ZEFANIAH 1:15 - Lai (Hakha) Common Language Bible 2006

¹⁵ Cu ni cu thinhunnak ni a si, Cu ni cu vansang-auhnak le hremnak ni a si, Cu ni cu rawhnak le ralnak ni a si, Cu ni cu muihnak le khuachiat ni a si, Cu ni cu khuadawm le minmei zelh ni a si,

ZEFANIAH 1:15 Iomraidhean Croise

ISAIAH 13:9

Bawipa ni cu a ra lio, a thinhunnak le a thinlinhnak ni, ni ṭihnung cu a phan dengmang cang. Vawlei cu ramking ah a cang lai i misual mi paohpaoh cu thah an si lai.

ISAIAH 22:5

Atu caan hi lau caan, sungh caan, i tuai caan, Langhnak Nelrawn caah a si i, hihi Bawipa Ralkapbu Bawipa nih kan cungah a tluntermi a si. Kan khua kulhnak vampang cu an chimh dih hna i kan bawm u ti au thawng cu tlang ah a thang.

ISAIAH 8:22

Vawlei an bih lai, sihmanhsehlaw harnak le muihnak dah ti lo cu zeihmanh an hmu lai lo; cu muihnak cu muihnak ṭihnung a si i cu chungah cun an lut cuahmah ko. Hi harnak caan chung hin luatnak lam an caah zeihmanh a um lai lo.

JEREMIAH 30:7

Ṭih a nungmi ni cu a ra lio; cu tluk ṭih a nungmi ni cu a um bal lo, Cu ni cu Jakob tefa hna caah harnak caan a si; Sihmanhsehlaw him tein an chuak ko lai,” tiah a ti.

JOEL 2:11

Bawipa nih a ralkapbu cu khuari thawngin nawl a pek hna, Amah nawl a ngaimi ralkap hna cu a ṭhawngmi le rel cawk a si lomi an si. Bawipa ni cu zeitluk in ṭih a nungmi le a liannganmi dah a si! Ahodah a ing kho lai?

JOEL 2:2

Cu ni cu muihnak le khuachiat ni, Chum le minmei aa zelh ni a si lai. Tlang cungah khin nak khupmap in khaubawk bu ngan pipi cu an hung chuak; Anmah bantuk cu a um bal lo i hmailei caan zongah a um bal fawn lai lo.

JOEL 2:31

A lian a ngan i ṭih a nungmi ni, Bawipa ni cu a phak hlanah, Ni cu a mui lai i thlapa cu thisen bantuk in a sen lai.

ZEFANIAH 1:18

Annih khamhnak caah an ngun siseh, an sui siseh, zeihmanh an ṭhahnem lai lo. Bawipa thinhun ni ah cun Bawipa nih khan cu ram cu a ning piin a nahchuahnak mei in a khangh dih lai i cu ram chung i a ummi vialte hna cu khulrang tein an donghnak kha a phakter hna lai.

ZEFANIAH 2:2

Bawipa thinhunnak a kangh in a kangmi cu nan cungah a phak hlanah le Bawipa thinhun ni nan cung i a tlun hlanah i pum tuah u.

MATTHAI 24:29

“Cu caan harnak cu a dongh cangka in ni cu a mui lai i thlapa cu a ceu ti lai lo, arfi cu van in an tla lai i vancung ṭhawnnak cu an i hnin lai.

ROM 2:5

Asinain na lung cu a hak i a ṭhawng. Cucaah Pathian nih a thinhunnak le ding tein bia a ceihnak a phuan ni i na in laimi dantatnak cu na nganter chin men ko.

DEUTERONOMI 28:52

Nan ram chung dihlak i nan i bochanmi a sang le a fekmi ralhau an chimh dih tiangin, nan khua kip ah an in hren hna lai; Bawipa nan Pathian nih an pekmi hna nan ram chung dihlak ah nan khua kip ah an in hren hna lai.

2 PETER 3:7

Sihmanhsehlaw Pathian bia ṭhiamṭhiam nih cun atu i a ummi van le vawlei hi mei in hrawh awkah a zuah rih hna. Pathian zei i a rel lomi hna an biaceih a si ni le hrawh an si ni caah cun zuah an si.

BIAPHUAN 6:17

An thinlinh ni ni lianngan cu an phan cang i aho nih dah a celh lai,” a ti.