ZEFANIAH 1:1 - Lai (Hakha) Common Language Bible 2006

¹ Judah siangpahrang Amon fapa Josiah chan ah Zefaniah sinah Pathian bia a phanmi cu hihi a si. Zefaniah cu Kushi fapa a si, Kushi cu Gedaliah fapa a si, Gedaliah cu Amariah fapa a si, Amariah cu Hezekiah fapa a si.

ZEFANIAH 1:1 Iomraidhean Croise

2 SIANGPAHRANG 21:18

Cun Manasseh cu a pupa hna sinah a it i amah dum chung, Uzza dum chungah an vui; cun a fapa Amon cu amah hmun ah khan a hung bawi.

2 SIANGPAHRANG 21:26

Cun amah cu Uzza dum chung i a thlan ah khan an vui i a fapa Josiah cu amah hmun ah khan a hung bawi.

2 CHANRELNAK 33:20

Cuticun Manasseh cu a pupa hna sinah a it i amah a inn ah khan an vui; cun a fapa Amon cu amah hmun ah khan a hung bawi.

JEREMIAH 1:2

Amah sinah cun Bawipa bia cu Judah siangpahrang Amon fapa Josiah a bawi kum hleithum kum ah a phan;

JEREMIAH 22:11

Judah siangpahrang Shallum, Josiah fapa, a pa Josiah a chaangtu kong ah Bawipa nih, “Hika hmun hin a chuak cang i a ra kir ṭhan ti lai lo.

JEREMIAH 25:3

“Amon fapa Josiah, Judah siangpahrang, a bawinak kum hleithum ri in atu tiang, kum kul le kum thum chung, Bawipa bia cu ka sinah a ra lengmang i nan sinah thlah lo tein ka chim lengmang ve, sihmanhsehlaw nan ngai lo.

EZEKIEL 1:3

Khaldi mi hna ram i Khebar tiva pawngah khan Buzi fapa tlangbawi Ezekiel sinah khan Bawipa bia cu a phan; cun khika ah Bawipa kut cu a cungah khan a um.

HOSEA 1:1

Judah mi hna siangpahrang Uzziah, Jotham, Ahaz le Hezekiah le Israel mi hna siangpahrang Jeroboam, Jehoash fapa, an bawi lio caan i Beeri fapa Hosea sinah Bawipa bia a rami:

2TIMOTE 3:16

Cathiang hi a dihlak in Pathian thaw chuahhnawhmi a si i biatak cawnpiaknak caah le palhnak cawnpiaknak alnak caah le palhmi remhnak caah le ding tein nunnak ding cawnpiaknak caah a ṭhahnemmi a si.

2 PETER 1:19

Cucaah cun profet hna nih an rak chimmi bia kha kan zumh chinchin. Cu bia cu nannih zong nih ṭha tein nan ngaih ahcun a ṭha lai, zeicahtiah khua a hung dei i deirel arfi nan lung chung i a hung ceu hlantiang, muihnak hmun i a ceumi mei-inn bantuk khi, cu bia cu a si.