ṬAHNAK HLA 1:4 - Lai (Hakha) Common Language Bible 2006

⁴ Zion lei kalnak lam kha an ṭap, zeitintiah a puai thiang ah khan a rami an um lo; A kutka vialte cu an rawk dih, a tlangbawi hna cu an hrum an ai; A ngaknu hna cu lamhlatpi ah an hnuh hna i Amah hrimhrim nih fak piin a in.

ṬAHNAK HLA 1:4 Iomraidhean Croise

ISAIAH 3:26

Khua kulhnak vampang kutka hna cu zuun ngaiin an ṭap lai i khuapi hrimhrim zong hi, hni lo puan loin vawlei ah a ṭhu komi nu bantuk a si lai.

JEREMIAH 10:22

Ngaihmanh, bia chawkvai pakhat a rung thang, A thawng a ngan chin lengmangmi thawngpang cu chaklei ram in a rung; Judah ram khua hna cu ṭhio awk le cenghngia riahhmun i ser awkah a rami ralkapbu thawng a si.

JEREMIAH 14:2

“Judah cu a uai i a khua hna cu zeihmanh tuah zuam loin an um, A mi hna cu vawlei ah an pil i Jerusalem ṭahnak cu a kai.

JEREMIAH 9:11

Jerusalem cu a rawkmi thil pon ah le cenghngia nih an veh lengmangmi hmun ah ka ser lai; Cun Judah ram khua hna cu an chungah mi um ti loin ka ṭhio dih hna lai.

ṬAHNAK HLA 1:21

Hnemtu zeihmanh ngei loin ka aihram len ko hi ka theihpiak ko. Ka ral vialte hna nih ka harnak hi an theih tikah, Nangmah tuahmi ah hin an i lawm; Sihmanhsehlaw nangmah nih, keimah bantuk an si ve naklai ni bia na kammi kha khulrang in tlunter ko.

ṬAHNAK HLA 5:13

Facang rialnak ah tlangval hna cu an ba i An thing phor nih a neh hna caah pa ngakchia cu an ril.

ṬAHNAK HLA 5:14

Upa nih hauka i an biaceihnak kha an ngol i Tlangval nih tingtang hri kha an pet ti lo.

HOSEA 2:13

Baal sin i raithawinak a khangh ni, a ni thiang hna, Hnatonh aa tonh i ṭhi aa oih i a duhtu hna a dawi hna i keimah a ka philh ni hna ruangah khan dan ka tat lai, tiah Bawipa hrimhrim nih a ti.

LEVITIKAS 26:22

Nannih lak i sahrang cu ka thlah hna lai i nan fale kha an in sehpiak hna lai, nan saṭil kha an in hrawhpiak hna lai i an in tlawmter hna lai, cu caah nan lam hna cu an ṭhing dih lai.

MIKAH 3:12

Cucaah nanmah ruangah Zion cu lei bantukin thuan a si lai i, Jerusalem cu a rawkmi thilpon ah a cang lai i, Biakinn tlang cu tupi ah a cang lai.