Amah nawl pekning in ram cu dantat a si lai i mi ṭhalo cu an thi lai.

ISAIAH 61:1

Bawipa Pathian nih thlarau in a ka khahter. Sifakmi hna sinah thawng ṭha phorh awk le lung a kuaimi hna damter awk le sal i a tangmi hna sinah chuahnak thanh awk le thong chung i a ummi hna sinah luatnak thanh awkah a ka thim i a ka thlah.

JEREMIAH 39:18

Nang cu him tein kan zohkhenh lai i vainam in thah na si lai lo; na ka bochan caah zeidang zeihmanh naa chuahpi kho lai lo nain, na nunnak he tal cun na luat lai,’ tiah Bawipa nih a ti,” tiah a ti.

JEREMIAH 45:5

Na caah thil lianngan kha na kawl hna. Sihmanhsehlaw cu kawl cu ngol ko hna, zeicahtiah mi vialte cungah rawhralnak kha ka tlunter lai, tiah Bawipa nih a ti; nang cu na kalnak paoh ah kan nunter ko lai, sihmanhsehlaw na nunnak lawnglawng kha naa khamh kho lai i zeihmanh a dang na thil cu na chanh khawhmi an um lai lo,” tiah a ti.

EZEKIEL 13:5

Bawipa ni i ral tuk tikah fek tein an dir khawh nakhnga, Israel velchum i a ummi ralhau a rawkmi kha a rawhnak cu hung thlop awkah an hung kal lo.

HOSEA 10:12

Annih cu ka thawh hna i, “Nan caah dinnak kha i tuh u law keimah lei i nan ṭannak nih a chuahpimi thluachuahnak kha zun tuah u. Nan dinhtermi vawlei kha ṭuan cang hna u, Zeicahtiah atu cu Bawipa keimah leiah i mer caan a si cang i ka ra lai i thluachuahnak kan pek hna lai,” tiah ka ti.

HOSEA 7:10

Israel cu aa porhlawtnak lila nih khan sual a phawt ko, Sihmanhsehlaw Bawipa an Pathian sin i kir ṭhan cu an duh lo; Hi bantukin thil si ko hmanh seh law, amah kawl kha an duh lo.

JONAH 3:9

Pathian cu aa ngaihchih ko hnga dahkaw, a thin kha a dam ko hnga dahkaw; cu ti a si ahcun kannih cu thi loin kan um ko hnga,” a ti.

ZEKHARIAH 8:19

“Thla linak thla, thla nganak thla, thla sarihnak thla le thla hranak thla i rawl ulhnak hna cu Judah innchungkhar caah lawmhnak le nuamhnak puai ah an cang lai. Biatak le daihnak cu duh ko u,” a ti.

MATTHAI 5:5

Nun a nemmi cu lunglawmmi nan va si dah! Pathian nih an kamhmi hna kha nan co lai.

1THESALON 4:1

A donghnak ah ka u le ka nau hna, zeitindah Pathian duhning in kan nun awk a si lai ti kha nannih nih kan sinin nan hmuh cang. Hitihin nan rak nun awk a si i atu hi Bawipa Jesuh min in tam chinchin in nan nun nakhnga kan in nawl hna.

1THESALON 4:10

Masidonia ram chung i a ummi nan unau hna cungah khan cu bantuk cun nan rak um. Cucaah cun u le nau hna, cu nak tam deuh in tuah rih awkah kan in nawl hna.

1 PETER 1:22

Biatak nih an fialmi hna nan zulhnak thawngin nanmah cu nan i thianh cang i zumhnak ah nan unau a simi hna cungah khan dawtnak taktak nan ngeih caah, pakhat le pakhat i daw tuah u.

1 PETER 3:4

nan i dawhnak cu nan chung muru ah a um awk a si i cu nan i dawhnak cu a tar kho lomi nemnak le daihnak lungthin, Pathian mithmuh i a sung bikmi thil a simi kha a si.

2 PETER 3:18

Kan Bawipa le kan Khamhtu Jesuh Khrih vel le hngalhnak ah khan ṭhang ko u. Atu le zungzal tiang khin sunparnak cu amah ta si ko seh! Amen.