SOLOMON HLA 3:8 - Lai (Hakha) Common Language Bible 2006

⁸ Cu hna nih cun kingthang nam put in, raltuk thiam ngai ko si hna; Zan khuamawt i ral nih an nam hna zawn ah Ralring camcin vainam khel thlaih in dah an um tawn zungzal.

SOLOMON HLA 3:8 Iomraidhean Croise

NEHEMIAH 4:16

Cu ni thawk cun ka tang i rian a ṭuanmi hnarcheu lawng nih khan rian taktak cu an ṭuan i hnarcheu nih cun thir nga phaw angki kha i aih in an fei le an phaw le an li kha i tlaih in an dir; cun vampang remhnak rian a ṭuanmi Judah mi vialte kha bawi nih an zoh hna.

NEHEMIAH 4:17

Thil phormi hna nih kut khat in an thil kha an i tlaih i kut khat in an hriamnam kha an i tlaih.

SALM 45:3

A ṭhawngmi siangpahrang, na vainam kha i bei tuah; nang cu a ṭhawngmi le a liannganmi siangpahrang na si.

SALM 91:5

Zan i a chuakmi ṭihnung kha na ṭih hna lai lo, chun ah ruahpak loin a chuakmi cantiang zong kha na ṭih lai lo;

SOLOMON HLA 3:7

Hei zohhmanh u, mang bawi Solomon zawnhnak doṭhiang Israel mi chungin val ṭha cem thim hna kaw, Kam lo ralṭha sawm ruk nih veng hna

SOLOMON HLA 3:9

Mangbawi Solomon nih amah zonhnak doṭhiang cu, Remhchun dah kaw Lebanon thing tian phel ṭha in.

ISAIAH 27:3

“Ka mitsur dum cu ka cawngh i ti ka toih zungzal. Ahohmanh nih an hrawh nakhnga lo chunzan in ka cawngh.

JEREMIAH 50:9

Zeicahtiah chaklei i a ummi miphun, a ṭhawngmi bu khat kha ka cawlcanghter hna lai i, Babilon kha ka dohter hna lai; Babilon khua cu an nam lai i an tlaih lai. An i tinhmi a ngan bal lomi thal kah thiam hna bantukin an cantiang cun an kah.

BIACEIHTU 3:16

Cun Ehud nih cun kap hnih har nam, dong khat a saumi cu aa ser i a puan tangah a orhlei phei ah aa thlaih.