ṬAHNAK HLA 1:9 - Lai (Hakha) Common Language Bible 2006

⁹ A hni ah thurhnawmhnak cu aa beh i Hmailei a sicannak ding kha a ruat lo. A tluknak cu zumh khawh lo tiangin a si i Amah hnemtu ah ahohmanh an um lo. Bawipa, a harnak hi nangmah nih run zohpiak law, Zeitindah a ral nih an tei kha run hmuhpiak ko.

ṬAHNAK HLA 1:9 Iomraidhean Croise

2 SAMUEL 16:12

Bawipa nih ka retheihnak hi a ka hmuhpiak hnga i nihin i chiat a ka serhmi ruangah hin ṭhatnak in a hei ka lehrulh ko hnga dahkaw,” tiah a ti.

2 SIANGPAHRANG 14:26

Zeitintiah Israel mi nih hremnak an inmi cu a fak ngaingai ti kha a hmuh, zeitintiah ahohmanh an tang ti lo, sal si hna seh, miluat si hna seh, Israel bawmtu dingah pakhat hmanh an tang ti lo.

NEHEMIAH 9:32

“ ‘Cucaah atu cu kan Pathian, a lian a ngan i a ṭhawng i ṭih a nungmi Pathian, biakamnak a tlinter i a fekmi dawtnak a langhtertu, kan cung le kan siangpahrang hna le kan bawi hna le kan tlangbawi hna le kan profet hna le kan pupa hna le na mi dihlak cungah, Assiria siangpahrang hna chan in nihin tiang a tlungmi harnak vialte hi thil hmetuai ah rel sawh hna hlah.

SALM 119:153

Ka temhinnak hi ka zohpiak law ka khamh tuah, zeicahtiah na phunglam cu zeirello in ka um hna lo.

SALM 140:8

Maw Bawipa, miṭhalo cu an duhmi thil kha hmuhter hna hlah; thil ṭhalo an khanmi kha tlinter hlah. Selah

SALM 25:18

Ka retheihnak vialte le ka innak vialte kha ka ruahpiak hna law Ka sualnak vialte cu ka ngaithiam ko hna.

SALM 69:21

Ka rawl a ṭam tikah sivai tu an ka pek, ka ti a hal tikah ti thor an ka dinh.

EXODUS 3:17

cucaah nannih cu an in hrem hnanak Izipt ram khan kan chuahpi hna lai i Kanaan mi le Hit mi le Amor mi le Periz mi le Hiv mi le Jebus mi an umnak ram ah khan kan kalpi hna lai. Cu ram cu ram rum le vawlei a ṭhatnak hmun a si,” a ti,’ tiah va chim hna.

EXODUS 3:7

Cun Bawipa nih cun, “Zeitluk in dah ka mi hna nih Izipt ram ah temhinnak an huah ti kha fiang tein ka hmuh cang; a hremtu hna nih an cung i rian fak an khinh hna ruang i bawmhnak hal in an ainak kha ka theih. An nganfahnak cu ka hngalh dih cikcek.

EXODUS 4:31

Mizapi nih cun an zumh i Bawipa cu kan sinah a ra i retheihnak kan inmi kha a hmuh ti kha an hngalh tikah an kun i an biak.

PHUNGCHIMTU 4:1

Cun hi vawlei cung i a um lengmangmi dinlonak hi ka zoh ṭhan. Hremmi hna cu an ṭap lengmang, sihmanhsehlaw ahohmanh nih an bawm hna lo. Anmah a hremtu hna kha thil ti khawhnak a ngeimi cu an si caah ahohmanh nih an bawm duh hna lo.

ISAIAH 3:8

Asi, Jerusalem cu a lo ko cang! Judah cu a tlu cuahmah ko cang! An chimmi le an tuahmi paoh cu Bawipa duh lomi lawngte an si dih; langhngan in Pathian hrimhrim kha an nihsawh.

ISAIAH 37:17

Atu cu Bawipa, kan thlacamnak hi kan theihpiak law kannih cu run kan zoh tuah. A nungmi Pathian nangmah serhsatnak bia Sennakherib nih a chimmi vialte hi ngai tuah.

ISAIAH 37:23

Ahodah ka nihsawhmi le ka serhsatmi hi a si tiah na ruah? Israel Pathian thiang hi na ka serhsatmi cu ka si.

ISAIAH 37:29

Cu bantukin na thin a hun le naa porhlawt kha ka theih i cucaah cun atu cu na hnar in sio in kan sio lai na ka ah chak kan hlomh lai; cun n ratnak lam te khan kan kirter ṭhan lai,” a ti.

ISAIAH 37:4

Assiria siangpahrang nih a nungmi Pathian kha nihsawh awkah a ralbawi kha a rak thlah. Bawipa na Pathian nih hi nihsawhnak bia hi rak thei hna seh law a chimtu kha dantat ko hna seh. Cucaah a tangmi kan mi hna caah thla rak cam ko.”

ISAIAH 40:2

“Jerusalem khuami cu lunglawmhnak pe hna u law, ‘Cu caan an in cu a za cang i atu cu an sualnak kha ka ngaihthiam cang hna,’ a ti tiah chim hna u. An sualnak ruangah a za in dan ka tat cang hna,” a ti.

ISAIAH 47:7

Siangpahrang bawinu ka si zungzal rua lai tiah naa ruat i hi thil hi na lung tak in na rak ruat bal hna lo, zeitindah an dongh te lai ti zong kha na rak ruat bal lo.

