ZEFANIAH 1:13 - Lai (Hakha) Common Language Bible 2006

¹³ An chawva vialte kha ramhpiak an si lai i an inn cu hrawhpiak an si lai; Inn cu an sak hna lai, sihmanhsehlaw an umnak hna lai lo, Mitsur dum cu an ser hna lai, sihmanhsehlaw mitsur hang cu an ding lai lo.

ZEFANIAH 1:13 Iomraidhean Croise

ISAIAH 6:11

“Hi bantuk hin zei can dah a um lai, Bawipa,” tiah ka hal i, “Khuapi cu a rawk dih i a lawn dih tiang—inn cu a chung i mi umtu an um lo tiang—hi ram hi a kin in a kin dih cikcek tiang a si lai.

JEREMIAH 15:13

Bawipa nih a ka thawh i, “Ka mi hna nih ram chung a dihlak ah hin sualnak an tuah caah hi sualnak ruangah hin dan ka tat hna lai, an chawva le an rothil vialte kalpi awkah ral kha ka rak thlahhnawh hna lai.

JEREMIAH 17:3

Nan ram chung dihlak i nan sualnak ruangah nan chawva cu hranchaw ah mi ka pek hna lai i nan rochaw cu man loin ka pek hna lai.

JEREMIAH 4:20

Chiatnak nih chiatnak kha a hun zulh colh, Ram cu a ningpi in a rawk. Ka thlam hna cu an tlu i an khuhnak puan hna cu an tlek dih cikcek.

JEREMIAH 4:7

Rambur chungin chiandeih a hung chuak cang Miphun hna hrawktu aa thawh cang; Nan ram kha hrawh awkah a umnak hmun in a chuak cang; Nan khuapi hna cu an chungah mi um loin an rawk cikcek lai.

JEREMIAH 5:17

Nan kumvui mi le nan rawl kha an ei dih lai, Nan fanu le nan fapa hna kha an ei dih hna lai, Nan tuurun le nan cawrun kha an ei dih hna lai, Nan mitsur hang hna le nan theipi kung hna kha an hrawh dih hna lai, Nannih nih nan i bochanmi nan khua hna cu, kulhnak vampang ngei hmanh hna seh law, Vainam in an chimh dih hna lai.

JEREMIAH 9:11

Jerusalem cu a rawkmi thil pon ah le cenghngia nih an veh lengmangmi hmun ah ka ser lai; Cun Judah ram khua hna cu an chungah mi um ti loin ka ṭhio dih hna lai.

JEREMIAH 9:19

Zion i ṭah thawng cu ngai hmanh: Zeitluk in dah kan rawhnak cu ṭihnung a si, Zeitluk in dah kan ningzahnak cu a fah! Kan vawlei cu kan chuahtak cang hna i kan inn cu an cim dih cang.

ṬAHNAK HLA 5:2

Kan pale sinin kan comi ro cu khual sinah pek an si i Kan inn hna cu ramdangmi sinah pek an si.

EZEKIEL 22:31

An cungah ka thinhunnak kha ka bungh i ka thinlinhnak mei chungah khan annih cu ka hrawh cikcek hna. Cuticun annih nih hmuh awkah an i tlakmi dantatnak cu an cungah ka tlunter,” tiah Bawipa Pathian nih a ti.

EZEKIEL 7:19

An ngun cu lam ah khan an hlonh hna lai i an sui cu hmunthur bantukin an hlonh hna lai; Bawipa thinhun ni ah cun an sui le an ngun nih khan a khamh kho hna lai lo. An rawlṭam kha a dam lai lo i an paw zong a khim lai lo; zeicahtiah an tluknak a chuahtertu cu an ṭhat lonak kha a si lai.

EZEKIEL 7:21

ramdangmi sinah ramhmi thil le vawlei cung i miṭhalo bik hna sinah hranchaw ah ka pek hna lai i annih nih an thurhhnawmh hna lai.

EZEKIEL 7:24

Miphun hna lak i a nauta bik kha an inn cu ka coter hna lai; a ṭhawngmi an i zumhnak kha ka zorter lai i an hmunthiang hna cu thurhhnawmh an si lai.

AMOS 5:11

Nannih nih sifakmi kha nan lamhchih hna i Rawl kha hramhram in nan chuh hna caah Nannih nih lung remhmi inn cu i sak hna hmanh u law an chungah nan um lai lo; Nannih nih mitsur dum ṭhaṭha i ser hmanh u law, an hang kha nan ding lai lo.

MIKAH 3:12

Cucaah nanmah ruangah Zion cu lei bantukin thuan a si lai i, Jerusalem cu a rawkmi thilpon ah a cang lai i, Biakinn tlang cu tupi ah a cang lai.

MIKAH 6:15

Thlaici cu nan tuh lai, sihmanhsehlaw nan zun lai lo, Oliv chiti cu nan sur lai, sihmanhsehlaw nan hmang hna lai lo, Mitsur thei cu nan nen hna lai, sihmanhsehlaw a hang cu nan ding hna lai lo.

ZEFANIAH 1:9

Khi ni ah cun an bawipa biakinn tual i a lammi vialte kha dan ka tat hna lai i An bawipa inn zaang-ennak ṭhat lonak le hlennak in a khahtertu vialte hna cu dan ka tat fawn hna lai.

DEUTERONOMI 28:30

Nupi nan ham lai i midang nih an ihpi lai; inn nan sak lai i nan umnak lai lo; mitsur dum nan ser lai i a theitlai cu nan ei lai lo.

DEUTERONOMI 28:39

Mitsur dum nan ser lai i nan zohkhenh hna lai, sihmanhsehlaw a mitsur hang kha nan ding lai lo i a thei zong nan lo lai lo, zeitintiah rungrul nih a ei dih hna lai.

DEUTERONOMI 28:51

Nan rawk dih hlantiang nan saṭil tefa le nan vawlei theitlai cu an ei lai; an in hloh dih hna hlantiang in, rawl siseh, mitsur hang siseh, chiti siseh, nan saṭil karhnak siseh, nan tuurun fano hna siseh an in nganh hna lai lo.