ṬAHNAK HLA 4:4 - Lai (Hakha) Common Language Bible 2006

⁴ Hnuk ding lio bawhte lei cu A ti a hal caah a dang ah aa beh; Ngakchia nih rawl kha an hal hna Sihmanhsehlaw ahohmanh nih a ṭiltlawt hmanh an pe kho hna lo.

ṬAHNAK HLA 4:4 Iomraidhean Croise

2 SIANGPAHRANG 18:27

Sihmanhsehlaw ralbawi ngan bik nih cun a thawh hna i, “Hi bia hi nan bawipa le nanmah lawng sin i chim awkah maw ka bawipa nih a ka thlah? Ralhau cung i a ṭhumi hna, anmah ek lila ei awkah le anmah zun lila din awkah nannih he hrawh awkah ruah cangmi hna kha ka chim ve hna hnga lo maw?” tiah a ti.

2 SIANGPAHRANG 25:3

Thla linak thla a ni kua ni ah, khuapi chungah cun mangṭam cu a fak tuk cang i rammi caah rawl a um ti lo.

SALM 137:6

nangmah kha kan hngalh camcin lo i kaa lawmhnak sang bik ah kan chiah lo ahcun, ka lei hi ka dang ah i beh seh.

SALM 22:15

Ka hrom cu leidip ro in a ro, ka lei cu ka dang cunglei ah aa beh. Leidip lak i hung thi dingah na ka kaltak.

ISAIAH 5:13

Cucaah cun nannih cu sal ah kalpi nan si lai. Nan hruaitu pawl cu rawlṭam in an thi lai i nan zapi pawl cu tihal in an thi lai.

JEREMIAH 14:3

A saṭil bawi hna nih khan an sinum hna cu ti kawl awkah an thlah hna; Tili ah khan an va kal, sihmanhsehlaw ti an hmu lo, An tithawl ro he an kir.

ṬAHNAK HLA 1:11

A mi vialte hna cu an hrum an ai, Rawl kha heh tiah an hal; An thazang kha hmuh ṭhan awkah An rothil cu rawl ah an zuar hna. “Maw Bawipa, run ka zoh law, Zeitluk in dah zohchuk ka si kha run ka hmu tuah,” tiah a ṭap.

LUKA 10:11

‘Kan ke i aa behmi nan khua chung leidip hmanh hi kan in thinhnawh tak hna; sihmanhsehlaw hi tu hi cu run philh hlah u: Pathian Pennak nan pawngte a phan cang hih,’ nan ti hna lai.

DEUTERONOMI 28:48

cucaah Bawipa nih an thlahhnawhmi hna nan ral hna cu rawlṭam tihal, puan lo le zeizong vialte herhbau cukmak in nan rianh hna lai i, an hrawh hna hlantiang thir hngawngkual nan hngawng ah an banh hna lai.

DEUTERONOMI 32:24

Rawlṭam in an lotlau lai i A kangh in a kangmi linhnak le sivai ṭha rai nih an ei hna lai; Sahrang ha hna cu, leidip ah a lawnmi thil sivai hna he, An cungah ka tlunter lai.