ZEFANIAH 1:7 - Lai (Hakha) Common Language Bible 2006

⁷ Bawipa ni cu a nai caah Bawipa hmaiah dai tein um u! Bawipa nih raithawinak kha a timh cang i a sawmmi hna cu a thianter cang hna.

ZEFANIAH 1:7 Iomraidhean Croise

JOB 24:1

Zeicahdah Lianngan Bik nih biaceih caan cu a khiah lo i amah a rianṭuantu hna caah dinnak in biaceih ni kha a chiah lo?

SALM 46:10

“Raldohnak kha ngol u” a ti hna, “Cun keimah cu Bawipa ka si hi hngal tuah u, miphun vialte hna a uktu cu ka si i, vawlei pumpi ah a ngan bikmi cu ka si,” a ti.

ISAIAH 13:3

Bawipa nih a thin a phoktu kha tuk awkah a ralkap kha a kawh hna, cu a thiangmi raldohnak doh awkah cun aa zum ngaingaimi a ralkap, ral cu kanmah nih kan tei ṭheo lai tiah aa ruatmi ralkap pawl kha, a kawh hna.

ISAIAH 13:6

Nganfak in ai tuah u! Bawipa ni cu a nai cang, Lianngan Bik nih rawhnak a tlunter lai ni cu a nai cang.

ISAIAH 2:12

Khi ni ah cun Ralkapbu Bawipa nih a ṭhawngmi le aa porhlawmi le a ruam a kaimi vialte kha a ṭhumh dih hna lai.

ISAIAH 29:2

cun “Pathian biakṭheng” timi khua ah cun Pathian nih harnak a tlunter lai. Ṭahnak le aihramnak a um lai i a khua hrimhrim kha raithawinak an khanghnak biakṭheng ah a cang lai.

ISAIAH 34:5

Van ah khin Bawipa nih a nam cu a timh cang i hrawh awkah a ruah cangmi Edom kha atu cu a tuk lai.

ISAIAH 34:6

A nam ah cun an thi le an thau kha tlor zelzul in an i neh lai, raithawinak ah an hmanmi tuufa hna thi le thau bantuk le meheh thi le thau bantuk kha an si lai. Bawipa nih hi raithawinak cu Bozrah khua ah khan a tuah lai; hi bantukin a nganmi thahnak cu Edom ram ah khan a tuah lai.

ISAIAH 6:5

Cun kei nih kaa thawh i, “E law, mah hi ka si ko cang! Ka lo ko cang. Ka ka in a chuakmi bia hi bia sual lawngte an si i ka umnak mi zong hi bia sual le bia thur a hmangmi lawngte an si. Cun atu ah ka mit hrimhrim in Siangpahrang, Ralkapbu Bawipa cu ka hmuh,” ka ti.

JEREMIAH 46:10

Hi ni cu Bawipa, Ralkapbu Pathian ni a si, phuhlam ni a si, A ral hna cung i phu aa hlam ni cu a si. Vainam nih a ei hna lai i a duhnak a riam lai, An thi cu a ri lai. Zeicahtiah Bawipa, Ralkapbu Pathian nih chaklei ram ah Zufrates tiva kamah raithawinak kha a tuah.

EZEKIEL 7:10

“Zohhmanh, cu ni, rawhralnak ni cu hika a phan cang, an cungah a kek phut cang. Dinlonak kha a kuhkulul in a hung um cang, ruamkainak kha a par in a par,

JOEL 1:15

Bawipa ni cu a nai cang; Cu ni cu Bawipa sinin a chuakmi rawhnak ni a si lai. Cu ni cu zeitluk ṭihnung dah a si lai!

JOEL 2:11

Bawipa nih a ralkapbu cu khuari thawngin nawl a pek hna, Amah nawl a ngaimi ralkap hna cu a ṭhawngmi le rel cawk a si lomi an si. Bawipa ni cu zeitluk in ṭih a nungmi le a liannganmi dah a si! Ahodah a ing kho lai?

