ṬAHNAK HLA 1:7 - Lai (Hakha) Common Language Bible 2006

⁷ Jerusalem nih hremnak a in lio caan le a vahvaih lio caan kha a hngalh camcin ko, A mi hna cu an ral kut chungah an tlak i Annih bawmtu ahohmanh an um lo lio caan kha, a philh kho lo. A ral nih cun a hmuh i a ṭumchuknak kha diriam in a nihsawh.

ṬAHNAK HLA 1:7 Iomraidhean Croise

JOB 29:2

“Maw, hlan lio thla hna chung i ka rak um bantuk khan um ning law ka hei duh dah! Pathian nih a rak ka zohkhenh lio caan i ka rak um bantuk khan;

SALM 42:4

Hlanlio kong kha ka ruah tikah ka lung a leng; Pathian inn i mi zapi he kan rak kal i kan kal tikah keimah i ka rak hrui hna i Pathian thangṭhat in lunglawm le thanuam in hla kan rak sak i kan rak au kha ka ruah tikah ka lung a leng hringhran.

SALM 77:3

Pathian kha ka ruat i ka hram, khua ka ruat i ka lung a dong. Selah

SALM 79:4

Kan pawngkam i a ummi miphun hna nih capo ah an kan saih, an kan nihsawh i an kan zawmhtaih;

ISAIAH 64:10

Na khua thiang hna cu thetse ram bantuk an si i Jerusalem cu a rawk i ṭiaotakmi khua a si.

ISAIAH 64:11

Kan pu le kan pa hna nih an in thangṭhatnak hmun, hmun dawh le hmun thiang, kan Biakinn cu mei nih a hrawh cang, a nuammi kan hmun cu an rawk dih cang.

JEREMIAH 37:7

“Hi bangin Ralkapbu Bawipa, Israel Pathian nih a ti: Keimah kha bia hal awkah an thlahtu Judah siangpahrang sinah cun, ‘Zohhmanh, nangmah bawmh awkah aa thawhmi Faro ralkapbu cu anmah ram Izipt ram ah khan an kir dengmang cang.

JEREMIAH 48:27

Moab, Israel mi kha zeitindah nihchuak capo i na ser hna kha philh hlah. Mifir hna lakah tlaihchihmi si hna seh law cu bang, cuticun na tuah hna khah.

ṬAHNAK HLA 4:17

Kan mithram cat in bawmhnak a ra hnga maw tiah kan zoh, Sihmanhsehlaw zeihmanh a um lo. Kannih a kan khamh kho ṭung lomi miphun kha kan hngah filfial ko.

EZEKIEL 25:3

A bia cu hihi a si: ‘Nannih nih ka hmunthiang kha thurhhnawmh a si i Israel vawlei kha a rawk i Judah mi nih sal taannak chungah an kal kha nan hmuh tikah, “Va cei hna seh,” nan ti caah,

EZEKIEL 25:6

Bawipa Pathian bia cu hihi a si: Nannih nih nan kut nan i bengh i nan ke nan tengh i Israel ram cu lungkhat tein nan serhsat i a cungah nan i hlorh caah,

HOSEA 2:7

A duhtu kha a dawi hna tikah a phan a phan hna lai lo, A kawl hna tikah a hmu hna lai lo; Cu tikah aa thawh lai i, “Ka va sinah khan ka kir ṭhan lai, amah sin i ka rak um ah khan atu nakin ka caah a ṭha deuh,” a ti lai.

MIKAH 4:11

Sihmanhsehlaw atu cu miphun tampi nih an in chuahhnawh i, “Hremnak ing seh, Zion cungah kan diriam seh,” an ti.

LUKA 15:17

A donghnak ah cun a lung a hung fim i, ‘Ka Pa kuli vialte hmanh nih ei cawk loin ei awk an ngei, kei vial hika ah hin rawlṭam in ka thi cuahmah.

LUKA 16:25

Sihmanhsehlaw Abraham nih a thawh i, “Ka fapa, na nun lioah khan thil ṭha phun kip kha pek na si i Lazaruh nih khan thil ṭhalo vialte a co kha philh hlah ngat; sihmanhsehlaw atu cu anih cu nuam tein a um i nang cu nganfak ngaiin na um.