ISAIAH 51:19

Vanchiatnak thuah hnih nih an in tlak phuat; na ram cu raldohnak nih a hrawh cikcek i na mi cu rawl loin an um. Ahohmanh zaangfahtu na ngei lo.

ISAIAH 54:11

Bawipa nih aa thawh i, “Maw Jerusalem, nang cu harnak na ing i bawmtu na ngei lo, ahohmanh hnemtu na ngei lo. Asinain na hram cu lungvar man sung in ka ser ṭhan hna lai.

JEREMIAH 13:27

Va cungin pa nan i duhnak, hor au in nan aunak, nan thurhnawmhnak hna hi ka huat hna. Tlang cungah le ram lakah thil ṭhalo nan tuahmi kha ka hmuh hna. Aize, Jerusalem, nang cu khua thurhnawm na si ai! Zei can dah, zei can dah na rauh rih lai?

JEREMIAH 16:7

Mithi ngai hna cu an hna ngamter awkah ahohmanh nih rawl an dumpi hna lai lo i an nu le an pa nih an thihtakmi hna hmanh kha ahohmanh nih hnangamnak hrai kha an pe hna lai lo.

JEREMIAH 2:34

Na puan ki ah thisen aa neh — a sual lomi misifak nunnak thi kha. Hi thi cu inn na bauhnak in naa nehmi a si lo, Kuhthing toi kip i rai na thawinak in naa nehmi a si deuh.

JEREMIAH 48:26

“Moab kha, Bawipa cu zei i a rel lo caah ritter law a luak ah khan i bual seh law nihsawhnak hmu seh.

JEREMIAH 5:31

Profet hna nih lih in bia an chim i tlangbawi hna zong nih anmah tining paoh kha an zulh ve; Ka mi hna nih cu ti i tuah cu an duhning a si ko, Sihmanhsehlaw a donghnak a phak tikah, zeitindik nan um te fang lai.

JEREMIAH 50:29

Nan cantiang in paw vungmang in Babilon cu kap u, Nannih nan likuk a za sih cia in a ummi hna. A velchum in nan riahbuk in kulh u, pakhat hmanh luatter hna hlah u. Ṭhat lonak a tuahmi thil vialte kha lehrul dih u; Amah nih Bawipa, Israel Mi Thiang kha zei ah a rel lo caah Amah nih a rak tuah bantuk khan a cungah tuah ve u.

ṬAHNAK HLA 1:17

Zion nih a za a zao, Sihmanhsehlaw a hnemtu ahohmanh an um lo; Bawipa nih Jakob innpa hna cu, Amah ral ah nan cang lai, tiah nawl a pek hna; Jerusalem cu an lakah Puanchia fihnung ah a cang cang.

ṬAHNAK HLA 1:21

Hnemtu zeihmanh ngei loin ka aihram len ko hi ka theihpiak ko. Ka ral vialte hna nih ka harnak hi an theih tikah, Nangmah tuahmi ah hin an i lawm; Sihmanhsehlaw nangmah nih, keimah bantuk an si ve naklai ni bia na kammi kha khulrang in tlunter ko.

ṬAHNAK HLA 2:13

Maw Jerusalem fanu, na caah zeidah ka chim khawh lai i Zei he dah kaan tahchunh khawh lai? Nangmah hnemh awk caah zei he dah kan tahṭhimh khawh lai Maw Zion fanu thiang? Zeicahtiah na hma cu rili ngaw a ti i aho nih dah aan damter khawh lai?

ṬAHNAK HLA 4:1

Zeitluk in dah sui cu a dulh cang i Zeitluk in dah sui thiang cu a ziamh cang! Hmunthiang lung hna cu khuachung lam a kenkip ah an ril liangluang ko.

ṬAHNAK HLA 5:1

Maw Bawipa, zei nih dah a kan tlakhnawh kha philh hlah; Run zoh law zeitluk in dah nihsawh kan si kha run kan hmu tuah.

HOSEA 2:14

Sihmanhsehlaw atu cu ngaihmanh, Ka lem ṭhan lai i ramlak ah cun ka kalpi lai i ka hnemh lai.

ZEFANIAH 2:10

Ralkapbu Bawipa mi kha an serhsat hna i an zawmhtaih hna caah, mah hihi an i porhlawtnak lehrulhnak cu a si lai.

JOHAN 11:19

Judah mi mi tampi kha an ṭa a thih ca i anmah ṭhutpi awkah khan an ra.

DEUTERONOMI 26:7

Khi tikah kannih nih Bawipa kan pupa hna i Pathian kha kan auh i Bawipa nih cun kan aw a theih i kan temhnak le kan rian hrang le an kan hremnak kha a hmuh.

DEUTERONOMI 32:29

Fim hna seh law cu, mah hi an hngalhthiam hnga, An hmailei donghnak kha an hmuh hnga!

1 PETER 4:17

Biaceihnak thawk caan cu a phan cang i biaceih hmasa bik ding cu Pathian mi hna kha an si lai. Kanmah in thawh a si ahcun, Pathian sinin a rami Thawngṭha a zum lomi hna kha, zeitindik an donghnak a va si te ual lai?

1 SAMUEL 1:11

Cun biatiamnak a tuah i, “Maw ralkapbu Bawipa, na salnu intuarnak hi na ka hmuhpiak i na ka cinken i, na salnu kha na philh lo i na salnu hi fapa na ka pek ahcun, a nun chung vialte amah cu Bawipa sinah ka pek lai i, luei nam nih a lu kha a tawng lai lo,” tiah a ti.