ṬAHNAK HLA 1:1 - Lai (Hakha) Common Language Bible 2006

¹ Hmasa i minung a rak khat tawnmi khua kha, Zeitindah umhar in a ṭhut ko ee! Hmasa i miphun hna lak i khua lianngan a rak simi kha, Zeitindah nuhmei ah a can; Ram uktu bawinu a rak simi kha hnekmi rianṭuantu ah a cang ko ee!

ṬAHNAK HLA 1:1 Iomraidhean Croise

1 SIANGPAHRANG 4:21

Solomon nih Zufrates in Filistin mi hna ram le Izipt ramri tiang ram vialte cu a uk dih hna; a nun chung vialte Solomon sinah cun ngunkhuai an thawh i a rian an ṭuan.

2 SIANGPAHRANG 23:33

Jerusalem khua ah cun bawi a si nakhnga lo, Faro Neko nih Hamath ram Riblah khua ah thong ah a thlak i a ram cu ngunkhuai ngun talen za khat le sui talen pakhat a cawh hna:

2 SIANGPAHRANG 23:35

Cun Jehoiakim nih Faro cu ngun le sui kha a pek, sihmanhsehlaw Faro nih nawl a pek bangkhan tangka peknak ding caah cun a mi kha ngun a khuai hna. Faro Neko pek awkah khan amah nih a tuah ningin a ram chungmi hna cu sui le ngun kha a thawhter cio hna.

2 CHANRELNAK 9:26

Cun Zufrates tiva in Filistin mi hna ram tiang, cun Izipt ramri tiang, cuka i a ummi siangpahrang vialte kha a uk hna.

EZRA 4:20

Cun Tiva Ral ram a ning piin a rak uk i, ngunkhuai, thil ngeih man le lam hman man an rak pekmi hna siangpahrang ṭhawngṭhawng kha Jerusalem uktu hi an rak si tawn.

NEHEMIAH 5:4

a cheu nih, “Siangpahrang sin pek awk ngunkhuai ca i tangka kan cawimi biahrennak caah kan lo le kan mitsur dum kha kan hman lengmang cang hna,” an ti.

NEHEMIAH 9:37

A theitlai hna cu, kan sual ruang i kan cung i na chiahmi siangpahrang hna sinah khan a kal dih; an duh duh in kan takpum cung le kan saṭil cung zongah khan nawl an ngei i kannih cu kan re a thei ngaingai ko,’ ” tiah a ti.

SALM 122:4

Cuka ah cun Bawipa sin i lawmhnak bia chim awkah, Israel miphun cu an kal tawn, cu lawmhnak bia chim cu Bawipa nih a fialmi hna a si.

ISAIAH 14:12

Babilon siangpahrang, Deirel arfi ceu, nang cu vancung in na tla cang! Hlanah cun miphun tampi kha na rak tei hna, sihmanhsehlaw atu cu vawlei ah an in hlonh cang.

ISAIAH 22:2

Khuapi cu a dihlak in aa tuai, thaw le ri he a khat i a hninh in aa hnin. Hi ral ah a thimi nan mi hna hi raltuk i a thimi an si lo.

ISAIAH 3:26

Khua kulhnak vampang kutka hna cu zuun ngaiin an ṭap lai i khuapi hrimhrim zong hi, hni lo puan loin vawlei ah a ṭhu komi nu bantuk a si lai.

ISAIAH 49:21

Cun nangmah le nangmah cu, ‘Aho nih dah mah hna hi a ka hrinpiak? Ka fale cu an rak thi cang i fa dang ka ngeih ti ṭung hna lo. Kei cu sal ah pei ka tan cu, mak pei ka si cang cu — hi fale hi aho nih dah a rak zohkhenh hna? Keimahte lawng pei an rak ka nganh kha — hi fale hna hi khuazei in dah an rat hnga?’ naa ti lai,” a ti.

ISAIAH 50:5

Bawipa Pathian nih hngalhthiamnak a ka pek caah amah cu ka do lo i ka pialtak fawn lo.

ISAIAH 52:2

Jerusalem, luat lakin i thing tuah! Leidip lak khan tho law na bawiṭhutdan cungah khan ṭhu tuah. Sal i a tangmi Zion mi a ṭemtu hna hri cu chat tuah.

ISAIAH 52:7

Daihnak thawng ṭha i phorh in tlang cungin a rami lamkaltu ke cu zeitluk in dah aa dawh! Teinak kong kha amah nih cun a run thanh i Zion cu a thawh i, “Na Pathian cu siangpahrang a si,” a ti.

ISAIAH 54:4

Na thinphang hlah — ningzahnak na ing ti lai lo; serhsatnak na hmu ti lai lo. Na ngaknut lio i zumh awk tlak lo na rak si kha na philh lai i nuhmei na si lio i na umhar vialte kha na philh lai.

JEREMIAH 31:7

Zeicahtiah mah hihi Bawipa bia cu a si: Jakob ruangah lunglawmhnak in thang piin au tuah u, Miphun lakah phun ngan bik a si; Thangṭhatnak cu hla in sa u law, Bawipa nih a mi cu a khamh cang hna i Israel mi a tangmi hna cu a zuah hna, tiah chim u.

