SOLOMON HLA 7:4 - Lai (Hakha) Common Language Bible 2006

⁴ Na hngawng nih sang kaw saiho sakmi run innsang khi bang; Na mitte nih Heshbon khua i Bathrabbim kutka pawng um tibual te lo maw, Na hnar zong nih Damaskas khua lei hoi Lebanon ral vennak run innsang khi bang;

SOLOMON HLA 7:4 Iomraidhean Croise

GENESIS 15:2

Sihmanhsehlaw Abram nih cun a thawh ve i, “Maw Bawipa Pathian, kei cu fa ka ngei lo; cucaah zeitindah laksawng cu na ka pek khawh lai? Ka ro a ka cotu ding cu Damaskas khuami Eliezer hi pei a si ko hi.

2 SAMUEL 8:6

Cun David nih Damaskas khua chung i Aram ah khan ralvengtu ralkapbu a chiah hna i Siria mi cu David sal ah an cang i ngunkhuai kha an pek. Cun Bawipa nih David cu a kalnak kip ah khan teinak a pek lengmang.

1 SIANGPAHRANG 10:18

Cun siangpahrang nih cun vui ho bawi ṭhutdan nganpi zong a ser i a thiang bikmi sui khan a hut.

1 SIANGPAHRANG 10:22

Zeitintiah siangpahrang nih cun rili ah khan, Tarshish sangphawlawng rual khat, Hiram sangphawlawng rual sinah khan a ngei. Kum thum ah voi khat lengmang Tarshish sangphawlawng rual nih cun sui, ngun, vui ho, zawng le awtaw kha an rak phorh tawn hna.

1 SIANGPAHRANG 22:39

Ahab tuahsernak a tang rihmi hna le, a tuahmi thil vialte hna le, vuiho inn a sakmi le, khua a sermi vialte hna cu, Israel Siangpahrang hna Chanrelnak Cauk chungah an i ṭial lo mei?

1 SIANGPAHRANG 7:2

Lebanon Tupi Inn timi kha a sak; a sau cu dong za khat a si, a vang cu dong sawm nga a si, a san cu dong sawm thum a si; cu inn cu sidar thing tung, tlar thum cung i chuanmi sidar thing kaan hna cungah khan sak a si.

1 SIANGPAHRANG 9:19

cun Solomon nih a ngeihmi thil khonnak khua vialte le a rangleng hna ca khua hna le a rangcung ralkap khua hna le Jerusalem, Lebanon le a penmi ram dihlak ah Solomon nih sak a duhmi paoh saknak caah hnekmi rianṭuantu bu a sernak kong cu mah hihi a si.

2 CHANRELNAK 8:6

Baalath le Solomon nih a ngeihmi thil khonnak khua vialte le a rangleng hna ca khua vialte le a rangcung ralkap hna ca khua hna le Solomon nih Jerusalem ah siseh, Lebanon ah siseh, a penmi ram chung paohpaoh ah siseh, sak a duhmi paohpaoh kha a sak fawn hna.

SALM 144:12

Kan fapale hna cu an tlanval lioah, a ṭhawngmi thingkung bantuk si hna seh law, kan fanule hna cu bawi inn ṭamhnak tung bantuk si hna seh.

SALM 45:8

Mura zihmui le aloes zihmui le kassia zihmui in na puan cu na namter hna i vui ho in sakmi siangpahrang inn ah khan hla dawh tum thiam nih an in conglawmh.

SOLOMON HLA 1:10

Na bel nih i dawh kaw na liang cung sam sawm-ai phiar he, Na lungvar ceu tleu le na sui ṭhi, rual nih duum hna na hngawng velchum tiang zong in.

SOLOMON HLA 4:1

Hei zoh tuah lang mui sung ka dawt khi, Mui sung tak si ko ai hrim; Hmai khuh dumdang puanzar khuh toiah, Na mitfang nih ṭial ririai tein ṭhuro mitfang bang, Sawm-ai sam zong Gilead tlangpar ṭum, meheh run ko lo ai hna.

SOLOMON HLA 4:4

Na hngawng nih cun David mangbawi i, khua kil vennak innsanghlei lo ai, A cun dahkaw ralhriam an chiah i Kam lo val hna phaw thong khat an bah.

SOLOMON HLA 4:5

Na hnukte pahnih cu ee, Lili pangpar dawh lak tlong sazuk, semno khuah khi iang ai hna.

SOLOMON HLA 6:5

Ka zoh hlah law nang mit nih ee tang koin ka tlai, Na sawm-ai nih Gilead tlang cungin a ṭum me runrual hna bang.

ISAIAH 54:4

Na thinphang hlah — ningzahnak na ing ti lai lo; serhsatnak na hmu ti lai lo. Na ngaknut lio i zumh awk tlak lo na rak si kha na philh lai i nuhmei na si lio i na umhar vialte kha na philh lai.

HEBRU 5:14

Sihmanhsehlaw rawl taktak cu upa nih khan an ei khawh; annih cu chia le ṭha thleidan khawhnak a ngei cangmi an si.