ṬAHNAK HLA 4:20 - Lai (Hakha) Common Language Bible 2006

²⁰ Bawipa chiti thuhmi, kan nunnak thaw a simi kha, Amah cu miphun hna lakah a thlazung in a ka hupphengtu a si lai, tiah kan rak i ruahchan.

ṬAHNAK HLA 4:20 Iomraidhean Croise

GENESIS 2:7

Cun Bawipa Pathian nih vawlei khan tlak tlawmpal a lak i mipa ah a ser; nunnak petu thaw kha a hnar chungah a chuahhnawh i mipa cu a hung nung.

GENESIS 44:30

“Cucaah cun bawipa, ka pa sinah ka va kir i ka pa nih ngakchiapa kha ka sinah a rak hmuh lo ahcun, cu cangka cun a thi ko lai. Kan pa nunnak cu hi ngakchiapa nunnak he hin aa ṭemṭawn tuk. Tlangvalpa hi kan sinah aa tel lo a hngalh ahcun a thi ko lai i na salle nih hin na salpa kan pa sampar cu ngaihchia in Sheol ah kan liamter ko lai.

2 SAMUEL 1:14

David nih amah cu, “Zeitindah a si e, nangmah nih Bawipa chiti thuhmi hrawh awk i na kut zao na ṭih lo cu?” tiah a ti.

2 SAMUEL 1:21

Gilboa tlang hna, nan cungah ruah sur hlah seh, dap zong tla hna hlah seh lo ṭha zong um hna hlah seh; Zeicahtiah khika ah miṭhawng phaw cu thurhnawmh a si i Saul phaw cu chiti thuh ti loin a ril cang;

2 SAMUEL 18:3

Sihmanhsehlaw mi nih cun an thawh i, “Na kal hnga lo, zeicahtiah kannih cu kan zam a si zongah an zei a poi lai lo. Hnarcheu kan thih zongah an zei a poi hlei lai lo. Sihmanhsehlaw nang cu kanmah thong hra tluk na si; cucaah khua chungin bawmhnak na kan pek ahcun a ṭha deuh lai,” tiah an ti.

2 SAMUEL 19:21

Zeruiah fapa Abishai nih khan, “Bawipa chiti thuhmi kha chiat a rak serh caah, mah caah khan Shimei hi thah awk a si lo maw?” tiah a leh.

2 CHANRELNAK 35:25

Jeremiah zong nih ṭah hla a lawh i hlasak thiammi pa vialte le nu vialte nih nihin tiang hin Josiah cu an hla ah an cuanter. Mah hihi Israel mi lakah phunglam ah an ser hna; zohhmanh, Ṭah Hla chungah an i ṭial.

ISAIAH 32:2

Annih cu thlitu a hran tikah dornak le thlichia a hran tikah i thuhnak hmun bantuk an si lai. Annih cu thetse ram i tiva luang bantuk le ramcar i lungpi naidem bantuk an si.

JEREMIAH 39:5

sihmanhsehlaw Khaldi mi ralkap hna nih khan an dawi hna i Jeriko nelrawn ah khan Zedekiah cu an phanh. Siangpahrang cu an tlaih i Hamath ram Riblah khua ah Babilon siangpahrang Nebukhadnezzar hmaiah khan an ratpi i a hmaiah cun a kong kha aa chim.

JEREMIAH 52:8

Sihmanhsehlaw Khaldi mi ralkap hna nih cun siangpahrang cu an dawi i Jeriko nelrawn ah an phak; cun a ralkap vialte hna cu an i ṭhek dih i an zamtak.

JEREMIAH 52:9

Cun siangpahrang cu an tlaih i Hamath ram Riblah khua ah Babilon siangpahrang sinah cun an hunpi i a bia kha a ceih.

ṬAHNAK HLA 2:9

A kutka hna cu vawlei chungah an pil, Kutka hrolh hna cu a den hna i a tan dih hna; A siangpahrang le a uktu bawi hna cu Jentail mi sinah an um i phung cu a um ti lo; A profet hna zong nih Bawipa sinin langhnak an hmu fawn lo.