JEREMIAH 40:9

Safan fapa Ahikam i fapa Gedaliah nih cun an sinah khan biakamnak a ser i, “Khaldi mi bawi hna kha ṭih hna hlah u. Ram chungah hin um ko u law Babilon siangpahrang hi rian ko u law nan caah a ṭha ko lai.

JEREMIAH 42:2

profet Jeremiah cu an thawh i, “Zaangfah kan in halnak hi kan cohlanpiak ko: Kanmah aiawh in le hi a tangmi hna aiawh hin Bawipa na Pathian sinah thlacam tuah; zeicahtiah nangmah nih na kan hmuh bangin mi tampi chung khan a tangmi cu tlawmte lawng kan si.

JEREMIAH 44:2

“Hi bangin Ralkapbu Bawipa, Israel Pathian nih a ti: Jerusalem khua le Judah ram khua vialte hna cungah ka tluntermi ṭhat lonak vialte cu nan hmuh cang: atu ah cun an ṭiao dih i ahohmanh um ti loin kaltak an si dih cang,

JEREMIAH 44:6

Cucaah Judah ram chung khua hna le Jerusalem khuachung lampi hna ah khan ka thinhunnak cu mei bantukin a kang i nihin i ṭiaotakmi hnawmpon an simi ah hin an cang.

JEREMIAH 50:23

Zeitindah vawlei pumpi a rak dengtu sobul kha aa cheu i a kuai dih cikcek kha zohhmanh u, Zeitindah Babilon cu miphun hna lakah tuksapur ah a can ee!

JEREMIAH 9:11

Jerusalem cu a rawkmi thil pon ah le cenghngia nih an veh lengmangmi hmun ah ka ser lai; Cun Judah ram khua hna cu an chungah mi um ti loin ka ṭhio dih hna lai.

ṬAHNAK HLA 1:19

A ka dawtu kha ka kawh hna, Sihmanhsehlaw zumhawktlak an si ti lo; Khua chung i a ummi ka tlangbawi hna le upa hna kha, An thazang hrimh ṭhan awk caah rawl an kawl nain, Zeihmanh an hmu lo.

ṬAHNAK HLA 2:1

Bawipa nih a thinhun in Zion fanu cu muihnak in a khuh ai! Israel sunparnak cu vancung in vawlei ah a thlak i A thinhun ni ah cun Zion cu a ke chiahnak a si kha a hngal ti lo.

ṬAHNAK HLA 2:10

Zion fanu upa hna cu vawlei ah an ṭhu i an hrum; An lu cungah leidip an i phulh i Buri kha an i aih; Jerusalem ngaknu thiang hna nih Vawlei ah an lu kha an khun.

ṬAHNAK HLA 4:1

Zeitluk in dah sui cu a dulh cang i Zeitluk in dah sui thiang cu a ziamh cang! Hmunthiang lung hna cu khuachung lam a kenkip ah an ril liangluang ko.

ṬAHNAK HLA 5:16

Pangpar ṭhirual cu kan lu cungin an tla cang; Harnak nih a kan khuh cang, misual kan si caah.

EZEKIEL 26:16

Cun rili uktu bawi vialte hna cu an bawiṭhutdan cung khan an rung ṭum lai i an puan kha an i chiah hna lai i ṭamhmi an puan kha an i phoih hna lai. A hratmi biar kha an i kaih lai; vawlei ah an ṭhu lai i na cung i a tlungmi thil ruangah khan khuaruahhar lungmit in an um lai.

EZEKIEL 26:2

“Mipa, Tair nih Jerusalem cu a thawh i, A! miphun hna kutka a simi kha a bauh cang, A kutka hna cu keimah leiah an i hung; Kei cu ka rum chin lengmang, anih tu cu rawk relrul in a um ko, a ti.

EZEKIEL 5:5

Mah hihi Bawipa Pathian bia cu an si: “Hi khua Jerusalem khua hi miphun hna lakah an laifang ah ka chiah i ramdang nih an dum,

LEVITIKAS 26:31

Nan khua cu ka ṭiaoter hna lai i nan hmunthiang cu ka ṭhinter hna lai i nan rimthaw cu ka hnim hna lai lo.

LEVITIKAS 26:33

Miphun hna lakah kan ṭhek hna lai i nan hnu in vainam kan zuhhnawh hna lai i nan ram cu a ṭhing lai i nan khua cu an ṭiao lai.

ZEFANIAH 2:15

Hi khua hi, ka him ko, tiah amah le amah aa porhmi khua a si i, “Keimah hlei in a dang ahohmanh an um ti lo,” tiah aa timi a si. Atu tah zeidah a si cang kun? Pakpalawng hmun, ramlak saram tlonnak hmun, a pawng i a kalmi paoh nih an cekcekhnawhmi le an kuttum thinhnawhmi a si ko cang.

BIAPHUAN 18:7

Sunparnak le nuamhnak amah le amah a rak i pek zat te khan, Temhinnak le ngaihchiatnak pe ve u. Zeicahtiah aa thawh i, Keimah cu bawiṭhutdan cung i a ṭhumi siangpahrang bawinu ka si. Nuhmei ka si lo, ngaihchiatnak cu ka ing bal lai lo, a ti.