ṬAHNAK HLA 1:13 - Lai (Hakha) Common Language Bible 2006

¹³ Vancung in mei a run thlah i Ka ruh chungah khan a vak dih; Ka ke kha foih awkah sur a phah i Hnulei ah a ka kirter ṭhan; Ṭiaonak tahchunhnak caah a ka ser i Chun nitlak zawtnak in a ka hrem.

ṬAHNAK HLA 1:13 Iomraidhean Croise

JOB 18:8

Sur chungah khan a lut i tlung kha aa lamh.

JOB 19:6

Pathian hi ka cungah a ding lo i, Amah nih a sur in a ka khuh ti hi nan hngal kho lo maw?

JOB 30:30

Ka cuar cu an nak dih i an kok, ka pum cu ni lin nih a ka kangh.

SALM 129:5

Zion a huatu vialte hna cu sung hna seh law kir dih hna seh!

SALM 140:5

Miruamkai pawl nih khan rap an ka chiahhnawh, mihrokhrawl pawl nih khan sur rap cu an chiah i lam ah khan keimah foihnak dingah cun an phah. Selah

SALM 22:14

Ka thazang a dih cang, vawlei i thletmi ti bantukin a dih cang. Ka ruh vialte kha ka hliahhlok in an pong dih, ka lung cu ka chungah a timi khuailul bantuk a si.

SALM 31:10

Ka nun chung kum hna cu ngaihchiatnak in a liam i hrum ainak in an khat, Harnak tam tuk ka inmi ruangah ka thazang cu a lo dih i ka ruh hna cu an rop thluahmah.

SALM 35:4

Thah a ka zalmi kha sung hna seh law ningzahnak phan hna seh. Keimah thah awkah khua a khangmi hna kha an khuakhanmi cu pakpalawng ah cang seh law

SALM 38:8

Ka tha a dih cikcek i ka ril ko, lungrethei le sivang in ka hram.

SALM 66:11

Rap ah na kan foihter i kan keng ah thilrit na kan khinh.

EXODUS 12:9

A hring in nan ei hna lai lo, chumh zongin nan ei hna lai lo, a pumning in nan em hna lai, an lu he an ke he an chungril he nan em hna lai i cuticun nan ei hna lai.

ISAIAH 42:17

Siasal aa bochanmi vialte le milem cu kan pathian a si tiah a timi vialte cu ningzak le hmaichia in an um lai,” a ti.

JEREMIAH 44:6

Cucaah Judah ram chung khua hna le Jerusalem khuachung lampi hna ah khan ka thinhunnak cu mei bantukin a kang i nihin i ṭiaotakmi hnawmpon an simi ah hin an cang.

ṬAHNAK HLA 1:22

Ṭhat lonak an tuahmi vialte cu na hmaika kha phan ko hna seh; Ka ṭhat lonak vialte ruangah nangmah nih na ka hrem bantukin Annih zong hrem ve ko hna; Zeicahtiah ka aihramnak cu a tam ko i Ka lung cu a tha a ba ko.

ṬAHNAK HLA 3:11

Ka lam kha a kawiter, ka ke kha a ka beiter i cihai lileng in a ka kaltak.

ṬAHNAK HLA 5:17

Hi ruangah hin kan lungthin a zaw i Hi vialte ruangah hin kan mit kha a mui:

EZEKIEL 12:13

Sihmanhsehlaw ka sur in ka vorh lai i aa awh lai. Khaldi mi hna umnak Babilon ram ah khan, a hmu lai lo nain ka kalpi lai; cun khika ah khan a va thi lai.

EZEKIEL 17:20

Sur rap ka chiah lai i aa foih lai. Ka cungah zumh awk tlak in a um lo caah Babilon ah ka kalpi lai i khika ah dan ka tat lai.

EZEKIEL 32:3

Mah hihi Bawipa Pathian bia an si: Miphun tampi kha an i pumh tikah ka sur in kan khuh lai i a awng ah khan naa foih lai.

HOSEA 7:12

Khuazei lei i an i mer hmanh ah ka sur in ka khuh hna lai i A zuang liomi vaa tlaih bantukin ka tlaih hna lai; An i pum ti ka theih cangka, sal ah ka tlaih hna lai.

NAHUM 1:6

Ahodah a thinhunnak hmaika ah cun a dir kho lai? Aho nih dah a thinlinhnak cu an dawnh khawh lai? A thinhunnak cu mei tiva bantukin a luang i a hmaiah lung hna cu an ti dih.

HABAKKUK 3:16

Hi thil vialte hi ka theih tikah a therh in a ka therh, Cu thawng ka theih ah ka hmur cu a ther, Ka ruh cu ti bantuk ah an i cang i ka kal ah ka ke cu an ther; Kannih a kan dohtu hna cung i a tlung ding harnak ni ka ruah ah a ther in ka ther ko.

DEUTERONOMI 28:65

Cun hi miphun hna lakah hin daihnak nan hmu lai lo, nan keza ca zongah dinh ti a um lai lo, sihmanhsehlaw khika ah Bawipa nih lung retheihnak le mit hram dernak le hnabei donghnak an pek hna lai.

2 THESALON 1:8

meizik he, Pathian a hngal lomi hna le Bawipa Jesuh kong Thawngṭha a ngai duh lomi hna dantat awkah, a rung ṭum tikah ding tein a tuah lai.

HEBRU 12:29

Kannih kan Pathian cu mi kangh a hmangmi mei a si caah upatnak le ṭihnak in amah duhning tein bia u sih law amah cungah cun i lawm u sih.