ṬAHNAK HLA 4:8 - Lai (Hakha) Common Language Bible 2006

⁸ Sihmanhsehlaw an hmai cu ṭumṭing nakin a nak deuh cang i Lampi ah ahohmanh nih an hngal hna lo; An cuar cu an ruh cungah kor hnianghnuang in an um i thingro bantukin an car.

ṬAHNAK HLA 4:8 Iomraidhean Croise

JOB 19:20

Ka ruh cu ka cuar lengah an fong i ka ha vun in ka luat.

JOB 2:12

Cun annih nih lamhlat piin an hei hmuh tikah an hngal kho lo i an ai thluahmah i an ṭap; cun an puan kha an thleh hna i van lei ah vutcam kha an vorh i an lu cungah an i phulh.

JOB 30:30

Ka cuar cu an nak dih i an kok, ka pum cu ni lin nih a ka kangh.

JOB 33:21

A titsa cu uai hnianghnuang in a um i a ruh hna cu an i liklok dih.

SALM 102:11

Ka nunnak cu zanlei sang thladem bantuk men a si; Kei cu ram bantuk ka si ko.

SALM 119:83

Kei cu an hlonhmi saphaw cua bantukin santlailo ka si, asinain na nawlbia cu ka philh hna lo.

SALM 32:4

Bawipa, chunzan in dan na ka tat i ka thazang cu a dihlak in a zor, ṭhal ni lin nih khua a roter bantuk khin ka thazang cu a ro dih. Selah

SALM 38:3

Na thin a hun caah ṭhalo tein ka zaw; ka sual ruangah ka pum cu a dihlak in a zaw.

ISAIAH 52:14

An rak hmuh ah khan mi tampi cu an khuaruah a har; a muihmai cu a rak rawk tuk hringhran i minung hmanh a lo lo.

ṬAHNAK HLA 5:10

Rawlṭam linhsatnak nih kan cuar cu Somei nih a nahter bantukin a nahter.

JOEL 2:6

An hmaiah cun miphun kha a ther in an ther i an hmai kha a daang dih.

NAHUM 2:10

An ramh hna, an rok hna, an hlih cikcek hna! An ralṭhatnak cu ti bantuk ah a cang i an khuk cu a ther dih, An kutke cu a tom dih hna i an hmai cu a daang dih.

LUKA 10:11

‘Kan ke i aa behmi nan khua chung leidip hmanh hi kan in thinhnawh tak hna; sihmanhsehlaw hi tu hi cu run philh hlah u: Pathian Pennak nan pawngte a phan cang hih,’ nan ti hna lai.