EZEKIEL 12:13

Sihmanhsehlaw ka sur in ka vorh lai i aa awh lai. Khaldi mi hna umnak Babilon ram ah khan, a hmu lai lo nain ka kalpi lai; cun khika ah khan a va thi lai.

EZEKIEL 17:18

A chiatsermi le a biakammi kha a let ṭhan hna. Hi thil vialte cu a tuah hna, atu cu an luat ti lai lo.

EZEKIEL 31:17

Annih zong, amah bantukin Sheol ah cun an vung kal ve, vainam in thahmi hna sinah cun an vung kal; cun a thladem tangah a rak um tawnmi hna kha miphun kip sinah ṭhek an si.

DANIEL 4:12

A hnah cu an i dawh ngaingai i a thei cu an tam ngaingai caah zeizong vialte kha a cawm khawh hna. A toiah cun ram sa kha an i dor i a nge ah cun vate nih bu an ser; Thilnung vialte nih amah sin cun rawl an hmuh.

HOSEA 13:10

Siangpahrang kan pe, hruaitu kan pe, tiah nan ka hal. Sihmanhsehlaw cu hna cu khuazei ah dah an um kun?

BIACEIHTU 9:15

Cun hling nih cun thingkung hna cu, ‘Nannih nih lungthin tak tein nan siangpahrang ca i chiti nan ka thuh a si ahcun, ka thladem ah hin ra u law, rak i dor tuah u; sihmanhsehlaw cu bantukin a si lo ahcun, hlingbur chung cun mei chuak seh law, Lebanon sidar thing khi kangh dih hna seh,’ a ti hna.

1 SAMUEL 12:3

Hika ah hin ka um hih; Bawipa le a chiti thuhmi hmaiah hin ka soi tuah u. Aho cawtum ka la bal maw? Aho laa ka la bal maw? Aho tal ka hleng bal hna maw? Aho tal ka hrem bal maw? Ka mit phenhtertu ah aho sinin nawhthuh ka la bal maw? Ka chim u law, kan rulh hna lai,” tiah a ti.

1 SAMUEL 12:5

Cun anih nih, “Ka kut chungah zeihmanh nan hmuh lonak kong ah hin Bawipa cu nan cungah biahngaltu a si i nihin ah hin a chiti thuhmi cu biahngaltu a si,” tiah a ti hna. Cun annih nih, “Amah cu biahngaltu a si,” tiah an ti.

1 SAMUEL 16:6

Annih nih an rat tikah Eliab kha a zoh i, “Bawipa chiti thuhmi cu Bawipa hmai i a ummi hi a si hrimhrim ko,” tiah a ruah.

1 SAMUEL 24:10

Zohhmanh, zeitintiah Bawipa nih nangmah cu nihin ah, lungkua ah khan, keimah kut chung i an pek kha, nangmah mit nih nihin hrimhrim ah a hmuh cang; mi cheu nih cun nangmah thah awk kha an ka fial, sihmanhsehlaw keimah nih kan zuah. ‘Ka bawipa cu Bawipa chiti thuhmi a si caah a cungah ka kut ka samh lai lo,’ tiah ka ti.

1 SAMUEL 24:6

A mi hna sinah khan, “Amah cu Bawipa chiti thuhmi kha a si caah, amah cung i ka kut samh awkin, Bawipa chiti thuhmi ka bawipa cungah hi thil ka tuahmi hi Bawipa nih ka thlauh ko seh,” tiah a ti.

1 SAMUEL 26:16

Hi thil na tuahmi hi a ṭha lo. Bawipa a nun bangin, nang cu thih awk na tlak, zeicahtiah Bawipa chiti thuhmi, na bawipa kha na kilveng lo. Siangpahrang lu hram i fei le hranthawl a ummi kha khuazei ah dah an um cang, hun zoh tuah ngat,” tiah a ti.

1 SAMUEL 26:9

Sihmanhsehlaw David nih Abishai cu, “Amah kha hrawk hlah; zeitintiah ahodah Bawipa chiti thuhmi cungah a kut a samh i mawh lo in a um kho lai?” tiah a ti.