ṬAHNAK HLA 2:4 - Lai (Hakha) Common Language Bible 2006

⁴ Ral bantukin a li kha aa koih; Ral bantukin a dir i A rak lawmh tawnmi vialte hna kha A ban ṭhawng in a thah hna; A thinhunnak cu mei bangin Zion fanu thlam cungah a bungh dih.

ṬAHNAK HLA 2:4 Iomraidhean Croise

2 CHANRELNAK 34:21

“Va kal u law, keimah ca le Israel le Judah i a tang rihmi caah Bawipa kha, hi cauk an hmuhmi chung bia kong hi va hal tuah u; kannih kan pupa hna nih hi cauk chung i aa ṭialmi dihlak ningin tuah awkah Bawipa bia kha an zulh lo caah kannih kan cung i a thletmi Bawipa thinhunnak cu a ngan ko,” tiah a ti.

2 CHANRELNAK 34:25

Annih nih an kut in an ṭuanmi rian vialte in ka thin an ka phawh i keimah kha an ka hlawt i pathian dang hna sinah zihmui an khangh caah, cucaah hi hmun cungah hin ka thinhunnak ka bungh lai i hmih khawh a si lai lo.

JOB 19:11

A thinlinhnak cu ka cungah a alh in a alh i, A ral ah a ka chiah.

JOB 6:4

Zeicahtiah Lianngan Bik nih a thal in a ka kah i A sivai nih ka thlarau cu a ciah. Pathian ṭihnunnak nih cun hmaitonh in an ka tianhnawh.

SALM 37:14

Miṭhalo nih cun an nam kha an i zuh i an likuk kha an i hruai i sifak le retheimi kha thah le miṭha mi nawn kha an duh;

SALM 7:13

A hmual a fak ngaimi a hriam kha aa lak hna i meialh bantuk a simi a cantiang kha aa tinh hna.

ISAIAH 42:25

Cucaah cun a thinhun ṭhawnnak kha a kan inter i ral hremnak kha a kan tuarter. Israel mi hna lakah a thinhunnak cu mei alh in a alh, sihmanhsehlaw zei thil dah a um ti kha kan hngal lo, kan i cawn khawhmi zong zeihmanh a um fawn lo.

ISAIAH 63:10

Sihmanhsehlaw an doh i a ngaih an chiatter. Cucaah Bawipa cu an ral ah a cang i a doh hna.

ISAIAH 63:6

Ka thinhun in miphun kha ka lamhchih hna i ka thinlinh in ka naan cikcek hna; Cun an thisen kha vawlei ah ka thlet,” a ti.

JEREMIAH 10:20

Ka inn cu a rawk cang, ka thlam hri vialte cu an cat dih cang; Ka fale nih an ka kaltak i an lo diam cang; Ka thlam a bunh ṭhantu ding ahohmanh an um lo, A puanzar hna a phun ṭhantu ding ahohmanh an um lo.

JEREMIAH 21:5

Keimah hrimhrim nih thinhunnak le thinlinhnak le samhmi kut le ban ṭhawng he kan doh lai.

JEREMIAH 30:14

Nangmah a rak in dawtu vialte nih khan an in philh cang; Zeihmanh ah an in rel ti lo. Ral nih an in ṭhuat bantukin kan ṭhuat i Zaangfahnak ngei loin dan kan tat cang; Zeicahtiah na ṭhat lonak cu a ngan i Na sualnak cu a tam ngaingai.

JEREMIAH 36:7

Hi mi hna cungah hin Bawipa nih thinhunnak a nganmi le thinlinhnak a nganmi in bia a chim caah hin, annih nih Bawipa sinah khan zaangfahnak an hei hal phum ko hnga,” tiah a ti.

JEREMIAH 4:4

Bawipa rian ṭuan awk caah nan cuarpar i tan u, nan lung cuarpar i tan u, Maw Judah ram mi hna le Jerusalem khuami hna; Cu ti a si lo ahcun, ṭhat lonak nan tuahmi ruangah khan ka thinhunnak kha mei bangin a alh lai i Hmih khawh lo in a kang sual lai.”

JEREMIAH 42:18

Hi bangin Ralkapbu Bawipa, Israel Pathian nih a ti: Ka thinhunnak le ka thinlinhnak cu Jerusalem khuami hna cungah bungh a si bantuk khan Izipt ram i nan kal ahcun nan cungah bungh a si ve lai. Nannih cu vawlhpamhmi, tuksapur, holh chia tlenghnak le thangchiatmi nan si lai. Hi hmun hi zeitikhmanh ah nan hmu ti lai lo, tiah a ti hna.