JOEL 2:31

A lian a ngan i ṭih a nungmi ni, Bawipa ni cu a phak hlanah, Ni cu a mui lai i thlapa cu thisen bantuk in a sen lai.

AMOS 6:10

A thimipa cu, a ruakvuinak a sersiamtu a rualchan nih khan, a ruak cu innchung khan a chuahpi lai. Innchung a ken bik i a ummi kha, “Khaka ah khan aho an um ti maw?” tiah a hei auh tikah, “An um ti lo,” tiah a rak leh lai i, cun aa thawh lai i, “Hna chet hlah, Bawipa min cu chim awk a si lai lo,” tiah a ti lai.

AMOS 8:3

Khi ni ah cun siangpahrang inn i hla a sa tawnmi nu hna kha a ai in an ai lai i, ‘A kenkip ah miruak tam tuk an hlonh liangluang ko hna. Hnachet loin um u,” an ti lai,” tiah a ti.

HABAKKUK 2:20

Bawipa cu a biakinn thiang chungah a um, vawleicung mi vialte hna a hmaiah dai zirziar in um tuah u.

ZEFANIAH 1:14

Bawipa ni a liannganmi cu a nai cang, khulrang in a ra lio; Cu ni a thawngpang cu a khaat in a kha, ralkap ralṭha bik hmanh lungdong in an au.

ZEKHARIAH 14:1

Bawipa nih thil a tuah lai ni a ra lio, nan sinin lakmi hranchaw hna cu nan dir ko lioah khan i phawt an si lai.

ZEKHARIAH 2:13

Miphun vialte hna, Bawipa hmaiah dai tein um tuah u! Zeicahtiah amah cu a umnak hmun thiang khan aa thawh cang.

MALAKHI 4:1

A vaam huammammi somei bantukin cu ni cu a ra; miporhlaw vialte hna le ṭhat lonak a tuahmi vialte hna cu favai an si lai, cun cu ni cu a rat tikah, cu ni nih cun annih cu a alhter hna lai i an hram le an nge zong tang loin a kangh dih hna lai, tiah ralkapbu Bawipa nih a ti.

MATTHAI 22:4

Cun a sinum a dang kha a thlah ṭhan hna i, ‘Rawl danghnak cu timh a si dih cang. Ka cawtum hna le ka saṭil thauthau hna cu ka thah cang hna. Zeizong vialte timh a si dih ko. Cucaah khulrang in rawl danghnak ah cun ra cang u,’ nan va ti hna lai, tiah a ti hna.

ROM 3:19

Nawlbia chung bia cu Nawlbia tang i a ummi hna caah khan a si ti kha kan hngalh; cu tiin a sinak cu mi nih silhnalh khawhnak zeihmanh an ngeih khawh nakhnga lo le vawlei cu a ningpi in Pathian biaceihnak hmai i a dir ding a si kha a langh nakhnga caah a si.

ROM 9:20

Sihmanhsehlaw ka kawi, nangmah cu Pathian bia a let lakmaktu dingah ahodah na si? Tlak um nih a sertu cu, “Zeicahdah hi bantuk hin na rak ka ser,” tiah a hal lo.

FILIPI 4:5

Mi vialte sinah nemnak tein va um u. Bawipa cu tuan ah a ra lai.

KOLOSE 1:12

Cun ceunak ram chungah Pathian nih a mi hna ca i a chiahmi thil i hrawm ve awkah aa tlak dingin an sertu hna kan Pa cu, lawmhnak he thangṭhat ko u.

1 SAMUEL 16:5

Cun anih nih, “Daihnak in; Bawipa sin i raithawi awkah ka ra; nanmah kha i thianh u law, raithawinak ah cun ka sinah ra ve u,” tiah a ti hna. Cun Jesse le a fapa hna kha a thianh hna i raithawinak ah khan a sawm hna.

1 SAMUEL 20:26

Sihmanhsehlaw cu ni ah cun Saul nih zeihmanh a chim lo; zeitintiah, “Zeithil nih dik a tlunh rua; amah cu a thianglo i a si ko, a thianglo i a si hrimhrim ko lai,” tiah a ruah.