ṬAHNAK HLA 3:37 - Lai (Hakha) Common Language Bible 2006

³⁷ Bawipa nih a thlauhmi thil cu Aho nih dah tuah si seh tiah nawl a pek khawh lai?

ṬAHNAK HLA 3:37 Iomraidhean Croise

2 SAMUEL 16:10

Sihmanhsehlaw siangpahrang nih cun a thawh i, “Nannih Zeruiah fapa hna, nannih nan i thlaknak zeidah a um? Bawipa nih amah cu, ‘David kha chiat va serh,’ tiah a ti i chiat a ka serh a si ahcun, ‘Zeicahdah mah cuticun na ti?’ tiah aho nih dah a ti khawh lai?” tiah a ti.

1 SIANGPAHRANG 22:34

Sihmanhsehlaw pakhatpa nih tinh setsaimi ngei loin a li cu a kuaih sawhsawh i Israel siangpahrang cu a thir ngaphaw angki le a ṭangphaw karlak ah a khen; cucaah a rangleng mawngtu cu, “I mer law hi i tuknak chung hin ka chuahpi tuah, zeicahtiah an ka hliam ai,” tiah a ti.

2 SIANGPAHRANG 6:33

Cun an sin i bia a chim lengmang lioah cun, siangpahrang cu a sinah a rung i, “Hi harnak hi Bawipa sinin a si. Zeicahdah Bawipa nih zeidah a tuah lai ti cu ka ngan len ti lai?” tiah a ti.

JOB 10:13

Asinain, ka caah a thli tein tinhmi pakhat na ngeih kha ka hngalh.

JOB 2:10

Sihmanhsehlaw amah cu a thawh i, “A hrutmi nu bantukin pei bia na chim cu. Pathian kut in ṭhatnak kan hmuh i ṭhat lonak zong kan hmuh awk a si hnga lo maw?” tiah a ti. Hi thil vialte ah hin Job nih a kaa in sualnak a chim lo.

EXODUS 10:10

Faro nih cun, “Bawipa nih in bawm hna seh! Nu le ngakchia cu nan i kalpi hna hnga lo, zeicahtiah harnak pakhatkhat tuah nan i tim ti cu a fiang.

PHUNGTHLÛKBIA 16:9

Minung nih hin a khualtlawnnak ding khua kha a khan, sihmanhsehlaw a kephau a hruaitu cu Bawipa a si.

PHUNGTHLÛKBIA 19:21

Minung lung chungah khuakhannak tampi a um ko lai, sihmanhsehlaw Pathian tinhmi lawng kha a hmun lai.

PHUNGTHLÛKBIA 21:30

Fimnak siseh, hngalhnak siseh, chunglei thil purh khawhnak siseh, Bawipa hmaiah cun zeihmanh an si lo.

ISAIAH 46:10

A hramthawk tein a phichuak zeidah a si te lai ti kha ka rak chim; thil um ding kha a um hlan piin ka rak chim. Kaa tinhmi cu ka tlolh bal lai lo, ka ti; tuah kaa timhmi cu a dihlak in ka tuah lai.

JEREMIAH 23:32

Lih kha mang i a manh i a zuar ṭhan i ka mi hna kha hrokhrawl le pakpalawng in a pingah a hruaitu profet cu ka ralchanh hna, tiah Bawipa nih a ti. Annih a thlahtu hna kha keimah ka si lo, a fialtu hna zong ka si lo, cucaah hi profet hna nih hin hi mi hna hi zeihmanh an ṭhathnem hna lai lo. Mah hihi Bawipa bia hrimhrim a si.

DANIEL 4:35

Vawlei cung i a ummi vialte hna cu zeihmanh ah rel awk tlak an si lo i Van ralkapbu hna cu a duhduh in a tuah hna; Amah cu ahohmanh nih an tlai kho lo i a tuahmi kha zeidah a si tiah ahohmanh nih an hal kho lo.

ROM 9:15

Zeicahtiah Moses sinah pei, “Zaangfah ka duhmi cu ka zaangfah ko hna lai i zawnruah ka duhmi cu ka zawnruah ko hna lai,” a ti kha.

EFESA 1:11

Zeizong vialte hi Pathian khuakhanning le tinhning in an kal ko; Khrih he kan i pehtlaihnak thawngin Pathian nih amah mi si ding i a kan thim cu amah nih a rak i tinhmi a si ko i a hramthawk tein tuah awkah a rak i khiah ciami a si.