ZEFANIAH 1:18 - Lai (Hakha) Common Language Bible 2006

¹⁸ Annih khamhnak caah an ngun siseh, an sui siseh, zeihmanh an ṭhahnem lai lo. Bawipa thinhun ni ah cun Bawipa nih khan cu ram cu a ning piin a nahchuahnak mei in a khangh dih lai i cu ram chung i a ummi vialte hna cu khulrang tein an donghnak kha a phakter hna lai.

ZEFANIAH 1:18 Iomraidhean Croise

GENESIS 6:7

“Ka sermi minung vialte hna hi vawleicung in ka hloh dih hna lai. Saram vialte le va vialte he ka hloh dih hna lai, ka rak ser hna hi kaa ngaichih,” a ti.

1 SIANGPAHRANG 14:22

Cun Judah mi nih Bawipa mithmuh i a ṭha lomi thil kha an tuah i an pupa hna nih an tuahmi vialte nakin tam deuh in an tuahmi sualnak cun Bawipa cu a nahchuahnak an thawhter.

JOB 21:30

Pathian cu a thin a hun i mi kha dan a tat hna tikah, a luatmi cu miṭhalo ṭheo an si ko.

JOB 3:15

Cun an inn sui le ngun in a khahtertu bawi hna sinah khan ka hei i din diam cang ko hnga.

SALM 78:58

Lawkih biaknak hmun an sermi nih khan a thin a hunter i an serchommi siasal hna nih khan a nah an chuahter.

SALM 79:5

Bawipa, zei can dah kan cungah na thin a hun lai? Zungzal in maw a hun ko lai? Na thinhunnak cu zungzal in maw mei bantukin a alh ko lai?

PHUNGTHLÛKBIA 11:4

Thihnak nih aan phak ni ah cun rumnak hi a ṭhahnem lo, sihmanhsehlaw dinnak cu thihnak chungin michuahtu a si.

PHUNGTHLÛKBIA 18:11

Mirum mi nih a chawva cu, a fekmi khua le a sangmi ralhau a si tiah a ruah.

ISAIAH 1:24

Cucaah Bawipa, Ralkapbu Bawipa Israel miṭhawng nih a chimmi bia hi ngai tuah u: “Ka ral hna, phu kan hlam cang hna lai i harnak nan ka pe ti lai lo.

ISAIAH 10:17

Israel ceunak Pathian cu, mei ah cun a cang lai. Israel Pathian thiang cu meizik ah cun a cang lai i ni khat chungah zeizong vialte kha a kangh dih hna lai, hling le so hmanh kha a kangh dih hna lai.

ISAIAH 10:3

Pathian nih dan an tat hna tikah zeitindik nan i tuah lai? Bawmhnak kha khuazei ah dah nan tlikhnawh lai? Khuazei dah nan chawva kha nan thuh hna lai?

JEREMIAH 7:20

Cucaah Bawipa Pathian nih hi bangin a ti: Zohhmanh u, hi hmun cungah hin, minung cung le saṭil cungah, lo chung thingkung hna le vawlei theitlai cungah, ka thinhunnak ka bungh lai; a kang lai i a mit ti lai lo.

JEREMIAH 7:34

Cun Judah ram chung khua hna chungin le Jerusalem khua chung lam hna in lawmhnak aw le thanuamnak aw, nupi ṭhi tlangval aw le ṭhitmi ngaknu aw cu ka daihter lai; zeicahtiah ram cu a ṭiao dih cang lai.

JEREMIAH 9:11

Jerusalem cu a rawkmi thil pon ah le cenghngia nih an veh lengmangmi hmun ah ka ser lai; Cun Judah ram khua hna cu an chungah mi um ti loin ka ṭhio dih hna lai.

EZEKIEL 16:38

Va cung pa duh le lainawn in taza kan cuai lai i nahchuah le thinhun in thisen a chuahtu tiin sual kan phawt lai.

EZEKIEL 23:25

Na cungah ka thinhunnak kha kan chuahhnawh lai i nangmah cu an thinlinhnak kha an in langhhnawh lai. Na hnar le na hna kha an in hleh lai i a donghnak ah vainam in an in thah lai.

EZEKIEL 7:11

zaang-ennak cu dinlonak le ṭhat lonak chungah khan a ṭhang. Cu vialte cu anmah sualnak lawngte a si dih, an i tuai an i hmalnak le an i tenghteletnak chungin a chuakmi an si dih.

EZEKIEL 7:19

An ngun cu lam ah khan an hlonh hna lai i an sui cu hmunthur bantukin an hlonh hna lai; Bawipa thinhun ni ah cun an sui le an ngun nih khan a khamh kho hna lai lo. An rawlṭam kha a dam lai lo i an paw zong a khim lai lo; zeicahtiah an tluknak a chuahtertu cu an ṭhat lonak kha a si lai.

EZEKIEL 7:5

Mah hihi Bawipa Pathian bia a si: “Zohhmanh a ra cang, rawhralnak cu i thonh lulhmalh in an ra cang; donghnak cu a phan cang, donghnak cu a phan cang.

ZEFANIAH 1:11

Cun khua taw i a ummi hna cu an ṭap an kiao lai, Zeicahtiah chawlet chawhrawl vialte cu an dih cang i Ngun in chaw aa caw aa zuarhmi vialte hna kha an lo cang, tiah Bawipa nih a ti.

ZEFANIAH 1:15

Cu ni cu thinhunnak ni a si, Cu ni cu vansang-auhnak le hremnak ni a si, Cu ni cu rawhnak le ralnak ni a si, Cu ni cu muihnak le khuachiat ni a si, Cu ni cu khuadawm le minmei zelh ni a si,

ZEFANIAH 2:2

Bawipa thinhunnak a kangh in a kangmi cu nan cungah a phak hlanah le Bawipa thinhun ni nan cung i a tlun hlanah i pum tuah u.

ZEFANIAH 3:8

Cun Bawipa nih, “Ka hngak tuah, miphun hna sual ka phawt hna ni kha, hngak tuah. Miphun hna le siangpahrang hna kha ka thinhunnak toih awkah ka lung kaa thlek cang. Vawlei hi a dihlak in ka thinhunnak mei nih a kangh lai.

MATTHAI 16:26

Mi nih hin vawlei pumpi hi co hmanh seh law, a nunnak a sungh ṭung ahcun zeital a miak hnga maw? A miak lai lo. A nunnak kha zeihmanh in a caw ṭhan kho lai lo.

1 KORIN 10:22

Bawipa cu a nahchuak seh ti maw kan duh? Amah nakin kan ṭhawng deuh tiah maw kan i ruah?

DEUTERONOMI 31:17

Cun ka thinhunnak cu khi ni ah an cungah a alh lai i ka hlawt hna lai i ka hmai ka thuhkanh hna lai i, an lotlau dih lai i; ṭhat lonak le harnak tampi nih a tlunh hna lai i cucaah annih nih khi ni ah, ‘Hi ṭhat lonak kan cungah an tlun hi, kan Pathian kan sinah a um lo caah a si lo maw?’ tiah an ti lai.