JEREMIAH 7:20

Cucaah Bawipa Pathian nih hi bangin a ti: Zohhmanh u, hi hmun cungah hin, minung cung le saṭil cungah, lo chung thingkung hna le vawlei theitlai cungah, ka thinhunnak ka bungh lai; a kang lai i a mit ti lai lo.

ṬAHNAK HLA 1:13

Vancung in mei a run thlah i Ka ruh chungah khan a vak dih; Ka ke kha foih awkah sur a phah i Hnulei ah a ka kirter ṭhan; Ṭiaonak tahchunhnak caah a ka ser i Chun nitlak zawtnak in a ka hrem.

ṬAHNAK HLA 2:5

Bawipa cu ral bantuk ah a cang cang i Israel cu a hrawh cang; An inn sangsang hna cu a hrawh hna i An ralhruang hna cu a chimh dih hna; Judah fanu cungah ngaihchiatnak kha, A chonh chin luaimai ko.

ṬAHNAK HLA 3:3

Keimah lawng hi a kut in a ka rialchih ko i cuticun chun nitlak in a si ko.

ṬAHNAK HLA 4:1

Zeitluk in dah sui cu a dulh cang i Zeitluk in dah sui thiang cu a ziamh cang! Hmunthiang lung hna cu khuachung lam a kenkip ah an ril liangluang ko.

ṬAHNAK HLA 4:11

Bawipa nih diriam in a thinlinhnak kha a chuah i a thinhunnak kha a bungh; Zion ah mei a kau i a hram kha a kangh dih.

EZEKIEL 13:13

Cucaah hihi Bawipa Pathian bia a si: Zeizong vialte kha a rawh dih hlantiang, ka thin nan ka phawh caah thli chia kha ka hranter lai, ka thin hun in ruahpi fak piin ka surter lai i ka thinlinh in lung tlukin a hakmi rial kha ka tlakter hna lai.

EZEKIEL 20:34

Nan i ṭheknak ram chung khan le miphun hna chung khan a ṭhawngmi ka kut le samhmi ka baan le thletmi ka thinhunnak in kan chuah ṭhan hna lai i kan pumh ṭhan hna lai.

EZEKIEL 22:22

Nannih cu thir titnak um chungah ngun an tit bantukin kan tit hna lai i nan cungah Bawipa nih ka thinhunnak ka langh kha nannih nih nan hngalh lai,” a ti.

EZEKIEL 24:25

Cun Bawipa nih a ka thawh i, “Mipa, an i lawmhnak le an sunparnak a simi, zoh an duh ngaingaimi le len an duh ngaingaimi an biakinn kha an sinin ka ṭhial lai, an fapa hna le an fanu hna kha lam hlapi ah ka kalpi hna lai.

EZEKIEL 36:18

Ram chung i thisen an chuahmi le ram cu an thurhhnawmhnak siasal hna ruangah khan annih cu ka thinhunnak ka bunghhnawh hna.

EZEKIEL 5:13

Khi tikah ka thinhunnak cu a dong lai i an cung i ka thinlinhnak cu ka ṭhumh lai i ka dai lai; ka thinlinhnak kha a dih tikah an sin i bia a chimtu cu Bawipa kha ka si i ka ham tuk hna ruangah cu bantukin ka chim ti kha an hngalh lai.

EZEKIEL 6:12

Mi cu vainam le mangṭam le rai in an thi lai. A hlatnak hmun ah rai in an thi lai, inn ah vainam in an thi lai, cun a tangmi si hna seh, a luatmi si hna seh, mangṭam in an thi lai i cuticun a donghnak ah ka thinhunnak cu a dihnak a phan ve lai.

EZEKIEL 7:14

Muko cu an tum cang, zeizong vialte timh a si dih cang, sihmanhsehlaw ahohmanh ral dohnak ah an kal lo.

LEVITIKAS 26:17

ka hmai kan chiathnawh hna lai i nan ral nih an in tei hna lai; an huami nih an in uk hna lai i ahohmanh nih an in dawi hna lo zongah nan zam lai.

NAHUM 1:2

Bawipa cu a nah a chuakmi Pathian a si, phuhlam a duhmi Pathian a si; Bawipa nih cun phu a hlam hna i khulrang in a thin a hung.

NAHUM 1:6

Ahodah a thinhunnak hmaika ah cun a dir kho lai? Aho nih dah a thinlinhnak cu an dawnh khawh lai? A thinhunnak cu mei tiva bantukin a luang i a hmaiah lung hna cu an ti dih.

DEUTERONOMI 32:22

Zeitintiah ka thinhunnak nih mei a kau i Sheol tawne tiang a kangh, Vawlei le a chungchuak a liah hna i Tlang hram kha a kangh hna.

1 SAMUEL 28:16

Cun Samuel nih, “Bawipa nih hnulei an chit cang i na ral ah a can cang caah zeicahdah keimah cu na ka hal duh ti?