ṬAHNAK HLA 1:11 - Lai (Hakha) Common Language Bible 2006

¹¹ A mi vialte hna cu an hrum an ai, Rawl kha heh tiah an hal; An thazang kha hmuh ṭhan awkah An rothil cu rawl ah an zuar hna. “Maw Bawipa, run ka zoh law, Zeitluk in dah zohchuk ka si kha run ka hmu tuah,” tiah a ṭap.

ṬAHNAK HLA 1:11 Iomraidhean Croise

2 SIANGPAHRANG 6:25

Cun annih nih an kulh caah khan Samaria khua ah cun mangṭam fak ngaingai a tlung i laa lu pakhat nih ngun shekel sawm riat a man i ṭhuro ek kab cheu li cheu khat nih ngun shekel panga a man.

JOB 40:4

“Zei rel awktlak a si lomi kei nih hin nangmah cu zeitindah ka leh khawh lai? Ka kut in ka ka kaa huh ah a ṭha deuh lai.

SALM 79:4

Kan pawngkam i a ummi miphun hna nih capo ah an kan saih, an kan nihsawh i an kan zawmhtaih;

JEREMIAH 15:19

Cun Bawipa nih hi bangin a leh; Ka sinah na kir ṭhan ahcun kan lak ṭhan lai i ka hmaiah na dir lai. Bia ṭha chim kha na thiam i bia chia kha na hlawt ahcun, Ka bia chimtu na si lai.

JEREMIAH 19:9

Cun khika i a ummi hna cu anmah fale sa lila kha ka eiter hna lai. An ral hna le annih thah a duhmi hna nih an kulh hna tikah, an umtuning kha a har tuk hringhran lai caah pakhat le pakhat kha an i ei lai.

JEREMIAH 38:9

“Siangpahrang ka bawipa, hi mi hna nih profet Jeremiah cung i an tuahmi hi a ṭha hrimhrim lo. Annih nih khor chungah an hlonh i khua chung i rawl a um ti lo tikah a umnak hmun ah khan rawl ṭam in a thi lai,” tiah a ti.

JEREMIAH 52:6

Cun khuapi chungah cun mangṭam cu a fak tuk hringhran cang i mi caah rawl a um ti lo caah cu kum thla linak thla a ni kua ni ah khuapi cu an bauh khawh.

ṬAHNAK HLA 1:8

Jerusalem cu fak piin a sual ko, Cucaah puanchia thur bantuk ah rel a si cang; A rak upat tawntu vialte nih khan zei ah an rel ti lo, Zeicahtiah a taklawng in a um kha an hmuh. Cucaah a hrum a ai i ningzak in mi hmai a zoh ngam ti lo.

ṬAHNAK HLA 1:9

A hni ah thurhnawmhnak cu aa beh i Hmailei a sicannak ding kha a ruat lo. A tluknak cu zumh khawh lo tiangin a si i Amah hnemtu ah ahohmanh an um lo. Bawipa, a harnak hi nangmah nih run zohpiak law, Zeitindah a ral nih an tei kha run hmuhpiak ko.

ṬAHNAK HLA 2:11

Ka ṭahnak ah ka mit a phing dih i Ka chung a vang; Ka lung cu ngaihchiatnak in vawlei ah bungh a si, Zeicahtiah khualak lam ah khan ngakchia le bawhte hna cu an ba i

ṬAHNAK HLA 2:12

‘Khuazei ah dah rawl le mitsur hang kan hmuh khawh lai?’ tiah an au — Khuachung lam ah cun hliammi hna bantukin an ba, an nule ṭang chungah cun ha lengmang in an thaw an chuah.

ṬAHNAK HLA 2:20

Bawipa, run zoh law run hmu tuah; Hi bantukin na hremmi hi ahodah a si? Nu nih an paw theitlai, Him tein an hrinmi cu an ei ko hna lai maw? Tlangbawi le profet hna cu Bawipa hmunthiang chungah thah an si ko lai maw?

ṬAHNAK HLA 5:1

Maw Bawipa, zei nih dah a kan tlakhnawh kha philh hlah; Run zoh law zeitluk in dah nihsawh kan si kha run kan hmu tuah.